Սպառնում են դատի տալ Google-ին և Facebook-ին
|
Հնդկաստանի գերագույն դատարանը սպառնացել է արգելել մուտքը դեպի Google և Facebook կայքեր, եթե դրանց հնդկաստանյան ներկայացուցիչները վերահսկողություն չսահմանեն կայքերում հրապարակվող նյութերի ցենզուրայի վրա. գրված է Zeenews.com-ում:
Դատավոր Սուրեշ Կայտի խոսքով, եթե նշված սոցկայքերից պարպերաբար չհեռացվեն վիրավորական և վիճելի բնույթ կրող գրառումները, ապա դրանք կարգելափակվեն Հնդկաստանի օգտատերերի համար, ինչպես դա արվեց Չինաստանում:
Սրան ի պատասխան, Google և Facebook ընկերությունների ներկայացուցիչներն ասել են, թե հնարավոր չէ հետևել բոլոր գրառումներին, քանի որ երկու ընկերությունների սոցիալական ցանցերն էլ ունեն շատ մեծ քանակությամբ օգտագործողներ - Facebook-ում մոտ 800 մլն օգտագործող, իսկ Google Plus-ում մոտ 40 մլն: |
Սմարթֆոնները թույլ են տալիս «շոշափել» սրտի աշխատանքը
|
Ժամանակակից բջջային հեռախոսներն ընդունակ են վերարտադրել հզոր մոտոցիկլի շարժիչի, ատրճանակի կրակոցի և մարդու սրտի աշխատանքի ձայները: Այժմ օգտվողները կարող են ոչ միայն լսել, այլև շոշափել ձայները: Այս ոլորտում իրենց աշխատանքներն են Լաս Վեգասում ավարտվող Սպառողական էլեկտրոնիկայի միջազգային տոնավաճառում ներկայացրել միանգամից մի քանի եվրոպական ընկերություններ:
Տեխնոլոգները, որպես նմուշ, ընտրել են ամերիկյան Apple ընկերության iPhone սմարթֆոնը, որի ներսում տեղադրել են «Վիվիթաչ» («Կենդանի հպում») անվամբ «փոքրիկ շարժիչ»: Օրինակ, օգտվողը սմարթֆոնով վիրտուալ խաղ է խաղում, որի նպատակն է մի քանի գնդեր անցկացնել բարդ լաբիրինթոսի միջով:
«Vivachat»-ը ցնցման իմիտացիա է ստեղծում, որն առաջացնում է գունդը` բախվելով լաբիրինթոսի պատին: Այդ կերպ այլ սարքավորումների գործողության ժամանակ մարդու մոտ բաբախող սրտի, «Հարլեյ Դևիդսոն» մոտոցիկլի շարժիչի և ատրճանակի արձակած ձայնի տպավորություն է ստեղծվում: |
iPhone ծրագրերով հնարավոր է հեշտությամբ պաստրաստել լուսանկարների կոլաժներ
|
Շատերն են սիրում ստեղծել լուսանկարների կոլաժներ։ iPhone սմարթֆոնների համար կան նախագծված մի շարք ծրագրեր, որոնց միջոցով կարելի է հեշտությամբ կազմել լուսանկարների կոլաժներ, գրում է CNet-ը։
Դրանցից են Diptic-ը, որը շատ պարզ ծրագիր է։ Այն պարունակում է կոլաժային 21 տարբեր նախագիծ։
Օրինակ՝ 3 նկար վերևում, երկուսը ներքևում կամ մեկ մեծը վերևում և մի քանի նկար ներքևում։ Այս ծրագրով կարելի է ընտրել նաև տարբեր տեսակի շրջանակներ կոլաժների համար։ Հնարավոր է նաև պտտել նկարները, փոխել չափսերը, խմբագրել լուսավորությունը, պարզություն և ավելացնել այլ ֆունկցիաներ։
Ծրագիրը նաև թույլ է տալիս պատրաստի կոլաժները կիսել սոցիալական ցանցերում՝ Facebook-ում, Twitter-ում, Flickr-ում և Tumblr-ում։ Կոլաժ պատրաստելու մեկ այլ պարզ ծրագիր է Frametastic-ը։ Այն ունի կոլաժային նախագծի 18 տարբերակ։
...
Կարդալ շարունակությունը »
|
Հայաստանում կանցկացվի «Անօդաչու թռչող սարքեր» մրցույթը
|
Ինֆորմացիոն տեխնոլոգիաների ձեռնարկությունների միությունը Հայաստանի Ռոբոտների բաց առաջնության (ԱրմՌոբոտիքս) շրջանակում 2012թ.-ին հայտարարում է «Անօդաչու թռչող սարքեր» մրցույթը, տեղեկացնում են ԻՏՁՄ մամլո ծառայությունից։
Մասնակիցների առջև դրված խնդիրն է նախագծել ու պատրաստել այնպիսի թռչող սարքեր, որոնք թռիչքի ընթացքում կուսումնասիրեն տարածքը, կհասկանան տեղորոշման համար նախատեսված նշանները, առցանց կուղարկեն պատկերներ, կգտնեն հատուկ նշանատեղը, նշանատեղին կնետեն մինչև 300գ բեռ և կվերադառնան մեկնարկի կետ:
Ռոբոտը կարող է ունենալ կառուցման ցանկացած տեսակ` VTOL (ուղղահայաց թռիչք և վայրէջք), CTOL (սովորական թռիչք և վայրէջք), STVOL (կարճ թռիչք և վայրէջք) և այլն: Ռոբոտի թռիչքը և վայրէջքը կարող է կատարվել թե՛ ավտոմատ, թե՛ հեռակառավարմամբ:
...
Կարդալ շարունակությունը »
|
Թողարկվել է միաժամանակ չորս iOS սարք լիցքավորող լիցքավորիչ
|
Kanex անունով մի ընկերություն CES 2012 միջազգային ցուցահանդեսին ներկայացրել է յուրօրինակ լիցքավորիչ iOS սարքերի համար։ Ինչպես գրում է i4u.com-ը, այն հատկապես հարմար է բոլոր նրանց համար, ովքեր ունեն մի քանի Apple սարքեր։
Լիցքավորիչի անունն է Sydnee։ Այն ունի 4 USB մուտք, որոնց միջոցով միաժամանակ կարելի է լիցքավորել 4 iOS սարք։ Յուրաքանչյուր մուտք ունի 2.1 ամպեր հոսանքի ուժ։ Ըստ i4u.com-ի սարքը բավական հզոր է 3 iPad պլանշետ միաժամանակ լիցքավորելու համար։ Sydnee Լիցքավորիչը վաճառքի կդուրս գա 2012-ի առաջին եռամսյակի վերջում և կարժենա 150 ԱՄՆ դոլար։
CES 2012 (Սպառողների էլեկտրոնիկայի ցուցադրություն) միջազգային ցուցահանդեսը անցկացվում է հունվարի 10-13-ը ԱՄՆ-ի Լաս Վեգաս քաղաքում։ Ցուցահանդեսի նախնական ցուցադրությունները մեկնարկել են հունվարի 5-ին։ Ցուցահանդեսին կներկայանան ընկերություններ ավելի քան 140 երկրներից։ |
|
