Հնդկաստանի կապի և ՏՏ պետնախարար Սաչին Պիլոտին շնորհվել է ՀՊՃՀ Ոսկե հուշամեդալ - 8 November 2011

Գլխավոր » » ՏՏ Լրատվական, Տեղեկատվական Տեխնոլոգիաներ

Հնդկաստանի կապի և ՏՏ պետնախարար Սաչին Պիլոտին շնորհվել է ՀՊՃՀ Ոսկե հուշամեդալ
Պաշտոնական այցի շրջանակներում Հայաստանում գտնվող Հնդկաստանի կապի և տեղեկատվական տեխնոլոգիաների պետնախարար Սաչին Պիլոտի գլխավորած պատվիրակությունը նոյեմբերի 8-ին այցելել է Հայաստանի պետական ճարտարագիտական համալսարան (Պոլիտեխնիկ): Տեղեկացնում են ՀՊՃՀ-ի մամուլի բաժնից: Ողջունելով բարձրաստիճան հյուրերին` ՀՊՃՀ ռեկտոր, ՀՀ ԳԱԱ թղթակից անդամ Արա Ավետիսյանը բարձր է գնահատել տեղեկատվական տեխնոլոգիաների ոլորտում Հայաստանի և Հնդկաստանի միջև համագործակցության զարգացմանն ուղղված քայլերը, ինչպես նաև Ճարտարագիտական համալսարանի պրոֆեսորադասախոսական անձնակազմի անունից երախտիքի և շնորհակալության խոսքեր հղել նախարարին ու Հնդկաստանի կառավարությանը` հայ-հնդկական կենտրոնի հիմնադրման առիթով: «Կենտրոնի բացումը Երևանում էապես կօժանդակի կրթական հաստատություններին` ՏՏ ոլորտում գործող` մասնագիտական պատրաստվածության առումով խստապահանջ ձեռնարկությունների համար բարձրորակ կադրեր պատրաստելու գործում»,- նշել է ռեկտորը: Հանդիպման ընթացքում ՀՊՃՀ ռեկտոր Ա. Ավետիսյանը Հնդկաստանի կապի և տեղեկատվական տեխնոլոգիաների պետնախարար Սաչին Պիլոտին հանձնել է համալսարանի բարձրագույն պարգևը` ՀՊՃՀ Ոսկե հուշամեդալ: Շնորհակալություն հայտնելով պարգևի համար` Սաչին Պիլոտն ասել է, որ իրեն անչափ գոհացնում է այն փաստը, թե հայերը հին դարերից մինչ այժմ որքան են կարևորում գիտելիքը և կրթությունը: «Ներկայիս արագ զարգացող ՏՏ ոլորտը խիստ պահանջներ է դնում համապատասխան մասնագիտություններ ունեցող բուհերի և ուսանողների առջև: Ուստի պետք է օգտագործել բոլոր միջոցները և հնարավորությունները` երիտասարդներին գիտելիքներով զինելու և մրցունակ դարձնելու համար: Կարծում եմ` այս հարցում հայ-հնդկական կենտրոնը կծառայի նաև այդ նպատակին»,- ասել է պետնախարարը:
Հավանել նորությունը «+8» - հավանությունների քանակ Դիտումներ: 348 \| Ավելացրել է: 3DNewscomm \| Հայտնի տեգեր: նախարար, Politechnic, պոլիտեխնիկ, Հնդկաստանի Կապի և Տտ Պետ, Սաչին Պիլոտ, ՀՊՃՀ, SEUA, հուշամեդալ \| Գնահատական: 1.5/8 \| Ավելացվել է: 08 November 2011, 21:50

Ընդհանուր Մեկնաբանությունները: 6
Կա 6 մեկնաբանություն Comments display order: Facebook Շնորհակալություն պարոն Վարչապետ: Հալալա ձեզ, որ էսքան բան արեցիք տտ ոլորտում: 08 November 2011 в 22:17 YouTube Հա ախպերս, Հնդկաստանը հիմա աշխարհում զգալի նշանակություն ունի տտ աշխարհում: Էտա պատճառը, որ Հայաստանը համագործակցումա Հնդկաստանի հետ: Շնորհակալություն Վարչապետ ջաաան: 08 November 2011 в 22:12 Microsoft Փաստորեն Հնդկաստանը լաաավել առաջա էլի տտ ոլորտում: Դե Հայաստան, քեզ տենամ: Տեղեկատվությունը մեզ հիմա շատա պետք, ցարգացեք, բարգավաճեք: Շնորհակալ ենք բոլորս ձեզանից պարոն Տիգրան Սարգսյան: 08 November 2011 в 22:08 Google Հաա՜՜՜ մոռացա ասեմ - Շնորհակալություն պարոն Վարչապետ 08 November 2011 в 22:05 Google Իրոք Ես էլ եմ ուրախ շաաատ, տտ որոլտը շատ արագ զարգանում ա ու շատ հզոր տտ ոլորտ ենք ունենալու 08 November 2011 в 22:05 Samsung Ես շատ, չէ անչաաափ ուրափ եմ, որ վերջապես Հայաստանում Տեղեկատվական տեխնոլոգիաները շատ արագ կերպով զարգանում են: Շնորհակալություն մեր Վարչապետին: 08 November 2011 в 21:55