Գլխավոր » 2011 Նոյեմբեր 1 » ՏՏ Լրատվական, Տեղեկատվական Տեխնոլոգիաներ
Վերջին ինն ամսվա ընթացքում ՏՏ ոլորտը գրանցել է 16% աճ |
«Տեղեկատվական տեխնոլոգիաների ոլորտը, որն անգամ ճգնաժամի տարիներին առաջնըթաց ապրեց, այս տարի նույնպես շարունակում է աճել: Այն կազմում է միջինը 16 տոկոս, և սա նշանակում է, որ տեղեկատվական տեխնոլոգիաների ոլորտը արդեն ՀՆԱ-ի կառուցվածքում իր ուրույն և կարևոր տեղն է զբաղեցնում»,-այս մասին ՀՀ Ազգային ժողովի հանձնաժողովների համատեղ նիստում 2012 թվականի ՀՀ պետական բյուջեի նախագծի քննարկման ժամանակ ասաց վարչապետ Տիգրան Սարգսյանը: Նրա խոսքով՝ ՏՏ ոլորտն արդեն համադրելի է հանքահումքային արդյուաբերության հետ, և այդ ամբողջական ոլորտի տեսակարար կշիռը ՀՆԱ-ի մեջ մոտենում է մինչև 5 տոկոսի, իսկ ծավալը կազմում է 200 մլն ԱՄՆ դոլար: Վարչապետն ասաց նաև, որ բիզնես միջավայրի բարելավման նպատակով կներդրվի էլեկտրոնային վճարումների համակարգ: « Այս պահի դրությամբ էլեկտրոնային վճարումների ծավալը մեզ մոտ կազմում է 10 տոկոս: Մենք պետք է պետական և մասնավոր բիզնեսի օժանդակությամբ այս գաղափարը տարածենք հանրապետությունում, որպեսզի մի քանի անգամ ավելացնենք էլեկտրոնային վճարումների ծավալը 2012 թվականի ընթացքում: Էլ. համակարգըը բիզնեսի համար ստեղծում է բացառիկ հնարավորություններ. նվազեցնում է շփումները հարկային մարմինների հետ, դարձնում է իրենց գործառույթները թափանցիկ, վերահսկելի և շատ հարմարավետ»,- նշեց Տ.Սարգսյանը: |
Հավանել նորությունը
«+6» - հավանությունների քանակ
Դիտումներ: 343 | Ավելացրել է: 3DNewscomm | Հայտնի տեգեր: |
Ընդհանուր Մեկնաբանությունները: 0 | |