3DNews-ի  բաժանորդագրություն
Կիրակի, 29 June 2025
Գլխավոր » 2011 » Նոյեմբեր » 25 » ՏՏ Լրատվական, Տեղեկատվական Տեխնոլոգիաներ
Samsung և Google ընկերությունները մտադիր են համատեղ թողարկել Google TV-ի սարքավորումներ
Հարավկորեական Samsung Electronics ընկերությունը մոտ է Google-ի հետ համաձայնություն ձեռք բերելուն, որով նախատեսվում է Google TV-ի սարքերի թողարկումը:

Ինչպես հաղորդում է Reuters գործակալությունը, նոյեմբերի 22-ին Samsung-ի հեռուստատեսային ստորաբաժանման ղեկավարը հայտնել է, որ Google TV-ի պլատֆորմը, որը նախապես տեղադրվել է Sony ընկերության մի շարք մոդելներում և Logitech International թվային հեռուստաընկերության ընդունիչներում, օգտատերերին թույլ կտա մուտք ունենալ վեբ-կայքեր, դիտել տեսանյութեր և այլևայլ հնարավոր հավելվածներ` օրինակ հեռուստատեսային տեսախաղեր:

2011 թվականի հունվարին մասնագիտացված էլեկտրոնիկայի սպառման ցուցահանդեսի ժամանակ (CES) Samsung ընկերությունը ցուցադրել է Google TV-ով աշխատող իր նոր Bluray նվագարկիչը, որը, սակայն, այդպես էլ վաճառքի չհանվեց:

Samsung-ի TV-ի բաժանմունքի նախագահ Յուն Բու-Կեուն հայտարարել է, որ ընկերությունը Google TV-ի հետ միասին պլանավորում է ներկայացնել իր սարքավորումները 2012 թվականի միջոցառումներից մեկի ժամանակ: Նա նաև ասել է, որ հարավկորեական ընկերության և Google-ի հետ համատեղ ներկայացված իրենց ապրանքը տարբերվելու է մրցակիցների ապրաքներից:

Յուն Բու-Կեուն նշել է, որ 2012 թվականին Լաս Վեգասում կայանալիք CES ցուցահանդեսի ժամանակ Samsung-ը հույս ունի ներկայացնել OLED դիսփլեյով իր նոր հեռուստացույցները: OLED դիսփլեյներն ունեն հստակ պատկեր և չեն պահանջում ֆոնային լուսավորում, որի շնորհիվ ավելի բարակ են երևում և օգտագործում են ավելի քիչ էներգիա, քան սովորական հեղուկ-բյուրեղային հեռուստացույցները:
Հավանել նորությունը
«+7» - հավանությունների քանակ
Դիտումներ: 438 | Ավելացրել է: 3DNewscomm | Հայտնի տեգեր: CES, Samsung, google, Google TV, OLED, Samsung Electronics, Logitech, Sony | Գնահատական: 1.6/7 | Ավելացվել է: 25 November 2011, 02:38
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]