3DNews-ի  բաժանորդագրություն
Երկուշաբթի, 20 May 2024
Գլխավոր » 2012 » Հունվար » 27 » ՏՏ Լրատվական, Տեղեկատվական Տեխնոլոգիաներ
Circle.am-ը պատասխանում է Ա1+-ի տնօրենի մեղադրանքներին
3DNews ՏՏ Լրատվական - Հունվարի 23-ին Ա1+-ի տնօրեն Մեսրոպ Մովսիսյանը, լրագրողների հետ հանդիպմանը խոսելով հայկական տեղեկատվական դաշտի, մասնավորապես օնլայն լրատվամիջոցների մասին, նշել էր, որ Circle.am ռեյթինգային համակարգի արդյունքները վաճառված են, չեն համապատասխանում իրականությանը, իսկ ա մենամեծ այցելություն ունեցող առաջին 13 տեղերը գնված են և կոնկրետ առաջադրանքով տրամադրված համապատասխան կայքեր:

Ի պատասխան այս հայտարարությունների Circle.am-ի ադմինիստրատոր Ավետիս Ավագյանը Circle.Am-ի զարգացման բլոգում գրում է. «Մի կողմ դնենք Circle.Am-ի 10 տարվա ընթացքում վաստակած անաչառ և անկողմնակալ լինելու համբավը և հայացք ուղղենք «մեծ եղբորը»՝ Google Analytics–ին։

Google Analytics–ի թվերը գրեթե առանց բացառությունների համընկնում են Circle.Am-ի թվերի հետ։ Նման համեմատություններ արվել են բազմաթիվ անգամ։ Ցանկացած կամայական պահի կարելի է նոր համեմատություններ անել հենց այդ 12-13 կայքերի համար։ Համոզված ենք, որ այդ 12-13 կայքերի մեծ մասը անկախ փորձագետների կտրամադրի իրենց Google Analytics–ի տվյալներին ծանոթանալու հնարավորություն, եթե նման կարիք լինի»:

Ռեյտինգի ադմինիստրատորը անդրադառնում է նաև այն տարբերակին, որ միգուցե Մեսրոպ Մովսիսյանը նկատի է ունեցել, որ թվերը «որոշված» են, սակայն դա արվում է այսպես կոչված «նակրուտկաների» միջոցով, այլ ոչ թե Circle.Am-ի կողմից։ «Նշենք, որ գերազանց մակարդակ պետք է ունենան այդ «նակրուտկա» անողները, քանի որ դրանք «արվում» են 12-13 կայքի համար, տարիներ շարունակ, մեծ ծավալներով, և տեխնիկապես ոչ մի կերպ չի հայտնաբերվում դրանց գոյության փաստը։

Մի պահ ենթադրենք, թե նման բան իսկապես գոյություն ունի, և իմ մասնագիտական մակարդակը և 10 տարիների փորձը չեն բավարարում այս խնդիրը լուծելու համար։ Սակայն կրկին վերադառնում ենք նույն Google Analytics–ին։ Հայկական ամեն ինչն իհարկե շատ լավն է, սակայն մի՞թե այնքան լավն է, որ անգամ Google–ն է անզոր հայ «նակրուտկաների» առջև։ Ինչո՞ւ են Google Analytics–ի թվերը համընկնում Circle.Am-ի թվերի հետ։

Պատկերի ամբողջականության համար կարելի է նաև նշել, որ հայկական կայքերի մի մասն օգտվում է նաև այլ ռեյթինգների ծառայություններից, և դրանց թվերը նույնպես համահունչ են Circle.Am–ի թվերին»,- մեկնաբանում է Ա.Ավագյանը:
Հավանել նորությունը
«+9» - հավանությունների քանակ
Դիտումներ: 414 | Ավելացրել է: 3DNewscomm | Հայտնի տեգեր: google, Circle.am, 3DNewscomm, 3DNews, google analytics | Գնահատական: 1.4/9 | Ավելացվել է: 27 January 2012, 20:16
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]