3DNews-ի  բաժանորդագրություն
Կիրակի, 29 June 2025
Գլխավոր » 2011 » Նոյեմբեր » 7 » ՏՏ Լրատվական, Տեղեկատվական Տեխնոլոգիաներ
Թվային կայաններին միացված է «ԱրմենՏել» ընկերության ֆիքսված կապի բաժանորդների 82 տոկոսը
«ԱրմենՏել» ընկերությունը (ապրանքանիշը` Beeline) շարունակում է Հայաստանի տարածաշրջաններում ԱՀԿ-ների եւ բաժանորդային գծերի թվայնացման աշխատանքները:

Մինչեւ տարեվերջ «ԱրմենՏել» ընկերությունը կավարտի Ալավերդի քաղաքի ավելի քան 1400 բաժանորդի թվային հեռախոսակայանին միացնելու աշխատանքները, ինչը թույլ կտա ապահովել քաղաքի բնակիչներին թվային ֆիքսված կապի եւ լայնաշերտ ինտերնետի բարձրորակ ծառայություններով:

«Ավարտին է մոտենում «ԱրմենՏել» ընկերության ենթակառուցվածքի արդիականացման հերթական նշանակալից փուլը: Մինչեւ տարեվերջ Հայաստանի կապի միասնական օպերատորը Մասիս քաղաքի ամբողջական թվայնացմանը զուգահեռ Ալավերդու բնակիչներին կառաջարկի նաեւ ֆիքսված կապի եւ լայնաշերտ ինտերնետի ծառայությունների նոր որակ», - նշել է «ԱրմենՏել» ՓԲԸ Գլխավոր տնօրեն Իգոր Կլիմկոն:

Նշենք, որ թվային կայաններին միացված է «ԱրմենՏել» ընկերության ֆիքսված կապի բաժանորդների 82 տոկոսը, իսկ բաժանորդային ցանցի մալուխների ընդհանուր երկարությունը գերազանցում է 13000 կմ:
Հավանել նորությունը
«+8» - հավանությունների քանակ
Դիտումներ: 470 | Ավելացրել է: 3DNewscomm | Հայտնի տեգեր: Armentel, beeline, Armenian Mobile Operator, արմենտել, Հայաստանի տարածաշրջան | Գնահատական: 1.5/8 | Ավելացվել է: 07 November 2011, 18:55
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]