3DNews-ի  բաժանորդագրություն
Կիրակի, 02 February 2025
Գլխավոր » 2012 » Հունվար » 28 » ՏՏ Լրատվական, Տեղեկատվական Տեխնոլոգիաներ
Օգտագործողները բոյկոտում են Twitter-ը
3DNews ՏՏ Լրատվական - Միկրոբլոգային սոցիալական ցանց Twitter -ի օգտագործողները բոյկոտում են միկրոբլոգի նոր որոշումը։ Այն է, արգելափակել կամ թաքցնել որոշ երկրների օգտագործողների գրառումները, եթե դրանք հակասում են տվյալ երկրի օրենքներին։ Այս մասին հայտնում է Huffington Post-ը։

Twitter-ի օգտագործողներն իրենց բոյկոտն արտահայտում են հունվարի 28-ին միկրոբլոգում ոչ մի գրառում չանելով։ Twitter-ում առկա #TwitterBlackout և #TwitterCensored թեգերը որոնելիս կարելի է տեսնել, թե ինչպես են օգտագործողները հունվարի 27-ին միմյանց տարածել այս բոյկոտի մասին հաղորդագրությունը։

Օգտագործողների այս նախաձեռնությանը կողմ է արտահայտվել Anonymous հաքերային խմբավորումը՝ տեղադրելով նույն հաղորդագրությունն իր Twitter էջում։

Twitter-ը այս «աշխարհագրական գրաքննության» մասին հայտնեց՝ նշելով, թե հաճախակի է բախվում տարբեր երկներում առկա նորմերին։ Ըստ քննադատների, Twitter-ի այս որոշումը ինտերնետը իշխանությունների կողմից վերահսկելու և խոսքի ազատությունը սահմանափակելու քայլ է։ Ընդ որում, Twitter-ը չի հայտնել, թե իր այդ «նորարարությունը» որ երկրներում է գործելու։
Հավանել նորությունը
«+8» - հավանությունների քանակ
Դիտումներ: 583 | Ավելացրել է: 3DNewscomm | Հայտնի տեգեր: TwitterBlackout, TwitterCensored, 3DNews, Twitter, 3DNewscomm, Huffington Post | Գնահատական: 1.5/8 | Ավելացվել է: 28 January 2012, 20:51
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]