3DNews-ի  բաժանորդագրություն
Կիրակի, 29 June 2025
Գլխավոր » 2011 » Նոյեմբեր » 16 » ՏՏ Լրատվական, Տեղեկատվական Տեխնոլոգիաներ
ArmNet 2011-ի կոնֆերանսում ելույթ կունենան ներկայացուցիչներ Twitter-ից և Google-ից
ArmNet 2011-ի շրջանակներում կանցկացվի ինտերնետին և բարձր տեխնոլոգիաներին նվիրված կոնֆերանս, որը տեղի կունենա դեկտեմբերի 3-ին: Կոնֆերանսին կմասնակցեն հրավիրված մասնագետներ ինչպես Հայաստանից, այնպես էլ արտերկրից: Կոնֆերանսի խորագիրն է «Նորագույն միտումներ. շարժական ինտերնետ, ամպային տեխնոլոգիաներ»:

ArmNet կոնֆերանսի շրջանակներում այս տարի ելույթ կունենան ՏՏ ոլորտի այնպիսի միջազգային ականավոր մասնագետներ, ինչպիսիք են Begun կազմակերպության կոմերցիոն տնօրեն Դմիտրի Դանիլենկոն, Google-ի ռուսաստանյան մասնաճյուղի ավագ վերլուծաբան Ստանիսլավ Վիդյաևը, Twitter-ի ծրագրային հավելումների զարգացման գլխավոր մենեջեր Րաֆֆի Կրիկորյանը, France Telecom-ի պորտալների և NExT ապրանքների գծով փոխտնօրեն Թոմաս Կոլերը, Artviko-ի գլխավոր գործընկեր Յարոսլավ Գրեշիլովը, Opera Software /ԱՊՀ/ կազմակերպության hանրային կապերի մենեջեր Վլադիմիր Իսաևը և այլք:

Այս տարի առաջին անգամ Հայաստանում ArmNet 2011-ի շրջանակներում տեղի կունենա նաև «Start-Up Weekend Yerevan» նորարար նախագծերի մրցույթը, որի նպատակն է մեկ հարկի տակ միավորել Ինտերնետ ոլորտի էնտուզիաստներին, որոնք շուրջ 3 օր ներկայացնելու և թեսթավորելու են իրենց նորարար նախագծերն ու մտահղացումները Ինտերնետի ոլորտում:

Նախաձեռնության նպատակն է բարձր տեխնոլոգիաների ոլորտում ձեռներեցության ու նոր տեխնոլոգիական ընկերությունների ստեղծման խթանումը Հայաստանում: Կազմակերպիչները հույս ունեն, որ «Start-Up Weekend Yerevan» նորարար նախագծերի մրցույթի շնորհիվ Հայաստանի նորարարական ընկերությունների շարքին կմիանան նորաստեղծ ընկերություններ, ինչը գործուն ներդրում կլինի նորարարական տնտեսության կայացման և զարգացման գործում:
Հավանել նորությունը
«+6» - հավանությունների քանակ
Դիտումներ: 338 | Ավելացրել է: 3DNewscomm | Հայտնի տեգեր: google, next, Twitter, Opera Software, Armenian Tech, Start-Up Weekend Yerevan, France Telecom, ArmNet, begun | Գնահատական: 1.7/6 | Ավելացվել է: 16 November 2011, 20:07
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]