Samsung-ը հաղթել է Apple-ին դատական հայցում
|
3DNews ՏՏ Լրատվական - Apple ընկերությունը պարտվել է Samsung ընկերությանը դատական «պատերազմում»։ Նիդերլանդների դատարանը քննում էր Apple –ի դատական հայցն ընդդեմ Samsung-ի։
Ընկերությանը մեղադրում են iPad-ի հեղինակային իրավունքները խախտելու մեջ՝ նմանեցնելով Samsung-ի Galaxy պլանշետը iPad-ին։ Այս մասին հայտնում է Reuters-ը։ Նշենք, որ Apple-ը բողոքարկել էր հոլանդական դատարանին՝ պնդելով, թե Galaxy պլանշետները iPad-ի կրկնօրինակն են։ Սակայն դատարանը չի ընդունել բողոքը։ Դատը կրկին հաղթել է Samsung-ը։
Միայն 2011-ին երկու հսկա ընկերությունները միմյանց դեմ հանդես են եկել 30 դատական հայցերով տարբեր երկրների դատական ատյաններում։ Apple-ը պնդում է, որ Samsung-ը կրկնօրինակել է իր iPad-ն ու iPhone-ը՝ վերածելով Galaxy-ի սմարթֆոնի և պլանշետի։ Իսկ Samsung-ն էլ ճիշտ դրա հակառակն է պնդում։ |
Facebook-ը, Twitter-ն ու Myspace-ը ցույց են տվել՝ ինչպես է Google-ը խաբում օգտագործողներին
|
3DNews ՏՏ Լրատվական - Facebook սոցցանցն ու Twitter միկրոբլոգային համակարգը որոշել են ցույց տալ օգտագործողներին՝ ինչպես է Google-ը փոխում որոնման արդյունքները սեփական ծառայությունները, մասնավորապես Google+ սոցցանցն առաջ տանելու նպատակով: Հաղորդում է Guardian-ը:
Facebook-ի ծրագրավորող Բլեյք Ռոսը Myspace-ի և Twitter-ի իր կոլեգաների հետ միասին գրել է Java-սկրիպտ, որը թույլ է տալիս տեսնել Google-ի միջամտությունը որոնողական հարցումներում:
Այսպես, օրինակ՝ «movies», «music», «photography», «programming», «cars», «cooking» կամ «science» որոնելու դեպքում առաջին հերթին ցուցադրվում են Google+-ում նման բովանդակությամբ հղումները: Նույնիսկ այն դեպքում, երբ օգտագործողը գրանցված չէ այդ սոցցանցում:
...
Կարդալ շարունակությունը »
|
«Վկոնտակտե»-ն Wikipedia-ին 1 միլիոն դոլար է նվիրաբերել
|
3DNews ՏՏ Լրատվական - «Վկոնտակտե» սոցցանցի հիմնադիր տնօրեն Պավել Դուրովը Wikipedia ինտերնետ-հանրագիտարանին 1 միլիոն դոլար է նվիրաբերել: Այդ մասին Դուրովը հայտարարել է հունվարի 24-ին` Մյունխենում կայացած Digital Life Design (DLD) կոնֆերանսի ընթացքում:
Դուրովը խոստացել է միջոցներ հատկացնել Wikipedia-ի հիմնադիր Ջիմի Ուեյլսի հետ համատեղ ելույթի ընթացքում: Կոնֆերանսի ընթացքում Դուրովը պատմել է «VKontakte»-ի մասին (այն կրճատ անվանելով VK), եւ բացատրել, թե ինչու է Wikipedia-ն Facebook եւ Twitter ցանցերից նախընտրելի:
2011թ. դեկտեմբերին Պավել Դուրովը DST Global հիմնադրամի ղեկավար Յուրի Միլների հետ համատեղ հայտարարել էր հետաքրքիր սթարթափերի ներդրումային ծրագրի մեկնարկի մասին:
...
Կարդալ շարունակությունը »
|
Yandex. Լուսանկարներ-ում այսուհետ գործում է դեմքի ճանաչման տեխնոլոգիա
|
3DNews ՏՏ Լրատվական - Ռուսական խոշոր ինտերնետ ընկերություն Yandex-ը ներդրել է face.com դեմքի ճանաչման տեխնոլոգիան: 2011-ի հոկտեմբերին Yandex-ն արդեն մեկնարկել էր դեմքի ճանաչման սեփական տեխնոլոգիայի թեստային փուլն իր Yandex.Լուսանկարներ ծառայությունում։
Սակայն արդյունքում որոշում է կայացրել օգտագործել Face.com-ի տեխնոլոգիան, որն արդեն այսօրվանից հասանելի է Yandex.Լուսանկարներ-ում, հայտնում է ՌԻԱ Նովոստի գործակալությունը: Համակարգը ավտոմատ կերպով նկարի վրա գտնում է դեմքեր և առաջարկում է նշել դրանք։
Երբ օգտագործողը մի քանի անգամ նշում է միևնույն մարդուն, համակարգը հաջորդ անգամ ավտոմատ կերպով ճանաչում է լուսանկարում պատկերված օգտագործողին։ Նմանատիպ ֆունկցիա
...
Կարդալ շարունակությունը »
|
Twitter-ը գնել է վեբ-անվտանգություն ապահովող ընկերություն Dasient-ը
|
3DNews ՏՏ Լրատվական - Twitter ընկերությունը գնել է վնասակար ֆայլերի-ծրագրերի դեմ պայքարող ստարտափ ընկերություն Dasient-ը։ «Մենք մեր թիմը կներգրավենք Twitter-ի թիմին՝ արդյունավետ օգտագործելու մեր գործիքները և տեխնոլոգիաները միկրոբլոգն անվտանգ պահելու համար»,-գրել է Dasient ընկերությունն իր բլոգում, հայտնում է CNet-ը։
Այս ընկերությունը, որը մասնագիտացված է վնասակար ֆայլերի պաշտպանության և վեբ-անվտանգության մեջ, գործարկել է իր հակավիրուսային հարթակը 2009-ին։ Իսկ 2010-ին թողարկել է իր առաջին հակավիրուսային ծառայությունը՝ պաշտպանելու կայքերը վնասակար ֆայլերից։
2011-ին Dasient-ը հայտնել էր, որ կայքերի վնասակար ֆայլերով վարակվելը կրկնապատկվել է նախորդ տարվա հետ համեմատ և որ վնասակար ֆայլերի կամ ծրագրերի տարածումը արագորեն աճում է։ |
Apple-ն իր սարքերը կհամալրի գիգաբիթային Wi-Fi մոդուլով
|
3DNews ՏՏ Լրատվական - Apple ընկերությունը մինչև ընթացիկ տարվա ավարտը հնարավոր է՝ իր համակարգիչներում ներդնի նոր ստանդարտի Wi-Fi մոդուլներ, որոնք տվյալները փոխանցում են գիգաբիթային արագությամբ: Հաղորդում է Ars Technica-ն:
Ոչ պաշտոնական տեղեկություններով՝ առաջին հերթին այս մոդուլով կհամալրվեն MacBook նոութբուքները: Սպասվում է, որ Wi-Fi-ի նոր ստանդարտը՝ 802.11ac-ը, վերջնական կընդունվի մինչև տարեվերջ: Նշենք, որ որոշ արտադրողներ արդեն իսկ պատրաստ են վաճառքի հանել նոր սերնդի մոդուլներ:
Broadcom ընկերությունը CES ցուցահանդեսին ներկայացրել է 1,3 Գբիտ/վ արագությամբ Wi-Fi մոդուլ, որը տվյալները փոխանցում է մոտ 6 անգամ արագ, քան 802.11n ստանդարտի մոդուլի դեպքում: |
Օրանժ-ը գործարկել է իր մինչև 42Մբ/վ արագությամբ ինտերնետի 3G+ ցանցը
|
3DNews ՏՏ Լրատվական - Այսօր Orange Armenia ընկերությունը հայտարարեց իր նորագույն 3G+ սերնդի ինտերնետի ցանցի առևտրային մեկնարկը Հայաստանի երեք մեծ քաղաքներում՝ Երևանում, Գյումրիում, Վանաձորում։
3G+ ցանցն ապահովող Ինտերնետ Հիմա 4 կոչվող մոդեմը նշված քաղաքներում ապահովում է մինչև 42Մբ/վ արագությամբ ինտերնետ, իսկ քաղաքներից դուրս՝ տեսականորեն մինչև 21,1Մբ/վ արագություն։
Ինտերնետ Հիմա 4 մոդեմի միջոցով հնարավոր է իրական ժամանակում օնլայն դիտել HD որակի ֆիլմեր և խաղալ խաղեր, վայրկյանների ընթացքում ներբեռնել աուդիո և վիդեո ֆայլեր, ծրագրեր և այլն։
«Ինտերնետ Հիմա 4 մոդեմի տեխնիկական փորձարկումը տևեց մոտ երկու ամիս։ Այժմ մենք մեկնարկում ենք առևտրային գործարկումը։ Այս առաջարկը շատ քիչ երկրներում է առկա, անգամ Օրանժ խմբի երկրների շարքում»,-նշեց ընկերության գլխավոր տնօրեն Բրունո Դյութուան։
...
Կարդալ շարունակությունը »
|
Anonymous-ը հերքել է հունվարի 28-ին Facebook-ը կոտրելու մտադրության մասին լուրը
|
3DNews ՏՏ Լրատվական - Այսօր Anonymous հաքերային խմբավորումն իր Twitter էջում հերքել է լուրերն այն մասին, թե հունվարի 28-ին հաքերային հարձակման է ենթարկելու Facebook սոցիալական ցանցը, գրում է Times Live-ը։
Երեկ YouTube տեսապորտալում տարածվել էր մի տեսանյութ, որը ներկայացնում էր Anonymous հաքերային խմբավորումը։ Տեսանյութում խմբավորումը հայտնում էր, թե հունվարի 28-ին պատրաստվում է կիբերհարձակման ենթարկել Facebook-ը՝ ցույց տալով իր բողոքն ընդդեմ SOPA/PIPA ինտերնետը վերահսկող օրինագծերի։
Պետք է նշել, որ SOPA/PIPA օրինագծերի դեմ ելույթում հանդես էր եկել Facebook-ի հիմնադիր Մարկ Ցուկերբերգը, ինչից կարելի է եզրակացնել, որ Anonymous-ի՝ Facebook-ը կոտրելու քայլը անտրամաբանական կլինի։
...
Կարդալ շարունակությունը »
|
HTC Primo. բյուջետային սմարթֆոն՝ Android 4.0 ՕՀ-ով
|
HTC ընկերությունը շուտով պաշտոնապես կներկայացնի նոր սմարթֆոն՝ HTC Primo, որը կլինի համեմատաբար ավելի մատչելի, քան HTC Edge և HTC Ville մոդելները:
Սարքը կստանա 3,7 դյույմանոց Super AMOLED էկրան՝ պաշտպանված Gorilla Glass ապակով, երկմիջուկ 1 ԳՀ Qualcomm պրոցեսոր, 512 մբ օպերատիվ հիշողություն, 5 մպ տեսախցիկ:
Mobbit.info-ն նշում է, որ սմարթֆոնը համալրված կլինի նաև Beats Audio համակարգով և կաշխատի նորագույն Android 4.0 Ice Cream Sandwich-ով: Սպասվում է, որ HTC Primo-ի գինը չի անցնի 390 դոլարը: |
Ստեղծվել է iPhone 4S և iPad կոտրելու լիարժեք «ջեյլբրեք»
|
Chronic Dev Team հաքերների խմբավորումը ցանցում է տեղադրել iPhone 4S սմարթֆոնի և iPad 2 պլանշետային համակարգչի ծրագրային պաշտպանությունը կոտրող կայուն գործիք: Նշենք, որ սարքերի վրա արված փոփոխությունները պահպանվում են նաև վերաբեռնավորումից հետո:
«Ջեյլբրեքը»՝ Absinthe A5-ը վերացնում է մի շարք սահմանափակումներ, ավելին՝ նոր հնարավորություններ է ընձեռում: Օրինակ՝ թույլ է տալիս մուտք գործել համակարգի ֆայլային համակարգ, ինչպես նաև բեռնել ու տեղադրել հավելվածներ ցանկացած աղբյուրից: Absinthe A5-ը աշխատում է iOS 5.0.1 կամ 5.0 տարբերակով աշխատող iPad 2-ի, ինչպես նաև iPhone 4S-ի համար:
Apple-ը պաշտոնապես «հավանություն չի տալիս» նման ջեյլբրեքներին, քանի որ այն սարքերը, որոնք նման փոփոխությունների են ենթարկվում, զրկվում են երաշխիքային սպասարկումից: |
Երևանի մետրոյում հնարավոր է ներդրվի Wi Fi ինտերնետ կապ
|
3DNews ՏՏ Լրատվական - 2011-ին Երևանի տրանսպորտային համակարգում մեկնարկեց Wi Fi անլար ինտերնետի ներդրման պիլոտային փուլը։ Մասնավորապես Wi Fi կապը հասանելի դարձավ 5 կանգառասրահներում և 5 ավտոբուսներում։
Այս ծրագիրը համատեղ իրականացնում են քաղաքապետարանին կից գործող Երևան քաղաքի կառավարման տեխնոլոգիաների կենտրոնը Օրանժ Արմենիա ընկերության հետ։Արդյո՞ք նման ծրագիր կներդրվի նաև երևանյան մետրոյում։
Երևան քաղաքի կառավարման տեխնոլոգիաների կենտրոնի փոխտնօրեն Վահագն Ծատուրյանը PanARMENIAN.Net ի թղթակցի հետ զրույցում նշեց, որ նման գաղափար կա, սակայն վերջինիս իրականացումը կապված է մի
...
Կարդալ շարունակությունը »
|
Apple-ը ներկայացրեց իր առաջին էլեկտրոնային դասագիրքը
|
Apple-ի էլեկտրոնային դասագիրքը կարժենա 15 դոլար, ինչն ավելի մատչելի է, քան ամերիկյան տպագիր դասագրքի միջին գինը: Apple-ի փոխնախագահ Ֆիլիպ Շիլլերը, ներկայացնելով նոր արտադրանքը, խոստացել է դպրոցականներին դասերը սովորելու «ավելի դինամիկ, հետաքրքիր» ձև:
iBooks կոչվող դասագրքերը համատեղելի են, սակայն, միայն iPad պլանշետային համակարգիչների հետ: Շիլլերի խոսքով՝ iBook-ը թույլ կտա արագորեն գտնել անհրաժեշտ նյութերը, ընդգծել ենթավերնագրերը, նշումներ անել և փորձնական տոմսերի միջոցով նախապատրասատվել քննություններին: |
YouTube-ի օրական դիտումների քանակը հասնում է 4 միլիարդի
|
YouTube տեսահոսթինգում ամեն րոպե տեղադրվում է 60 ժամ ընդհանուր տևողությամբ տեսանյութ, իսկ օրական դիտումների քանակը հասնում է 4 միլիարդի: Հաղորդում է Engadget տեխնոբլոգը:
Նշենք, որ 8 ամիս առաջ YouTube տեսահոսթինգում օրական դիտումների քանակը մեկ միլիոն էր: Այժմ YouTube -ը համարվում է աշխարհում ամենաշատ այցելվող կայքերից մեկը: |
Nokia Lumia սմարթֆոնների վաճառքը գերազանցել է մեկ միլիոնը
|
Bloomberg գործակալությունը, համադրելով վերլուծաբանների գնահատականները, հաշվել է՝ Nokia Lumia սմարթֆոնի առաջին վաճառքի ծավալները:
Այսպես, նոյեմբերին այս մոդելը դուրս է եկել վաճառքի և երկու ամսվա ընթացքում իրացվել է 1.3 մլն օրինակով: Որոշ գնահատականների համաձայն՝ այս ցուցանիշը անցնում է 2 միլիոնը:
Սպասվում է, որ ընթացիկ եռամսյակում Nokia-ն կվաճառի Windows Phone 7 համակարգով աշխատող 3,2 մլն սարք: Ներկա պահին Windows Phone-ի մասնաբաժինը սմարթֆոնների շուկայում ընդամենը 1,9% է: |
Circle.am-ին մեղադրում են ամենաայցելվող կայքերի առաջին տասնյակը վաճառելու մեջ
|
Ա1+-ի տնօրեն Մեսրոպ Մովսիսյանն, այսօր լրագրողների հետ հանդիպմանը խոսելով հայկական տեղեկատվական դաշտի, մասնավորապես օնլայն լրատվամիջոցների մասին, նշել է, որ Circle.am ռեյթինգ-համակարգի արդյունքները վաճառված են ու չեն համապատասխանում իրականությանը:
«Ամենամեծ այցելություն ունեցող առաջին 13 տեղերը գնված են և կոնկրետ առաջադրանքով տրամադրված համապատասխան կայքերի»,-նշել է նա:
PCNews.am-ը փորձեց խոսել Circle.am-ի ղեկավար Ավետիս Ավագյանի հետ, սակայն պարզվեց, որ նա այժմ բացակայում է երկրից: Մոտակա ժամանակում կապ հաստատելուն պես կներկայացնենք երկրորդ կողմի մեկնաբանությունները: |
|
