3DNews-ի  բաժանորդագրություն
Չորեքշաբթի, 23 Օգոստոս 2017
Գլխավոր » 2012 » Հունվար » 28 » ՏՏ Լրատվական, Տեղեկատվական Տեխնոլոգիաներ
Microsoft –ը կթողարկի ներկառուցված Kinect սենսորով նոթբուքեր


3DNews ՏՏ Լրատվական - Microsoft ընկերությունը իր Kinect սարքը նոթբուք համակարգիչներում տեղադրելու փորձարկումներ է անում։ Այս մասին հայտնում է wired.com-ը։ Այս փորձարկումները ընկերությունը կատարում է Asus ֆիրմայի նոթբուքերում, որոնք աշխատում են Windows 8 օպերացիոն համակարգով։

Kinect-ի սենսորները, որոնք սկան են անում մարդուն, տեղադրված են նոթբուքերի էկրանի վերևի մասում, որտեղ սովորաբար տեղադրված են լինում վեբ-տեսախցիկները։ Ինչպես նշում է Wired-ը, 3D շարժումներով կառավարվող համակարգիչը կարող է Kinect ոճի խաղերն ավելի ինտերակտիվ, հետաքրքիր և ժամանցային դարձնել։

Հիշենք, որ փետրվարի 1-ին հասանելի է լինելու Kinect SDK-ն՝ ծրագրային փաթեթը համակարգիչների համար։ Նախագծողները կկարողանան նախագծել Kinect ծրագրեր հենց համակարգիչների համար։

Իսկ Windows 8 օպերացիոն համակարգն էլ իր բեթա տարբերակով նույնպես սպասվում է, որ կթողարկվի փետրվարին։ Kinect-ը սարք է, որը ինֆրակարմիր լույսի միջոցով ճանաչում է մարդկանց և կատարում նրանց` ձեռքերով, ոտքերով, գլխով կատարվող հրահանգները և ձայնային հրամանները:

Kinect-ը 2010 նոյեմբերին սկսել է նախագծվել Մայքրոսոֆթի կողմից, ի սկզբանե կրել է Natal նախագիծ անվանումը: Սարքն իր վաճառքի քանակով Գինեսի ռեկորդակիր է՝ 10 մլն Kinect է վաճառվել մինչև 2011-ի մարտ 9-ը: Kinect անվանումը երկու բառից է առաջացել՝ կինետիկ և connect (կապ հաստատել):

Հավանել նորությունը
«+10» - հավանությունների քանակ


Դիտումներ: 266 | Ավելացրել է: 3DNewscomm | Հայտնի տեգեր: Kinect, 3DNews, Windows, asus, Windows 8, Microsoft, Kinect SDK, 3DNewscomm, 3D, Wired | Գնահատական: 1.4/10 | Ավելացվել է: 28 Հունվար 2012, 20:59





Ընդհանուր Մեկնաբանությունները: 0

Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]