Գլխավոր » 2011 Նոյեմբեր 29 » ՏՏ Լրատվական, Տեղեկատվական Տեխնոլոգիաներ
«ԷյԲիՍի» Դոմենի սերվերը չի կոտրվել |
Սույն թվականի նոյեմբերի 27-28-ի ընթացքում ադրբեջանական հաքերական խմբի կողմից ադրբեջանական IP հասցեներից հարձակում է իրականացվել «ԷյԲիՍի» Դոմենի հոսթինգ կայաններից մեկի վրա, որը տևել է 13 ժամ: Այս մասին հաղորդում են ընկերությունից: «ԷյԲիՍի» Դոմենի տնօրենը բացառել է այն շրջանառվող վարկածը, որ սերվերը կոտրվել է ամբողջությամբ, քանի որ փոխվել են միայն մոտ 50 կայքերի առաջին էջերը (deface), ինչը կազմում է տվյալ սերվերում կայանված կայքերի ընդամենը 10%-ը: Ընկերության տնօրենը հերքել է նաև շրջանառվող այն լուրը, որ կոտրվել են ընկերությանը պատկանող ns3.host.am և ns6.host.am nameserver-ները: Սերվերների աշխատանքը չի ընդհատվել և ոչ մի պահի: Հաքերների կողմից կայքերի նկատմամբ հասանելիությունը ձեռք է բերվել հետևյալ կերպ. կիրառելով “brute force” մեթոդը և ստանալով մուտքի հնարավորություն առանձին կայքերի ղեկավարման վահանակներին՝ փոխվել են կայքերի "index” պրեֆիքսով ֆայլերի պարունակությունները: Ընկերության մասնագետների կողմից կոտրված կայքերը հայտնաբերվելուց երեք ժամ անց բոլոր կայքերը բերվել են իրենց նախնական տեսքին: «Ոչ ոքի համար նորություն չէ, որ ադրբեջանական հաքերները մշտապես փորձում են հարձակումներ իրականացնել հայկական պարունակության կայքերի վրա: Սակայն մինչ այժմ մեր սերվերների վրա կատարված բոլոր փորձերը եղել են անհաջող: Սա առաջին դեպքն է, որ հաքերները հաջողության հասան և պատճառեցին մասսայական վնաս»,-ասվում է հայտարարության մեջ: Այս ամենի արդյունքում վերանայվել է օգտատերերի կողմից նշանակվող գաղտնաբառերի սահմանման կարգը. եթե նախկինում օգտատերերը կարող էին նշանակել ցանկացած բարդության գաղտնաբառ իրենց ղեկավարման վահանակին մուտք ստանալու համար, ապա այժմ ընկերության կողմից կսահմանվի նվազագույն բարդության աստիճան, որը կվերահսկվի համակարգի կողմից և թույլ կտա խուսափել հետագա նմանատիպ նպատակաուղղված հարձակումներից: |
Հավանել նորությունը
«+10» - հավանությունների քանակ
Դիտումներ: 398 | Ավելացրել է: 3DNewscomm | Հայտնի տեգեր: | Գնահատական: 1.3/10 | Ավելացվել է: 29 November 2011, 16:55 |
| Ընդհանուր Մեկնաբանությունները: 0 | |
3DNews-ի ժամը
Քվեարկե՛ք
Բաժանորդագրվել
Կարդացեք նաև
Մեր Հարցումը
3DNews-ի Twitter-ը
Օրացույց
Եղանակ
Թեգերի ամպ
Վիճակագրություն
Կայքում գտնվում են: 6
Հյուրեր: 6
Օգտվողներ: 0
