Google-ը հնարավոր է՝ սկսի պրոցեսորներ արտադրել
|
Google-ը հնարավոր է` թողարկի բջջային պրոցեսորներ՝ սեփական ապրանքանիշի ներքո: Հաղորդում է Android Invasion-ը՝ հղում անելով Google-ի ծրագրավորողներից մեկին: Ներկա պահին ընկերությունն արդեն աշխատում է պրոցեսորների գրաֆիկական արագացուցիչների վրա:
Ստեղծելով սեփական չիպերը՝ Google-ը հույս ունի ամրապնդել դիրքերը սմարթֆոնների ու պլանշետների շուկայում և ամբողջովին վերահսկել սարքային մասը:
Նշենք, որ Apple ընկերությունը մեկնարկեց չիպերի արտադրությունը iPad-ի թողարկման հետ միասին՝ 2010-ի հունվարին: |
Toshiba-ն ներկայացրել է նոր iPad-ից թեթև պլանշետ
|
Toshiba ընկերությունը թողարկել է Excite X10 նոր պլանշետային համակարգիչը։ Այն ունի 10 դյույմ անկյունագծով էկրան և 3 դյույմ հաստություն։ Այն ավելի թեթև է իր կշռով iPad-ից, գրում է TechCrunch-ը։
Excite X10-ն ունի երկու տեսախցիկ՝ դիմացի և ետևի, համապատասխան՝ 2 և 5 մեգապիքսել։ Պլանշետն աշխատում է 1.2GHz երկակի պրոցեսորով, ունի 1Գբ օպերատիվ հիշողություն։ Պլանշետն աշխատում է Android 3.2 Honeycomb տարբերակով, հետագայում թարմացվելու է Android 4.0 Ice Cream Sandwich-ի։ Toshiba-ն դեռևս չի նշում, թե որքան կարժենա Excite X10-ը։ Սակայն, ըստ ենթադրությունների այն կարժենա 500-600 ԱՄՆ դոլար։
Excite X10-ից բացի Toshiba –ն թողարկել է 14 դյույմ անկյունագծով նոր ուլտրաբուք՝ XPS 14z-ը։ Այս երկու սարքերով է ընկերությունը ներկայացել հունվարի 10-13-ը կայանալիք CES 2012-ի նախնական ցուցադրություններին, որոնք մեկնարկել են հունվարի 5-ին։ |
LG-ն ներկայացրել է Spectrum Android-սմարթֆոնը (ֆոտո)
|
LG ընկերությունը պաշտոնապես ներկայացրել է Spectrum սմարթֆոնը, որն ունի 4,5 դյույմանոց True HD էկրան՝ պաշտպանված Gorilla Glass ապակով: Սարքի պրոցեսորը երկմիջուկ Snapdragon S3-ն է (1,5 ԳՀց), օպերատիվ հիշողությունը 1ԳԲ, ներդրվածը՝ 4 ԳԲ, իսկ տեսախցիկը՝ 8 մպ, որը նկարահանում է նաև 1080p թույլատրությամբ հոլովակներ:
Սմարթֆոնն ապահոված է նաև microSD-ով, Bluetooth 3.0-ով և աշխատում է 4G LTE ցանցերում: Օպերացիոն համակարգը Android 2.3-ն է: Սարքը կշռում է 141գ:
LG Spectrum-ի վաճառքը կմեկնարկի հունվարի 19-ին՝ ամերիկյան օպերատոր Verison-ի կողմից: Սպասվում է, որ սմարթֆոնը կարժենա 570-650 դոլար: |
Apple-ը հինգ տարում վաճառել է ավելի քան 73 միլիոն iPhone
|
5 տարի առաջ՝ 2007-ին այս օրը Apple-ի համահիմնադիր և նախկին գործադիր տնօրեն Սթիվ Ջոբսը ներկայացրեց առաջին iPhone սմարթֆոնը MacWorld ցուցահանդեսի ժամանակ, տեղեկացնում է Apple Insider-ը։ 2007-ին ընկերությունը վաճառեց ավելի քան 1 միլիոն iPhone։
Այդ օրվանից մինչև այսօր ընկերությունը թողարկել է iPhone-ի 4 սերունդ և մեկ թարմացված և iOS բջջային օպերացիոն համակարգի հինգ տարբերակ։ Ներկայացնելով առաջին iPhone-ը՝ Ջոբսն այն անվանեց նոր հեղափոխական բջջային հեռախոս։ 2012-ին բոլորը սպասում են iPhone-ի 5-րդ սերնդի թողարկմանը։ Apple ընկերությունը 2007-ից մինչ օրս վաճառել է ավելի քան 73 միլիոն iPhone սմարթֆոն։ |
Lenovo-ն սկսել է Android 4.0-ով աշխատող հսկա հեռուստացույցի վաճառքը
|
Lenovo չինական ընկերությունը, որը հայտնի է նոութբուքների ու սեղանի համակարգիչների արտադրությամբ, պաշտոնապես ներկայացրել է իր առաջին «խելացի» հեռուստացույցը ՝ Lenovo K91:
K91-ն ունի 55 դյույմանոց էկրան, երկմիջուկ Qualcomm Snapdragon APQ8060 պրոցեսոր՝ 1,5 ԳՀց հաճախությամբ, 1 ԳԲ օպերատիվ հիշողություն, 8 ԳԲ ֆլեշ հիշողություն, Wi-Fi 802.11 b/g/n, Ethernet-մուտք, HDMI և USB 2.0, 3D: Հեռուստացույցը ունի նաև 5 մպ տեսախցիկ, որի օգնությամբ կարելի է տեսազանգեր կատարել, ճանաչել օգտագործողների դեմքերը:
Հեռուստացույցը կարելի է կառավարել նաև ձայնով: Սարքի հետ միասին տրվում է նաև խաղային կոնտրոլեր:
Lenovo K91-ն աշխատում է Android 4.0 Ice Cream Sandwich (ICS) օպերացիոն համակարգով. ընդ որում՝ սա առաջին հեռուստացույցն է, որ աշխատում է ICS-ով:
...
Կարդալ շարունակությունը »
|
Acer ընկերությունը ներկայացրել է ամենաբարակ ուլտրաբուքերից մեկը
|
Acer ընկերությունը ներկայացրել է իր երկրորդ ուլտրաբուքը` Aspire S5-ը: Ըստ ընկերության հաղորդման`այն աշխարհում ամենաբարակ ուլտրաբուքն է: Նրա հաստությունը 15մմ է: CNews-ը հիշեցնում է, որ անցյալ շաբաթ LG-ն ներկայացրել էր 14,7 մմ հաստությամբ ուլտրաբուք:
Aspire S5-ն ունի 13,3 դյույմանոց էկրան եւ կշռում է 1,35 կգ: Սպասելաժամանակից դուրս գալը կազմում է 1,5 վրկ: Այն համալրված է նաեւ MagicFlip I/O թաքնված վահանակով: Կոճակը սեղմելիս այն բացվում է` ազատ թույլ տալով մուտքը դեպի HDMI, USB 3.0 եւ Thunderbolt (տվյալների փոխանցման առավելագույն արագությունը` 20 գբիթ/վրկ) պորտեր (դաշտեր):
Ինչպես նաեւ տվյալ մոդելը պատրաստ է ցուցադրելու Dolby Home Theater v4 տեխնոլոգիան: Aspire S5-ը համալրված է եռակի ուժգնության գործածության մարտկոցով, հավաստիացնում է արտադրողը: |
USB 3.0-ը 10 անգամ ավելի արագ է USB 2.0-ից
|
Մինչև 2012-ի տարեվերջ բոլոր սմարթֆոնների և պլանշետային սարքերի համար համատեղելի կլինի USB 3.0 միկրո USB միակցիչը (connector), որի շնորհիվ տվյալների փոխանցումը կդառնա ավելի արագ, քան USB 2.0-ով։
USB 3.0-ն մոտավորապես 10 անգամ ավելի արագ է աշխատում, քան USB 2.0-ը։ USB 3.0-ի փոխանցման արագությունն է 625Մբ/վ, իսկ USB 2.0-ի փոխանցման արագությունը կազմում էր առավելագույնը 60 Մբ/վ։ Այս մասին հաղորդում է Mashable-ը։
«Նախկինում 15 րոպեում փոխանցվող ֆայլն այժմ փոխանցվում է 1 րոպե 10 վայրկյանում»,-ասել է USB Implementers Forum-ի տեխնիկական տնօրենը CES 2012 ցուցահանդեսի ժամանակ։ Բացի այս ամենից, բջջային սարքերը և պլանշետները USB 3.0-ի շնորհիվ էլ ավելի արագ են լիցքավորվում։ |
Nokia-ն նոր ՕՀ է գնել՝ Symbian-ը փոխարինելու համար (տեսանյութ)
|
Nokia ընկերությունը 2011-ի վերջին ավարտին է հասցրել նորվեգական Smarterphone օպերացիոն համակարգը մշակող ընկերությունը գնելու գործարքը, որի արժեքը, սակայն, չի հաղորդվում:
Smarterphone-ը, որը նախկինում հայտնի էր՝ որպես Kvaleberg, նախատեսված է բազմաֆունկցիոնալ, սակայն մատչելի հեռախոսների համար: SlashGear-ի փոխանցմամբ՝ այն վերջին անգամ թարմացվել է 2011-ի հոկտեմբերին: Ապահովում է մի քանի Sim-քարտերի հետ աշխատանք, SMTP, POP3 և IMAP4 արձանագրություններ և այլն:
Սպասվում է, որ Smarterphone-ը փոխարինի Symbian-ը: Նշենք, որ մի քանի ամիս առաջ լուրեր տարածվեցին այն մասին, որ Nokia-ն Linux-ի հիման վրա մշակում է նոր ՕՀ: Այդ լուրերն այդպես էլ չհաստատվեցին:
...
Կարդալ շարունակությունը »
|
|
