«Oдноклассники» սոցցանցը վերականգնել է աշխատանքը
|
«Oдноклассники» սոցիալական ցանցը, որն անհասանելի էր օգտագործողներին հինգշաբթի առավոտից, արդեն վերականգնել է իր աշխատանքը: Այս մասին «РИА Новости»-ին են հաղորդել սոցիալական ցանցի մամուլի ծառայությունից:
Խափանումը տեղի էր ունեցել սոցիալական ցանցի դատա-կենտրոններից մեկում առաջացած տեխնիկական խնդիրների պատճառով: Վերականգնողական աշխատանքները տևել են մի քանի ժամ և դա Odnoklassniki սոցցանցի մասնագետների բարձր տեխնիկական պատրաստվածության արդյունքն է, որը երկար չի սպասեցրել սոցցանցի օգտագործողներին: |
Sony-ն այս տարի կթողարկի 12 սմարթֆոն
|
Sony ճապոնական ընկերությունը առաջիկա 9 ամսվա ընթացքում մտադիր է թողարկել սմարթֆոնի 12 նոր մոդել: Այս մասին հայտնի է դարձել սխալմամբ ժամանակից շուտ GSMArena.com-ում տեղադրված հաղորդագրություններից:
Նոր մոդելներից ամենաթանկը կլինի MINT_I-ը, որը կթողարկվի սեպտեմբերին ու կարժենա 560 եվրո:
Ամենամատչելի Android-հեռախոսը կարժենա 145 եվրո: TAPIOCA անունը կրող այս մոդելը կթողարկվի հուլիսին: Սպասվում է, որ MT27I PEPPER_I մոդելը կստանա 4 դյույմանոց անկյունագծով Reality Display էկրան, իսկ LT22I NYPON_I –ը՝ 3,7 դ.:
Սմարթֆոններից մեկի մասին արդեն հայտնի է. դա Xperia S –ն է, որն ունի HD էկրան(1280х720)՝ 4,3 դյույմ անկյունագծով, 12 մպ տեսախցիկ ու 1 ԳԲ օպերատիվ հիշողություն: 460 եվրո արժողությամբ այս սարքի թողարկումը սպասվում է մարտին: |
Wikipedia-ն ընդդեմ հակածովահենային օրենքների
|
Wikipedia օնլայն հանրագիտարանի անգլալեզու տարբերակն այսօրվանից անհասանելի է օգտագործողներին: Ընկերությունն այս ճանապարհով պայքարում է հակածովահենային օրենքների դեմ, որոնք այժմ դիտարկվում են ԱՄՆ Սենատի կողմից:
Օրինագծի (SOPA) կետերից մեկը վերաբերում է պրովայդերներին, որոնողական համակարգերին, որոնք օրենքի ընդունման դեպքում պարտավոր են լինելու արգելափակել հեղինակային որևէ իրավունք խախտող կայքի աշխատանքը: Wikipedia-ի հիմնադիր Ջիմի Ուելսը կարծում է, որ այս կանոնները վտանգավոր են բաց ինտերնետի համար: Նրան համակարծիք են նաև Google-ի ներկայացուցիչները:
Ու թեև որոնողական համակարգը շարունակում է աշխատել, գունավոր լոգոտիպը գրեթե ամբողջությամբ ծածկված է մուգ եռանկյունով: Իսկ եռանկյունու վրա մկնիկը սահեցնելու դեպքում երևում է հետևյալ գրությունը. «Խնդրում ենք մի ընդունեք ինտերնետի գրաքննությունը»: |
Google+ սոցիալական ցանցը հատել է 90 միլիոն օգտագործողի սահմանը
|
Google+ սոցիալական ցանցն ունի ավելի քան 90 միլիոն օգտագործող։ Այս մասին Google-ի ֆինանսական հաշվետվությունների ներկայացումների ժամանակ հայտնել է ընկերության գործադիր տնօրեն Լարի Փեյջը, գրում է CNN-ը։
Նա նշել է, որ այս ցուցանիշը փաստորեն ավելի քան կրկնապատկվել է՝ համեմատած 2011-ի հոկտեմբերին հայտարարված 40 միլիոն օգտագործողի հետ։Լարի Փեյջը հայտնել է նաև, որ այն մարդիկ, ովքեր գրանցված և ակտիվ օգտագործողներ են G+-ի, նաև ակտիվ օգտագործողներ են ընդհանրապես Google-ի արտադրանք-ծառայությունների։
«G+-ի օգտագործողների 60%-ն ամեն օր օգտվում է մեր այլ ծառայություններից, իսկ 80%-ը այցելում է Google առնվազն շաբաթը մեկ անգամ»,-նշել է նա։
...
Կարդալ շարունակությունը »
|
Gmail-ում կհայտնվի պաշտպանություն «ստեղնաշարային լրտեսներից»
|
Google ընկերությունը փորձարկում է Gmail փոստային ծառայություն մուտք գործելու նոր եղանակ: Այն թույլ կտա օգտատերերին ստուգել իրենց էլ. փոստը հասարակական վայրերում գտնվող համակարգիչներից` առանց վախենալու լրտեսող ծրագրերից, որոնք կարող են գողանալ օգտանունը, գաղտնաբառը և այլ արժեքավոր տեղեկություններ, գրում է The Verge բլոգը:
Գողությունից խուսափելու համար Google-ն առաջարկել է մուտք գործել սմարթֆոնի միջոցով: Ինտերնետ ակումբում համակարգչի դիմաց նստելով` օգտատերը պետք է սմարթֆոնի միջոցով` օգտվելով Gmail-ի տրամադրած QR-կոդից, հավաքի օգտանունն ու գաղտնաբառը:
Էլեկտրոնային փոստ մուտք գործելու այս նոր ծառայությունը ստացել է Sesame անվանումը: Ըստ Google ընկերության աշխատակից Դիրկ Բալֆանցի (Dirk Balfanz)` |
Level 10 M. յուրահատուկ կառուցվածքով խաղային մկնիկ
|
Thermaltake և BMW Group Designworks USA ընկերությունները ստեղծել են Level 10 M անսովոր ձևավորմամբ խաղային մկնիկ՝ հիմնականում նախատեսված խաղեր խաղալու համար:
Մկնիկի առանձնահատկությունը կայանում է նրանում, որ իրանի վերնամասի բարձրությունն ու թեքման անկյունը հեշտությամբ կարելի է փոփոխել, այդպիսով մկնիկին տալով օգտագործողի ձեռքի ափին առավելապես հարմար ձև: Մկնիկի առանձնահատկություններից են նաև անցքերը վերևի մասում, որոնք նախատեսված են օդի շրջանառության համար, ինչի շնորհիվ երկարատև օգտագործման դեպքում այն շատ չի տաքանում:
Level 10 M-ի տեխնիկական մանրամասներն ու գինը դեռևս չեն հաղորդվում, այն վաճառքում կհայտնվի գարնանը: |
iPhone-ի ու Android-ի վաճառքի ծավալները հավասարվել են
|
2011-ի վերջին եռամսյակում ԱՄՆ-ում վաճառվել է հավասար քանակով iPhone և Android սմարթֆոն: Հաղորդում է Nielsen վերլուծական գործակալությունը:
Ավելին՝ Android-հեռախոսների մասնաբաժինը 2,4%-ով գերազանցում է iPhone-ին. Google-ի օպերացիոն համակարգով աշխատող սարքերը գրավել են շուկայի 46,9%-ը, իսկ iOS սմարթֆոնները՝ 44,5%: Երրորդ ամենավաճառվողը RIM Blackberry ՕՀ-ով աշխատող սմարթֆոններն են. ամեն քսաներորդ գնորդը նախապատվությունը տվել է հենց այս սարքերին:
Nielsen-ի հետազոտությունը ցույց է տվել նաև, որ սմարթֆոնների տարածումը շարունակում է մեծանալ. ամերիկացիների 60%-ը նախընտրում են գնել բազմաֆունկցիոնալ, քան սովորական հեռախոս: |
Anonymous հաքերային խմբավորումը գրոհել է ԱՄՆ ՀԴԲ-ի, Սպիտակ տան և այլ կառավարական կայքեր
|
ԱՄՆ-ի ամենամեծ Ֆայլերի հոսթինգ ծառայության կայք Megaupload-ը փակվել է ԱՄՆ Վիրջինիա նահանգի դատախազության կողմից։ Համարվել է, որ Megaupload-ը խախտում է հեղինակային իրավունքը, հաղորդում է BBC։
Դաշնային դատախազությունը համարել է, որ խախտումների պատճառով հեղինակային իրավունքը կրողները կրել են 500 միլիոն դոլարի վնաս։ Մեղադրանք է ներկայացվել 7 ֆիզիկական անձանց, ինչպես նաև երկու իրավաբանական անձանց՝ Megaupload Limited և Vestor Limited ընկերություններին։
Anonymous հաքերային խմբավորումը՝ ցանկանալով վրեժխնդիր լինել Megaupload-ը փակելու համար, հաքերային հարձակման է ենթարկել ԱՄՆ ՀԴԲ-ի (Հետախուզության դաշնային բյուրո), Սպիտակ տան և մի քանի այլ ռեսուրսների կայքերը։ Այս մասին Anonymous-ը հայտնել է իր բլոգում։
Մոտ 14 կառավարական կայքեր դարձել են հաքերային խմբավորման թիրախը, այդ թվում և խոշոր ձայնագրման ընկերություններ՝ Universal Music-ը և Warner Music Group-ը։ Հարձակումներից մի քանի ժամ անց մի քանի կայք վերականգնեցին իրենց աշխատանքը։ Ինչպես նշում է CNN-ը, հաքերնե
...
Կարդալ շարունակությունը »
|
|
