3DNews-ի  բաժանորդագրություն
Կիրակի, 29 June 2025
Գլխավոր » 2011 » Նոյեմբեր » 15 » ՏՏ Լրատվական, Տեղեկատվական Տեխնոլոգիաներ
Մեկնարկում է WebԾիրան առաջին համահայկական օնլայն կինոփառատոնը. կցուցադրվի 35 ֆիլմ
Երեւանում, այսօր` նոյեմբերի 15-ին, ժամը 15:00-ից, webtv.am ինտերնետ հեռուստատեսությամբ կմեկնարկի WebԾիրան առաջին համահայկական օնլայն կինոփառատոնը: Մինչեւ դեկտեմբերի 20-ը` բացառապես webtv.am ինտերնետ հեռուստատեսությամբ կցուցադրվի 7-ից 20 րոպե տեւողությամբ ամենատարբեր ժանրերի 35 ֆիլմ` 6-ից 8 ֆիլմ յուրաքանչյուր շաբաթ: Կցուցադրվեն նաեւ ԱՄՆ-ում, Ռուսասատնում ապրող մեր հայրենակիցների կողմից նկարահանված ֆիլմեր:

Ֆիլմերի ցուցադրության գրաֆիկը կլինի WebԾիրանի, «Ոսկե Ծիրան» միջազգային կինոփառատոնի, webtv.am ինտերնետ հեռուստատեսության ֆեյսբուքյան էջերում: Ֆիլմերը կգնահատվեն ոչ թե որեւէ ժյուրիի անդամների կողմից, այլ ինտերնետ քվեարկությամբ` webtv.am հեռուստակայքի վրա կազմակերպված հատուկ քվեարկության միջոցով:

Գլխավոր երկու մրցանակները`1000 եւ 500 ԱՄՆ դոլարին համարժեք դրամային մրցանակներ, որ տրամադրել է փառատոնի գլխավոր հովանավոր ՎիվաՍել-ՄՏՍ ընկերությունը, հաղթողներին կհանձնվի դեկտեմբերի 25-ին, հատուկ հանդիսությամբ: Կլինեն նաեւ անակնկալ խրախուսական մրցանակներ «Ոսկե Ծիրան» միջազգային կինոփառատոնի, webtv.am ինտերնետ հեռուստատեսության եւ փառատոնի աջակից «Նովոստի Արմենիա» միջազգային լրատվական գործակալության կողմից:

WebԾիրան-ում չկան ոչ լեզվական, ոչ ժանրային, ոչ տեխնիկական չափորոշիչներով պայմանավորված սահմանափակումներ: Չեն դրված նաեւ գեղարվեստական խիստ չափորոշիչներ եւ ֆիլմերը չեն ենթարկվել նախնական դիտման` կանխատեսելով, որ կարող են լինել նաեւ ֆիլմեր, որոնք որեւէ գեղարվեստական արժեք, ըստ էության, չեն ներկայացնում: Այս մոտեցումներն են որդեգրվել, քանի որ փառատոնն անցկացվում է առաջին անգամ եւ այն այս անգամ դիտվում է որպես ստեղծագործողների համար իրենց գործերը ներկայացնելու հարթակ, ինչպես նաեւ նրանց ոգեւորելու, որոշակի կինոմթնոլորտ ստեղծելու քայլ:
Հավանել նորությունը
«+8» - հավանությունների քանակ
Դիտումներ: 354 | Ավելացրել է: 3DNewscomm | Հայտնի տեգեր: Ոսկե ծիրան, WebԾիրան, golden apricot, WebApricot, WebTV.am | Գնահատական: 1.5/8 | Ավելացվել է: 15 November 2011, 18:18
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]