3DNews-ի  բաժանորդագրություն
Չորեքշաբթի, 23 Օգոստոս 2017
Գլխավոր » 2012 » Հունվար » 28 » ՏՏ Լրատվական, Տեղեկատվական Տեխնոլոգիաներ
Facebook-ը դատական հայց է ներկայացրել սպամերների դեմ


3DNews ՏՏ Լրատվական - Facebook սոցիալական ցանցը և ԱՄՆ Վաշինգտոն նահանգի իշխանությունները հայց են ներկայացրել դատարան ընդդեմ Adscend Media ընկերության՝ մեղադրելով վերջինիս սոցցանցի օգտագործողների շրջանում Like (հավանել) կոճակի միջոցով սպամ տարածելու համար։

Այս մասին հաղորդում է Reuters-ը։ Ինտերնետում այդ սպամի տեսակը կոչվում է clickjacking, Facebook-ում այն անվանում են likejacking։ Այս սպամի «զոհը» դարձած օգտագործողները՝ տեսնելով իրենց նորությունների էջում հաղորդագրություններ տեսանյութերի լինքերով, դրանք դիտելու համար ստիպված պետք է «հավանել» կոճակը սեղմեին, որի միջոցով էլ հետագայում ավտոմատ սպամ էր տարածում։

Սակայն իրականում յուրաքանչյուր կոճակի սեղմում (click) հանդիսանում էր կամ օգտագործողների անձնական տվյալների հափշտակում կամ էլ վերահասցեավորվել է որպես գովազդային կայքի click։

Վաշինգտոն նահանգի դատախազ Ռոբ Մըկքենան և Facebook-ի իրավաբան Քրեյգ Կլարկը նշել են, որ այդ սպամի միջոցով Adscend Media ընկերությունը աշխատել է միջինում ամսական 1,2 միլիոն դոլար։
Նրանց մեղադրում են ընկերությանը սպամ տարածելու ԱՄՆ օրենքը խախտելու համար և պահանջում են արգելափակել ընկերության գործունեությունը սոցցանցում և փոխհատուցել կրած նյութական վնասը։
Adscend Media ընկերության ներկայացուցիչները հրաժարվել են դատական հայցի հարցով որևէ մեկնաբանություն անել։

Facebook սոցիալական ցանցն առաջին անգամ չէ, որ ենթարկվում է սպամերների գրոհին։ Սակայն առաջին անգամ է, որ ԱՄՆ իշխանությունները աջակցում են սոցցանցին սպամի դեմ պայքարելու հարցում։

Հավանել նորությունը
«+7» - հավանությունների քանակ


Դիտումներ: 253 | Ավելացրել է: 3DNewscomm | Հայտնի տեգեր: Adsencd Media, clickjacking, Reuters, likejacking, click, Facebook | Գնահատական: 1.6/7 | Ավելացվել է: 28 Հունվար 2012, 20:26





Ընդհանուր Մեկնաբանությունները: 0

Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]