3DNews-ի  բաժանորդագրություն
Կիրակի, 29 June 2025
Գլխավոր » 2011 » Նոյեմբեր » 15 » ՏՏ Լրատվական, Տեղեկատվական Տեխնոլոգիաներ
Հայաստանյան ՏՏ ընկերությունները կներկայացնեն իրենց ծառայությունները վրացական շուկային
Հայաստանյան տեղեկատվական տեխնոլոգիաների ոլորտի ընկերություններն արդեն չորրորդ անգամ կմասնակցեն Ինֆորմացիոն տեխնոլոգիաների տարածաշրջանային միջոցառմանը (GITI), որը տեղի կունենա ս.թ. նոյեմբերի 17-19-ը Թիֆլիսում: Մասնակից հայկական կազմակերպություններն են` «Հայկական ծրագրեր», «Դ-Լինկ», «Նորք» տեղեկատվավերլուծական կենտրոն, «Սի Էյջ Էս Վերիսել Սերվիս», «Xinect», «Լայմ Տեխ», «ՍաութԹեք Քընսալտինգ», «Էսենշլ Սըլյուշնս», «Նորմա-պլյուս» ընկերությունները: Պետական հատվածից հարկատուների համար նորագույն լուծումներ կներկայացնի ՀՀ ԿԱ Պետական եկամուտների կոմիտեն:

Հայկական ընկերությունների մասնակցության նպատակն է խթանել Հայաստանի ՏՀՏ ոլորտի առաջխաղացումն արտասահմանյան շուկայում:

Միջոցառման ընթացքում հայկական կազմակերպությունները «Հայկական անկյուն» տաղավարում կներկայացնեն Հայաստանի լավագույն թվային լուծումները վրացական շուկային և միջոցառմանը ներկա արտասահմանյան գործընկերներին, հանդես կգան գործարար ներկայացումներով, կմասնակցեն տարածաշրջանային նշանակություն ունեցող լավագույն Տեղեկատվական Տեխնոլոգիաների նախագծերի և իրականացրած ծրագրերի մրցույթին:

Հայկական կազմակերպությունների մասնակցությունը միջոցառմանը կազմակերպում և համակարգում է Ինֆորմացիոն տեխնոլոգիաների ձեռնարկությունների միությունը (ԻՏՁՄ):

Ինֆորմացիոն տեխնոլոգիաների տարածաշրջանային միջոցառման հիմնական նպատակն է ստեղծել և խթանել Կենտրոնական և Արևելյան Եվրոպայի, Բալթյան երկրների, Կովկասի և Միջին Արևելքի երկրների պետական և մասնավոր հատվածների, ասոցիացիաների և ՏՀՏ ոլորտի այլ ընկերությունների միջև համագործակցությունը: Միջոցառումը բաղկացած է կոնֆերանսների շարքից, ցուցահանդեսից և մրցանակաբաշխությունից: Կազմակերպիչներն են Վրաստանի ՏՀՏ Գործարար Խորհուրդը և Վրաստանի Արդարադատության նախարարությունը:
Հավանել նորությունը
«+7» - հավանությունների քանակ
Դիտումներ: 368 | Ավելացրել է: 3DNewscomm | Հայտնի տեգեր: GITI, Armenian Tech, armenia, dlink, Xnect | Գնահատական: 1.6/7 | Ավելացվել է: 15 November 2011, 18:20
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]