2012-ի մարտին լույս կտեսնի՞ iPad 3
|
2012-ը մեկնարկել է. տեխնոլոգիաների ոլորտում տարվա ամենասպասված իրադարձություններից մեկը նոր iPad պլանշետային համակարգիչների արտադրությունն է։ Ըստ նախնական լուրերի, որոնք տարածվել էին ամերիկյան մամուլում, 2012-ի հունվարին լույս են տեսնելու նոր երկու տարբեր անկյունագծերով iPad-ներ։ Ըստ տարածված այլ լուրերի, 2012-ի մարտին լույս են տեսնելու նոր ավելի որակյալ տեսախցիկներով iPad-ներ։
Իսկ այսօր արդեն մեկ այլ նոր լուր է տարածվել։ Geek.com-ը գրում է, որ 2012-ի մարտին լույս է տեսնելու iPad 3 պլանշետը, իսկ արդեն հոկտեմներին լույս կտեսնի iPad 3-ի թարմացված տարբերակը` iPad 4 անունով կամ էլ iPad 3 Pro անունով։ Ըստ տարածված լուրերի, հավանաբար iPad 3-ն ունենալու է 2048×1536 էկրան և երկարադիմացկուն մարտկոց։ Հավանական է նաև, որ այն աշխատի նոր սպասված A6 պրոցեսորով։
Դե իսկ 2012-ի հոկտեմբերին արդեն iPad-ը մրցակցելու է Windows 8-ով աշխատող պլանշետների հետ։
Պետք է նշել, որ Apple ընկերության iPad-ներից բացի, լուրերում խոսվում է նաև սպասվող iPhone 5 սմարթֆոնի մասին։ |
HTC-ն 2011-ի 4-րդ եռամսյակում գրանցել է սմարթֆոնների վաճառքի անկում
|
Թայվանական սմարթֆոն արտադրող HTC ընկերությունը հայտնել է, որ 2011-ի 4-րդ եռամսյակում գրանցել է եկամտի 25% անկում։ Սա իր շուկայում մրցակցության հետևանքն է։ Այս մասին հայտնում է BBC-ին։
Մաքուր շահույթը նվազել է՝ կազմելով 11 միլիարդ թայվանական դոլար (364 միլիոն ԱՄՆ դոլար) երեք ամսում։ Այս ցուցանիշը 2010-ի 4-րդ եռամսյակում կազմում էր 14,8 միլիարդ թայվանական դոլար։
Վաճառքը դեկտեմբերին ընկել է 20,3%-ով։ Հիշենք, որ հոկտեմբերին արդեն ընկերությունը հայտնել էր, որ 4-րդ եռամսյակում սպասում է ցածր եկամտի արդյունքներ։
Սակայն վերջին արդյունքները ցույց են տալիս, որ HTC-ի 2011-ի ողջ մաքուր շահույթը աճել է 57%-ով՝ կազմելով 62 միլիարդ թայվանական դոլար։ HTC-ն աշխարհում սմարթֆոն արտադրողներից 4-րդ է՝ զիջելով դիրքերը Samsung-ին, Apple-ին և Nokia-ին։ |
iPad–ը գահավիժում է ավելի քան 30 կմ բարձրությունից և «ողջ մնում» (տեսանյութ)
|
Ամերիկյան G-Form ընկերությունը հերթական փորձարկումն է արել՝ ապացուցելու համար իր արտադրանքի հուսալիությունն ու բարձր որակը։
Ընկերությունը, որը մասնագիտացած է տարբեր վնասվածքներից պաշտպանող հարմարանքներ արտադրելու մեջ, iPad–ի համար նախատեսված հարմարանքով զինել է այն և բաց թողել երկինք՝ գազավորված փուչիկով։ Այնուհետև ավելի քան 30 կմ ( 100 000 ֆուտ) վեր բարձրանալուց հետո փուչիկը պայթել է և iPad–ը գահավիժել ցած և անվնաս վարէջք կատարել։
Բարձրությունը հնարավոր է դարձել ֆիքսել պլանշետին կցված տեսախցիկների միջոցով։ Կոմերցիոն նպատակներով իրականացված այս փորձարկումը YouTube–ի հիթերից է դարձել։ Ի դեպ, սա G-Form–ի նմանատիպ նախաձեռնությունը չէ։ Նման մի փորձ էլ, սակայն ավելի փոքր բարձրությունից, իրականացվել էր անցած գարնանը։
...
Կարդալ շարունակությունը »
|
|
