3DNews-ի  բաժանորդագրություն
Չորեքշաբթի, 23 Օգոստոս 2017
Գլխավոր » 2012 » Հունվար » 24 » ՏՏ Լրատվական, Տեղեկատվական Տեխնոլոգիաներ
Anonymous-ը հերքել է հունվարի 28-ին Facebook-ը կոտրելու մտադրության մասին լուրը


3DNews ՏՏ Լրատվական - Այսօր Anonymous հաքերային խմբավորումն իր Twitter էջում հերքել է լուրերն այն մասին, թե հունվարի 28-ին հաքերային հարձակման է ենթարկելու Facebook սոցիալական ցանցը, գրում է Times Live-ը։

Երեկ YouTube տեսապորտալում տարածվել էր մի տեսանյութ, որը ներկայացնում էր Anonymous հաքերային խմբավորումը։ Տեսանյութում խմբավորումը հայտնում էր, թե հունվարի 28-ին պատրաստվում է կիբերհարձակման ենթարկել Facebook-ը՝ ցույց տալով իր բողոքն ընդդեմ SOPA/PIPA ինտերնետը վերահսկող օրինագծերի։

Պետք է նշել, որ SOPA/PIPA օրինագծերի դեմ ելույթում հանդես էր եկել Facebook-ի հիմնադիր Մարկ Ցուկերբերգը, ինչից կարելի է եզրակացնել, որ Anonymous-ի՝ Facebook-ը կոտրելու քայլը անտրամաբանական կլինի։

Վերջերս Anonymous-ը մի շարք հարձակումներ կատարեց ԱՄՆ-ի, Ֆրանսիայի, Լեհաստանի կառավարական կայքերի վրա, ուղղված SOPA/PIPA օրինագծերի դեմ։ SOPA-ն մշակվել է ԱՄՆ Կոնգրեսի կողմից։ Այն ենթադրում է կոշտ միջոցների կիրառում հեղինակային իրավունքները խախտող ռեսուրսների դեմ։

SOPA –ի միջոցով իշխանությունները կարող են վերահսկել ինտերնետում ինֆորմացիայի տեղադրումն և ներբեռնումը։ Այս օրինագծի դեմ դուրս են եկել Wikipedia-ն, Google-ը, Yahoo!-ն, eBay-ը, Facebook-ը և այլ ինտերնետ ընկերություններ։ Ընդդեմ SOPA օրինագիծի դեմ ելույթ են ունեցել Facebook-ի հիմնադիր Մարկ Ցուկերբերգը, Reddit-ի համահիմնադիր Ալեքսիս Օհանյանը։ Մեծ օնլայն ցույցերի և բողոքների արդյունքում, ԱՄՆ Սենատը հետաձգեց օրինագծերի քվերակությունը։

Anonymous-ը իր հաղորդագրություններում մշտապես հայտնում է, որ պայքարում է իշխանությունների ինտերնետը գրաքննելու որոշումների և կաշառակերության դեմ։ Ամբողջ աշխարհում կատարվել և կատարվում են Anonymous խմբի մի շարք անդամների ձերբակալություններ։ Anonymous-ը 2011-ին կատարել է մի շարք DDoS հարձակումներ խոշոր ընկերությունների և կառավարական կայքերին ուղղված՝ PayPal-ին, Visa-ին, MasterCard-ին, Sony-ի PlayStation ցանցին և այլն։

2011-ին նույնպես լուրեր էին տարածվել, թե նոյեմբերի 5-ին Facebook-ը Anonymous-ի կողմից կոտրվելու է։ Սակայն շուտով պարզվեց, որ լուրեր տարածող անձնավորությունը հայտարարություն է արել առանց խմբավորման անդամների համաձայնության։

Հավանել նորությունը
«+10» - հավանությունների քանակ


Դիտումներ: 286 | Ավելացրել է: 3DNewscomm | Հայտնի տեգեր: Times Live, 3DNews, Twitter, anonymous, YouTube, 3DNewscomm, Facebook, SOPA | Գնահատական: 1.2/10 | Ավելացվել է: 24 Հունվար 2012, 15:13





Ընդհանուր Մեկնաբանությունները: 0

Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]