CES 2012. շվեյցարական դանակում տեղավորել են 1 տերաբայթ հիշողություն
|
Victorinox շվեյցարական ընկերությունը ներկայացրել է բազմաֆունկցիոնալ զինվորական դանակ, որն ունի նաև 1 տերաբայթ ծավալով տվյալներ պահելու հնարավորություն: Սա թույլ կտա դանակի մեջ պահել 220 մլն էջ տեքստ կամ 330 հազ. լուսանկար:
Աքսեսուարն ունի գրաֆիկական էկրան, ինչպես նաև կարողանում է ավտոմատ կերպով սինխրոնիզացնել համակարգչի ֆայլներն ու ստեղծել դրանց պահեստային պատճենները: Հաղորդում է BGR տեխնոբլոգը:
Դանակն ունի նաև մի քանի սայրեր, մկրատ, բացիչ և այլն: Այն միանում է համակարգչին USB 2.0-ով կամ 3.0-ով: Հասանելի են հիշողության հետևյալ ծավալները՝ 64 գբ, 128 գբ, 256 գբ կամ 1 տերաբայթ:
Դանակը կներկայացվի CES 2012-ին (Conusmer Electronics Show), որն արդեն մեկնարկել է Լաս Վեգասում: |
Logitech-ը բարձրորակ վեբ-տեսախցիկ է թողարկել է Skype տեսազանգերի համար
|
Logitech ընկերությունը արտադրել է նոր վեբ-տեսախցիկ՝ Logitech HD Pro Webcam C920-ը։ Այն արագ աշխատող, հստակ պատկեր է ցույց տալիս և հիանալի է Skype տեսազանգերի համար։
Այս մասին հայտնում է Skype-ն իր պաշտոնական բլոգում։Logitech HD Pro C920-ը առաջին վեբ-տեսախցիկն է, որ ապահովում է ամբողջությամբ HD որակի տեսազանգեր Skype-ով։ Այս վեբ-տեսախցիկով անգամ հնարավոր է ստանալ բարձրորակ 15 մեգապիքսել լուսանկարներ և անմիջապես կիսել դրանք սոցիալական ցանցերում՝ Facebook-ում, Twitter-ում և YouTube-ում։
Շնորհիվ Fluid Crystal տեխնոլոգիայի օգտագործողները կստանան հիանալի ձայնի որակ, պատկերի պարզություն և գույներ։ Logitech HD Pro C920-ն օգտագործելու համար պարտադիր չէ ունենալ բարձրակարգ համակարգիչ։
Վեբ-տեսախցիկն արդեն հասանելի է ԱՄՆ-ում և Եվրոպայում 99 դոլարով։ |
Mercedes-ը Facebook «կներդնի» իր մեքենաներում
|
Mercedes-Benz ավտոկոնցեռնն ինտեգրում է Facebook-ի ֆունկցիոնալությունն իր մեքենաներում: Ինչպես հաղորդում է Reuters գործակալությունը, խոշորագույն սոցիալական ցանցի համար հավելվածը mbrace2 նորացված հաղորդակցական համակարգի մաս կդառնա:
Այս հավելվածի միջոցով վարորդները կարող են սոցցանց ուղարկել նախօրոք գրված ստատուսներ, հրապարակել երթուղիները և տեղ հասնելու մոտավոր ժամը, նաև իմանալ` մոտ են գտնվում ընկերները:
Տեքստի մուտքագրում պահանջող բոլոր ֆունկցիաները մեքենայի շարժման ժամանակ ավտոմատ կերպով անջատվում են` ելնելով անվտանգության նկատառումներից:
Սպասվում է, որ mbrace2-ում կմիացվեն նաև Google հավելվածն ու Yelp սոցսերվիսը` ռեստորանների, վարսավիրանոցների և այլ ծառայությունների որոնման համար:
...
Կարդալ շարունակությունը »
|
Sony-ն թողարկել է չորս նոր Xperia շարքի սմարթֆոն
|
Sony Ericsson ընկերությունը ներկայացրել է չորս նոր սմարթֆոն Լաս Վեգասում ընթացող CES 2012 ցուցահանդեսին Sony ապրանքանիշի ներքո։ Դրանք են Xperia S-ը, որը Xperia NXT շարքի առաջին սմարթֆոնն է, համարվում է Sony-ի հաջորդ սերնդի սմարթֆոն։ Հաջորդ ներկայացված սմարթֆոնը Xperia ion-ն է՝ Sony-ի առաջին LTE սմարթֆոնը։ Այս երկու սմարթֆոնները Sony ընկերությունը առայժմ նախատեսել է ամերիկյան շուկայի համար, որոնք շուկա են դուրս գալու 2012-ին առաջին և երկրորդ եռամսյակների ընթացքում։
CES 2012-ին ներկայացրած մյուս երկու սմարթֆոնները Sony-ն նախատեսել է ճապոնական շուկայի համար։ Դրանք են՝ Xperia acro HD-ն և Xperia NX-ը։ Xperia acro HD-ն ունի բազում ֆունկցիաներ հենց հատուկ Ճապոնիայի համար։ Օրինակ՝ բջջային դրամապանակը, բջջային հեռուստատեսությունը, տվյալների փոխանցումը ինֆրարետի միջոցով։ Իսկ Xperia NX-ը կարծես Xperia S-ի ճապոնական տեսակը լինի։
Sony ընկերության գործադիր տնօրեն Բերթ Նորբերգը ասել է, որ CES 2012-ը շատ կարևոր է ընկերության համար, քանի որ նրանք ներկայացրեցին առաջին սմարթֆոնները Sony-իի ներքո։
...
Կարդալ շարունակությունը »
|
Nokia-ն ներկայացրել է Lumia 900 LTE սմարթֆոնը
|
Nokia-ի նորույթը CES 2012 միջազգային ցուցահանդեսում Lumia 900 սմարթֆոնի ներկայացումն էր։ Lumia 900-ը աշխատում է Microsoft-ի Windows Phone 7.5 օպերացիոն համակարգով։ Այն հագեցած է LTE տեխնոլոգիայով։ Հնարավոր է դարձնում տվյալների ներբեռնում մինչև 50Մբ/վ 4G ցանցով։ Այս մասին հայտնում է i4u.com-ը։
Lumia 900-ն ունի 4.3 դյույմ անկյունագծով էկրան, 1.4GHz պրոցեսոր, 1,840mAH մարտկոց՝ մինչև 7 ժամ խոսելաժամանակ, 512 Մբ օպերատիվ հիշողություն, 16Գբ հիշողություն, 8մեգապիքսել ֆոտոխցիկ, Wi-Fi, A-GPS, Bluetooth, USB 2.0։ Սմարթֆոնը կշռում է 160 գրամ։ Nokia-ին չի հայտնել որևէ տեղեկություն սմարթֆոնի շուկա դուրս գալու մասին։ Հավանական է մոտակա ամիսներին հեռախոսը վաճառքի դուրս գա ԱՄՆ-ում։
CES 2012 (Սպառողների էլեկտրոնիկայի ցուցադրությունը) միջազգային ցուցահանդեսը անցկացվում է հունվարի 10-13-ը ԱՄՆ-ի Լաս Վեգաս քաղաքում։ Ցուցահանդեսի նախանական ցուցադրությունները մեկնարկել են հունվարի 5-ին։ Ցուցահանդեսին կներկայանան ընկերություններ ավելի քան 140 երկրներից։ |
Samsung –ը ներկայացրել է իր 55 դյույմ անկյունագծով OLED հեռուստացույցը
|
CES 2012 միջազգային ցուցահանդեսում Samsung-ը LG ընկերության օրինակով ցուցադրեց իր 55 դյույմ անկյունագծով OLED տեխնոլոգիայով աշխատող հեռուստացույցը, որը շուկա կհանվի 2012-ի երկրորդ եռամսյակքւմ։ Այս մասին հաղորդում է reghardware.com-ը։
Samsung-ի Super OLED հեռուստացույցն ունի 0,3 խորություն, ինչը վկայում է, որ այն բավական բարակ է։ Այն ունենալու է Samsung-ի smart հեռուստացույցների բոլոր ֆունկցիաները։ Այն ունի անգամ ներկառուցված տեսախցիկ, որը նախատեսված է ոչ միայն տեսազանգեր կատարելու համար, այլ նաև Kinect սարքի պես շարժումների ճանաչման համար։ Հեռուստացույցն ունենալու է նաև ձայնի ճանաչման և ձայնային կառավարման համակարգ։
CES 2012 (Սպառողների էլեկտրոնիկայի ցուցադրությունը) միջազգային ցուցահանդեսը անցկացվում է հունվարի 10-13-ը ԱՄՆ-ի Լաս Վեգաս քաղաքում։ Ցուցահանդեսի նախանական ցուցադրությունները մեկնարկել են հունվարի 5-ին։ Ցուցահանդեսին կներկայանան ընկերություններ ավելի քան 140 երկրներից։ |
|
