YouTube-ն սկսում է «Your Film Festival» մրցույթի հայտերի ընդունումը
|
«Your Film Festival» կինոփառատոնին մասնակցել ցանկացողներն արդեն կարող են ուղարկել իրենց հայտերը: Փետրվարի 2-ից մարտի 31-ը ընկած ժամանակահատվածում ներկայացված 15 րոպեանոց ֆիլմերից կընտրվեն 50 լավագույնները, իսկ համաշխարհային քվեարկությունը կսկվի 2012-ի հունիսին:
Քվերակության արդյունքում ամենաշատ ձայներ հավաքած տասը ֆիլմերը կցուցադրվեն Իտալիայի Վենետիկյան կինոփառատոնի ընթացքում, իսկ հաղթողին կընտրի ժյուրին:
YouTube-ի պաշտոնական բլոգը գրում է, ժանրային կամ ֆորմատային սահմանափակում չկա: Հաղթողը կստանա $500 հազ. դոլար՝ սեփական ֆիլմը ստեղծելու համար: Հայտերը կարող են ներկայացնել 18 տարին լրացած անձինք: |
Oracle. Android-ն օրական $10 մլն է բերում Google-ին
|
Oracle ընկերությունը շարունակում է դատական հայցեր ներկայացնել Google-ի դեմ ՝ արտոնագրային իրավունքները խախտելու մեղադրանքով: Այժմ Oracle-ը Google-ի մեղավորության նոր ապացույցներ է փնտրում՝ կապված Java արտոնագրերի հետ:
Ելնելով նրանից, որ օրական ողջ աշխարհում ակտիվանում է մոտ 700 հազ. Android-սարք, իսկ ամեն նոր օգտագործող 14 դոլարի եկամուտ է բերում, Oracle-ը ենթադրում է, որ Google-ն օրական $10 միլիոն դոլար է աշխատում այս սեգմենտում:
Mobilesyrup-ը գրում է, որ Oracle-ի կանխատեսումներով՝ մոտ ապագայում օրական ակտիվացող Android-սարքերի թիվը կանցնի 2,5 միլիոնը: Այս ամենի մասին հայտարարելով՝ Oracle-ը փորձում է ապացուցել, որ Google-ն իր ծրագրային լուծումները գողանալով՝ մեծ եկամուտներ է ունենում: |
SpareOne հեռախոսը կարող է 15 տարի շարունակ չլիցքավորվել
|
Xpal Power ընկերությունը ստեղծել է SpareOne բջջային հեռախոս, որի մարտկոցը կարելի է չլիցքավորել 15 տարի շարունակ: Հեռախոսը բազմաֆունկցիոնալ չէ՝ ունի սև-սպիտակ էկրան և LED-լապտեր, սակայն ապահովում է զանգեր կատարելու ու ստանալու ֆունկցիան:
DesignBuzz-ը գրում է, որ SpareOne-ը սնվում է Energizer Ultimate Lithium AA մարտկոցից: 50 դոլար արժեցող սարքը ներկայացվել է CES 2012 ցուցահանդեսին ու վաճառքի է դուրս գալու ԱՄՆ-ում մի քանի ամսվա ընթացքում:Հեռախոսը բազմաֆունկցիոնալ չէ՝ ունի սև-սպիտակ էկրան և LED-լապտեր, սակայն ապահովում է զանգեր կատարելու ու ստանալու ֆունկցիան:
DesignBuzz-ը գրում է, որ SpareOne-ը սնվում է Energizer Ultimate Lithium AA մարտկոցից: 50 դոլար արժեցող սարքը ներկայացվել է CES 2012 ցուցահանդեսին ու վաճառքի է դուրս գալու ԱՄՆ-ում մի քանի ամսվա ընթացքում: |
Ֆրանսիայի նախագահի կայքը հարձակման է ենթարկվել Anonymous-ի կողմից
|
Նիկոլյա Սարկոզիի կայքը դարձել է Anonymous հաքերային խմբավորման զոհը: Հարձակումը տեղի է ունեցել այն բանից հետո, երբ Սարկոզին հրապարակավ հավանություն է տվել megaupload.com կայքը փակելու որոշմանը: Հաղորդում են ֆրանսիական լրատվամիջոցները:
Նշենք, որ կայքում տեղադրված են եղել Սարկոզիին ուղղված վիրավորական արտահայտություններ, ինչպես նաև «We Are Legion» գրությունը, որը Anonymous-ի նշանաբանն է:
Հարձակումից մի քանի ժամ անց կայքը վերականգնվել է և այժմ էլ գործում է առանց խափանումների: |
Anonymous-ը ջնջել է CBS հեռուստաընկերության կայքն ու շարքից հանել UniversalMusic.com-ը
|
CBS.com կայքի ողջ բովանդակությունը ջնջվել է: Հաղորդում է Gizmodo տեխնոբլոգը: Anonymous հաքերային խումբը կայքում տեղադրել է Foundry.html ֆայլը ու «Gone» գրությունը:
CBS.com-ն այժմ վերականգնված է, սակայն արխիվները, ըստ Gizmodo-ի, մնում են ջնջված:
Հաքերները կրկին կոտրել են նաև UniversalMusic.com կայքը: Hacker News-ը գրում է, որ Anonymous-ն այժմ բրազիլական կայքերի «որսի է դուրս եկել». Տանգարա դա Սերա քաղաքի ու բրազիլացի երգչուհի Պաուլա Ֆերնանդեսի կայքերն անհասանելի են DdoS-հարձակման պատճառով: |
LG X3. քառամիջուկ սմարթֆոն՝ Android 4.0 ՕՀ-ով
|
LG-ն, ըստ երևույթին, հաճելի անակնկալ է պատրաստում. Pocketnow բլոգում են հայտնվել այս ընկերության LG X3 նոր սմարթֆոնի մասին տեղեկություններ:
Սմարթֆոնն ունենալու է 4,7 դյույմ անկյունագծով էկրան՝ 1280x720 կետայնությամբ, Tegra 3 քառամիջուկ պրոցեսոր, 16 Գբ ներկառուցված հիշողություն, դիմային 1,3 Մպ և հիմնական 8 Մպ տեսախցիկներ, 802.11b/g/n Wi-Fi և Bluetooth 4.0, NFC տեխնոլոգիա և տարողունակ (2000 մԱ ժամ) մարտկոց:
Այս ամենից բացի՝ սմարթֆոնն ունենալու է Android-ի ամենավերջին՝ Ice Cream Sandwich օպերացիոն համակարգը, իսկ սմարթֆոնի հաստությունը կլինի ոչ ավելի, քան 9 միլիմետրը: Ըստ տեղեկացված աղբյուրների՝ նորույթը կթողարկվի այս տարվա առաջին քառորդին: |
BlackBerry ստեղծող ընկերության ղեկավարը փոխվել է
|
Research in Motion (RIM) կանադական ընկերության հիմնադիրներ Ջիմ Բալսիլին ու Մայք Լազարիդիսը ղեկավարի իրենց պաշտոնը զիջում են նույն ընկերության աշխատակից Թորսթեն Հեյնին: Հաղորդում է Mashable-ը:
«Երբեմն գալիս է ժամանակը, երբ կառավարման ղեկը պետք է փոխանցել մեկ ուրիշին»,-պարզաբանել է Լազարիդիսը:
2011-ը խոստումնալից սկիզբ ունեցավ RIM-ի համար. ներկայացվեցին Playbook պլանշետային համակարգիչները, ավելի ուշ ընկերությունը հայտարարեց նոր օպերացիոն համակարգի մասին, սակայն խնդիրներ առաջացան ՕՀ-ի անվանման հետ: Սակայն տարվա ընթացքում տեղի ունեցավ BlackBerry ծառայությունների տևական խափանում, որի պատճառով օգտագործողներն ամբողջ աշխարհում օրեր շարունակ չէին կարողանում ստուգել իրենց էլ-փոստը: |
Microsoft-ի եկամուտը ռեկորդ է գրանցում
|
Microsoft-ը հայտարարել է ընթացիկ ֆինանսական տարվա երկրորդ եռամսյակի արդյունքների մասին: Ընկերության եկամուտը ռեկորդային է՝ 20,9 մլրդ դոլար: Դա մոտ 5%-ով ավելին է, քան անցած տարվա նույն ժամանակահատվածում գրանցված արդյունքը:
Գրասենյակային ծրագրերն ու բիզնես փաթեթները Microsoft-ին բերել են մոտ $6,3 մլրդ եկամուտ: Իսկ ժամանցային ծրագրերից, մասնավորապես խաղային համակարգերից ստացված եկամուտը 15 տոկոսով ավելին է՝ $4,2 միլիարդ:
Ընդ որում՝ Windows օպերացիոն համակարգն այնքան էլ լավ արդյունքներ չի ցույց տվել. ընկերության ներկայացուցիչների կարծիքով՝ սա կապված է նեթբուքների ցածր պահանջարկով, ինչն իր հերթին պայմանավորված է պլանշետների մեծ պահանջարկով: |
Տեսախցիկ չունեցող iPhone 4S-ը վաճառքի է հանվել Սինգապուրում
|
Չնայած դժվար է պատկերացնել՝ ում է պետք առանց տեսախցիկ iPhone-ը՝ սինգապուրյան M1 օպերատորն այսօրվանից առաջարկում է «անտեսախցիկ» iPhone-ներ:
Engadget տեխնոբլոգը գրում է, որ Սինգապուրի զինված ուժերն արգելում է իր զինվորներին օգտվել տեսախցիկ ունեցող սմարթֆոններից: iPhone-ի նոր մոդիֆիկացիան հավանություն է ստացել Սինգապուրի պաշտպանության նախարարության կողմից:
M1-ի ներկայացուցիչների խոսքով ՝ մոդելներից հեռացվել են երկու տեսախցիկները՝ դիմային և հիմնական: Հետաքրքիր է, որ մոդելները 38 դոլարով ավելի թանկ են ավանդական տարբերակից: |
|
