3DNews-ի  բաժանորդագրություն
Շաբաթ, 21 Հոկտեմբեր 2017
Գլխավոր » 2012 » Հունվար » 30 » ՏՏ Լրատվական, Տեղեկատվական Տեխնոլոգիաներ
«ԱրմենՏելը» մարդկային ռեսուրսների կառավարման իր փորձն է կիսել Հայաստանի HR ոլորտի մասնագետների հետ


3DNews ՏՏ Լրատվական - «ԱրմենՏել» ընկերության Beeline համալսարանում, հունվարի 27-ին անցկացվել է կադրերի կառավարման մասնագետների փորձի փոխանակման կլոր սեղան, որը կազմակերպվել էր «ԱրմենՏել» ՓԲԸ մարդկային ռեսուրսների կառավարման եւ կազմակերպական զարգացման տնօրինության եւ Հայաստանի HR-մասնագետների Ասոցիացիայի կողմից:

Կլոր սեղանի աշխատանքներին մասնակցել են հայաստանյան շուրջ 20 խոշոր ընկերությունների, փոքր եւ միջին ձեռնարկությունների ներկայացուցիչներ: «Armentel» մամուլի ծառայությունից NEWS.am-ին հայտնում են, որ ընկերության HR-մասնագետները գործընկերներին ներկայացրել են լավագույն փորձը, ինչպես նաեւ «ՎիմպելԿոմ» Ընկերությունների Խմբում կիրառվող կադրերի համալրման, մասնագիտական զարգացման, աշխատակազմի խրախուսման եւ գնահատման տեխնոլոգիաները:
«Մենք շնորհակալ ենք «ԱրմենՏել» ընկերությանը միջոցառումը կազմակերպելու, բաց քննարկումների եւ համագործակցելու համար: «ԱրմենՏել»-ը երկրի առանցքային գործատուներից է. այդ պատճառով մեզ համար հատկապես արժեքավոր է, որ ընկերության HR-ղեկավարությունն իր լուման է ներդնում մեր ասոցիացիայի ձեւավորման եւ կայացման գործում: Մեր ընդհանուր նպատակն է` Հայաստանում HR ոլորտի զարգացումը», - ասել է «HR Ասոցիացիայի» խորհրդի նախագահ Արփի Կարապետյանը:

Մարդկային ռեսուրսների կառավարման հասարակական կազմակերպությունը` «HR Ասոցիացիա», հիմնադրվել է 2010թ. մայիսին: «ԱրմենՏել» ընկերությունը Ասոցիացիայի անդամ է հանդիսանում 2011 թվականի սկզբից:

Հավանել նորությունը
«+10» - հավանությունների քանակ


Դիտումներ: 283 | Ավելացրել է: 3DNewscomm | Հայտնի տեգեր: Armentel, 3DNews, beeline, HR, Am, արմենտել, NEWS | Գնահատական: 1.4/10 | Ավելացվել է: 30 Հունվար 2012, 17:39





Ընդհանուր Մեկնաբանությունները: 0

Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]