3DNews-ի  բաժանորդագրություն
Կիրակի, 29 June 2025
Գլխավոր » 2011 » Նոյեմբեր » 22 » ՏՏ Լրատվական, Տեղեկատվական Տեխնոլոգիաներ
Հայկական ընկերությունների միայն 34%-ն է օգտվում սոցցանցերից
Ամբողջ աշխարհում ընկերությունների գրեթե կեսը՝ 43%-ը, օգտվում է սոցիալական կայքերի ծառայություններից: Այս մասին հայտնում է «Գրանթ Թորնթոն Ինթերնեյշնլ»-ի միջազգային գործարար զեկույցը (ՄԶԳ): Այս ցուցանիշն ամենաբարձրը Լատինական Ամերիկայում է, որտեղ ընկերությունների 53%-ն օգտագործում են սոցցանցերն իրենց գործունեության մեջ: Իսկ եվրոպական երկրներում այս ցուցանիշը համեմատաբար ցածր է՝ 35%: Հայաստանում սոցցանցերի օգտագործումը շատ մոտ է եվրոպական ցուցանիշին՝ 34%:

«Գրանթ Թորնթոն»-ի բրիտանական լրատվամիջոցների բաժնի ղեկավար Մարկ Հենշոուի խոսքով՝ հետազոտության ադյունքները զարմանալի են ու ցույց են տալիս, որ զարգացող շուկաների ընկերություններն աստիճանաբար ավելի ակտիվորեն են ներգրավվում սոցցանցերում՝ հաշվի առնելով ինտերնետի օրեցօր մեծացող դերը մարդկանց կյանքում:

Ըստ հետազոտության արդյունքների՝ սոցցանցերից օգտվելու հիմնական դրդապատճառներն են գովազդը (53%), հաճախորդների հետ հաղորդակցվելն (51%) ու նոր կադրեր որոնելը (43%): Ինչ վերաբերում է հայկական ընկերություններին, ապա սոցցանցերի օգտագործման գլխավոր պատճառը գովազդն է (28%): Ընկերությունների 10%-ը նպատակ ունի նոր կադրեր ներգրավվել, իսկ հաճախորդների հետ հաղորդակցվելու մասին տարբերակն ընդհանրապես չի նշվել:

Զեկույցում նշվում է նաև, որ չնայած օնլայն լրատվամիջոցների զարգացմանը՝ ավանդական թերթերը շարունակում են մնալ գործարարների «ամենասիրելի» մեդիան: Հարցմանը մասնակցած 5 գործարարներից 4-ը շաբաթական երեք անգամ թերթ են կարդում, իսկ հայ գործարարների 76%-ը նշել է, որ թերթ ընթերցում է միայն պարբերաբար:
Հավանել նորությունը
«+6» - հավանությունների քանակ
Դիտումներ: 384 | Ավելացրել է: 3DNewscomm | Հայտնի տեգեր: սոցիալական Կայքեր, սոցիալական ցանցեր, Ընկերություններ, սոցցանցեր | Գնահատական: 1.0/6 | Ավելացվել է: 22 November 2011, 16:32
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]