Հայաստանը կտրել է Հայաստանի ինտերնետը. պարզվում է` Վրաստանում «թիակով փորփրող» կիբեր-տատիկը հայ է - 8 November 2011

Գլխավոր » » ՏՏ Լրատվական, Տեղեկատվական Տեխնոլոգիաներ

Հայաստանը կտրել է Հայաստանի ինտերնետը. պարզվում է` Վրաստանում «թիակով փորփրող» կիբեր-տատիկը հայ է
Վրաստանի իրավապահների խոսքով` տարեց կինը, որն անցյալ ամսվա վերջին Հայաստանի և Վրաստանի ինտերնետից օգտվողների մեծ մասին կիբեր-խավարում էր թողել, իրականում հայ է, ավելին` անունն էլ Հայաստան: Մարտի 28-ին հայերը շուրջ 8 ժամ առանց ինտերնետ ծառայության էին մնացել, երբ 75-ամյա թոշակառուն Քսանի գյուղի շրջակայքում ջարդոն գտնելու նպատակով աղբը փորփրելիս վնասել է ինտերնետի օպտիկամանրաթելային մալուխը: Մալուխը պատկանում է արևելյան Վրաստանի, Հայաստանի ու Ադրբեջանի ինտերնետի մատակարար վրացական «Տելեկոմ երկաթգիծ» ընկերությանը: Վրացական ԶԼՄ-ների կողմից այս շաբաթասկզբին հրապարակված տեղեկատվությունը, որում մեջբերվում էր երկրի ներքին գործերի նախարարի հայտարարությունը, այնուհետև տարածվել է միջազգային մամուլում, որում հիմնականում այն անվանել են տարօրինակ կամ արտասովոր: Պատմությունը նոր երանգավորում է ստացել երեկ, երբ Վրաստանի իրավապահների հայտարարմամբ` սկզբում ձերբակալված, ապա ազատ արձակված կինը, որի դեմ քրեական գործ է հարուցվել, և որին սպառնում է առավելագույնը 3 տարվա ազատազրկում, տեղացի հայ է, անունը` Հայաստան Շաքարյան: Ըստ վրացական ԶԼՄ-ների` տարեց կինը հերքում է մեղադրանքը: «Մի ինձ նայեք, բա ես կարո՞ղ էի մալուխը կտրել»,- ասել է 75-ամյա տատիկը: Սա առաջին անգամ չէ, որ Հայաստանը զրկվում է ինտերնետից` Վրաստանում տեղի ունեցած վթարի պատճառով: Հայ փորձագետներից ոմանք կասկածի տակ են դնում Վրաստանի ԶԼՄ-ների հայտարարությունները, որում մեղադրում են տարեց կնոջը վերջին խոշոր վթարի մեջ և կոչ են անում ապահովել ինտերնետային այլընտրանքային կապուղիներ:
Հավանել նորությունը «+9» - հավանությունների քանակ Դիտումներ: 388 \| Ավելացրել է: 3DNewscomm \| Հայտնի տեգեր: armenian internet communication, Internet, Armentel, beeline, ինտերնետ, armenian communication, Տելեկոմ երկաթգիծ, internet connection, communication \| Գնահատական: 1.4/9 \| Ավելացվել է: 08 November 2011, 23:23

Ընդհանուր Մեկնաբանությունները: 6
Կա 6 մեկնաբանություն Comments display order: Google լավ չէ է՞, շաաաաաաաաաատ լավ ասիր, հալալա 08 November 2011 в 23:40 YouTube Չէ հա այ ախպեր, հո դու էլ չասիր դատել իրանքել լաաավ շաատ լավ հասկանում են, որ տատիկը ի վիճակի չի դադվի, համել էտ խեղճը իրա վերջին օրերը պետքա հանգիս վայելի 08 November 2011 в 23:39 Google ասա է ասա, բայց դե արդեն սարքել են էտ մալուխը, արդեն ինտերնետի վիճակը լավա: Դե հույսով եմ տատիկին չեն դատի 08 November 2011 в 23:38 Samsung Բայց մեղքա տատիկը, ուղակի անհարմար բանա ստացվել, թե ասա քեզ պետկա լապատկով փորում էս 08 November 2011 в 23:36 Microsoft հա շատ լավա որ հայա, բայց դե մեզ ինտերնետից զրկել ա էլի: Մյուս անգամ հաստատ չի ըլնի, քանի որ էսա տատիկին մի լաաաավ կդաստիրակեն: 08 November 2011 в 23:35 YouTube մալադեց տատիկ, համ հայա, համել անունը հայաստան բայս վատա վոր ինքը իրա հայրենիքին վնասա տալի: Տատի ջան, մյուս անգամ մի քիչ ուշադիր էղի, թե չէ հաստատ կնստացնեն քեզ: 08 November 2011 в 23:32