Գլխավոր » 2012 » Հունվար » 14 » ՏՏ Լրատվական, Տեղեկատվական Տեխնոլոգիաներ
«Երևակայության գավաթ 2012» մրցույթի գրանցումն արդեն սկսվել է |
Մայքրոսոֆթ ինովացիոն կենտրոնը և Microsoft-ի հայաստանյան ներկայացուցչությունը (Մայքրոսոֆթ ԱրԷյ) հայտարարում են «Երևակայության գավաթ 2012» մրցույթի «Ծրագրավորում» կատեգորիայի հայաստանյան ընտրական փուլի՝ «Երևակայության գավաթ Հայաստան 2012» մրցույթի մեկնարկը: Հաղթող թիմը հնարավորություն կստանա ներկայացնել Հայաստանը այս տարվա հուլիսին Ավստրալիայի Սիդնեյ քաղաքում անցկացվելիք Երևակայության գավաթ 2012-ի Համաշխարհային եզրափակչին: Մրցույթի նպատակն է աջակցել ուսանողներին մշակել նոր ծրագրային/ՏՏ լուծումներ, որոնք ուղղված կլինեն գլոբալ խնդիրների լուծմանը: Մրցույթի այս տարվա թեման է «Պատկերացրու աշխարհ, որտեղ տեխնոլոգիաներն օգնում են լուծել աշխարհի առջև կանգնած ամենակարևոր խնդիրները», որը ներառելու է ՄԱԿ-ի հազարամյակի զարգացման նպատակները: Այս անգամ «Երևակայության գավաթ Հայաստան 2012» մրցույթն անցկացվելու է երկու փուլով. Փուլ 1 ՝ գաղափարների նախնական ընտրություն, Փուլ 2՝ եզրափակիչ փուլ: Առաջին փուլը ավարտվելու է 2012թ փետրվարի 3-ին, երկրորդ փուլը՝ 2012թ ապրիլի 30-ին: Սեփական գաղափար ունեցող, սակայն դեռևս թիմ չձևավորած անհատները նույնպես կարող են դիմել մինչև փետրվարի 3-ը: Նախնական ընտրության փուլը հաղթահարելու դեպքում, կտրվի մեկ շաբաթ ժամանակ՝ թիմը ձևավորելու և եզրափակիչ փուլին մասնակցելու համար: Առաջին փուլի հաղթողները կընտրվեն հայաստանյան ՏՏ ոլորտի, ուսումնական հաստատությունների, բիզնեսի ներկայացուցիչներից կազմված ժյուրիի կողմից՝ համառոտ (մինչև 10 րոպե տևողությամբ) շնորհանդեսների ներկայացման արդյունքում: Եզրափակիչ փուլ կտեղափոխվեն ոչ ավել, քան 5 թիմ: Հայաստանյան եզրափակիչ փուլի ամփոփումը տեղի կունենա 2012թ ապրիլի 30-ին՝ շնորհանդեսների ներկայացման տեսքով (ոչ ավել, քան 15 րոպե տևողությամբ): Հաղթողի ընտրությունը կկատարի Ժյուրին: Միայն մեկ թիմ կընտրվի Հայաստանը Երևակայության գավաթ 2012-ի համաշխարհային եզրափակչին Ավստրալիայի Սիդնեյ քաղաքում ներկայացնելու համար: Մասնակցության չափանիշները. - Եզրափակիչ փուլին մասնակցելու համար թիմի առկայությունը պարտադիր է: - Թիմի անդամների թիվը չպետք է գերազանցի 4-ը, որոնցից առնվազն 3-ը պետք է լինեն ուսանող բակալավր, մագիստր, ասպիրանտ, հայցորդ): Նույն թիմում կարող են ներգրավված լինել տարբեր ուսումնական հաստատությունների ուսանողներ: - Թիմերում պետք է ներգրավվեն միայն 16 տարին լրացած անձինք: - Թիմերում պետք է ներգրավվեն միայն Հայաստանի Հանրապետության քաղաքացիներ: - Թիմի անդամներից առնվազն մեկը պետք է ունենա անգլերեն լեզվի գերազանց իմացություն: Մյուս անդամների կողմից անգլերենի իմացությունը ցանկալի է: - Դիմում-հայտերը պետք է լրացվեն հայերեն կամ անգլերեն լեզուներով: - Դիմում-հայտերը լրցանելու, ինչպես նաև լրցուցիչ տեղեկություններ ստանալու համար խնդրում ենք այցելել www.imaginecup.am կամ Facebook-ի էջ: |
Հավանել նորությունը
«+9» - հավանությունների քանակ
Դիտումներ: 392 | Ավելացրել է: 3DNewscomm | Հայտնի տեգեր: | Գնահատական: 1.4/9 | Ավելացվել է: 14 January 2012, 21:33 |
| Ընդհանուր Մեկնաբանությունները: 0 | |
3DNews-ի ժամը
Քվեարկե՛ք
Բաժանորդագրվել
Կարդացեք նաև
Մեր Հարցումը
3DNews-ի Twitter-ը
Եղանակ
Թեգերի ամպ
Վիճակագրություն
Կայքում գտնվում են: 1
Հյուրեր: 1
Օգտվողներ: 0
