Գլխավոր » 2011 Նոյեմբեր 9 » ՏՏ Լրատվական, Տեղեկատվական Տեխնոլոգիաներ
Արդյոք Visa-ն խոչընդո՞տ է Հայաստանում էլեկտրոնային առեւտրի զարգացման համար |
Հայաստանում էլեկտրոնային առեւտուրն ունի զարգացման մեծ ներուժ, NEWS.am-ի հետ զրույցում այսօր` նոյեմբերի 9-ին, հայտարարեց Ինֆորմացիոն տեխնոլոգիաների ձեռնարկությունների միության (ԻՏՁՄ) գործադիր տնօրեն Կարեն Վարդանյանը: Նշենք, որ այսօր Երեւանում տեղի ունեցավ էլեկտրոնային առեւտրի խնդիրներին նվիրված կլոր սեղան-քննարկում: Ըստ Կարեն Վարդանյանի`արդեն երկրորդ տարին է` փորձ է արվում իրավական-նորմատիվային բազայում կատարել այնպիսի փոփոխություններ, որոնք կնպաստեին, կամ առնվազն չէին խոչընդոտի էլեկտրոնային առեւտրին: Այդ նպատակով ստեղծվել է նույնիսկ միջգերատեսչական հատուկ հանձնաժողով: Հիմնական խնդիրներից մեկը կապված է Visa միջազգային քարտերի օգտագործման անհնարինության հետ: Օրինակ` Հայաստան այցելող զբոսաշրջիկները գործնականում չեն կարողանում հյուրանոցներում օգգտվել այդ միջազգային քարտերից, քանի որ հայաստանյան բանկերը չունեն Visa ընկերության լիցենզիա (Visa International e-commerce license): Լիցենզիայի բացակայության պատճառով հնարավոր չէ իրականացնել էլեկտրոնային գործարքներ, քանի որ հայաստանի հետ կատարվող ֆինանսական գործարքները մերժվումմ են` Հայաստանը որակելով «ոչ վստահելի»: Որպես այլընտրանք` հայկական ընկերությունները թղթակցային հաշիվներ են բացում արտասահմանյան բանկերում, եւ դրանց միջոցով են իրականացնում գործարքները: Կլոր սեղանին մասնակցող ՀՀ էկոնոմիկայի նախարարի խորհրդական Վահե Դանիելյանը նշեց, որ հայաստանյան բանկերը հետաքրքրություն չեն ներկայացնում Visa-ի լիցենզիայի ստացման ուղղությամբ, թեեւ, հաշվի առնելով զբոսաշրջիկների թվի ավելացումը եւ շուկայի հեռանկարայնությունը, դա ինչ որ տեղ անհասկանալի է: «Օվերոլ Սոլուշրնս» ընկերության տնօրեն Դավիթ Քոթանյանի կարծիքով` հայկական բանկերից որեւէ մեկը պետք է պարզապես համարձակություն դրսեւորի եւ Visa-ից ձեռք բերի համապատասխան լիցենզիա: Իսկ մյուս բանկերը կարող են օգտագործել այդ լիցենզիան` փոխհատուցելով ծախսերի մի մասը: |
Հավանել նորությունը
«+7» - հավանությունների քանակ
Դիտումներ: 305 | Ավելացրել է: 3DNewscomm | Հայտնի տեգեր: | Գնահատական: 1.0/7 | Ավելացվել է: 09 November 2011, 20:33 |
| Ընդհանուր Մեկնաբանությունները: 0 | |
3DNews-ի ժամը
Քվեարկե՛ք
Բաժանորդագրվել
Կարդացեք նաև
Մեր Հարցումը
3DNews-ի Twitter-ը
Օրացույց
Եղանակ
Թեգերի ամպ
Վիճակագրություն
Կայքում գտնվում են: 2
Հյուրեր: 2
Օգտվողներ: 0
