Acer Aspire S5. աշխարհի ամենաբարակ ուլտրաբուքը (Տեսանյութ)
|
Acer ընկերությունը CES 2012 ցուցահանդեսին ներկայացրել է 13,3 դյույմանոց նոութբուք, որը ճանաչվել է աշխարհի ամենաբարակ ուլտրաբուքը:
Aspire S5-ի հաստությունը 15 մմ է, քաշը՝ 1,35 կգ: Համակարգիչն ունի Ivy Bridge նոր սենդի Core պրոցեսոր, HDMI և USB 3.0 մուտքեր, ինչպես նաև բարձր արագություն ապահովող Thunderbolt ինտերֆեյս:
Acer Green Instant On համակարգի շնորհիվ համակարգիչը միանում է ու քնած ռեժիմից դուրս գալիս կարճ ժամանակում: Ուլտրաբուքի օպերացիոն համակարգը Windows 7-ն է: CNet-ը գրում է, որ Acer Aspire S5-ը շուկայում կհայտնվի ս.թ. երկրորդ կեսում:
...
Կարդալ շարունակությունը »
|
Apple-ը փետրվարի 19-ին կներկայացնի նոր արտադրանք
|
Apple ընկերությունը մեկ շաբաթ անց կանցկացնի լրագրողների հետ հատուկ հանդիպում ՝ նվիրված կրթությանը: Այս մասին կարելի է ենթադրել լրագրողներին ուղարկված հրավերից:
The New York Times-ը գրում է, որ միջոցառմանը Apple-ը կներկայացնի էլեկտրոնային գրքեր: Սա Apple-ի նախկին ղեկավար Սթիվ Ջոբսի ծրագրերից մեկի իրականացնում է. նա ցանկանում էր փոխել դպրոցականների դասագքրերը՝ վերածելով դրանք iPad պլանշետի համար նախատեսված էլեկտրոնային տարբերակի: Steve Jobs-ը ծրագրում էր նաև նման գրքերի օգտագործումը դարձնել անվճար:
Կա նաև մեկ այլ վարկած, ըստ որի՝ միջոցառմանը կներկայացվի iTunes U-ի հետ կապված օնլայն հարթակ, որտեղ կտեղադրվեն տեսանյութեր, դասախոսություններ և այլ կրթական բովանդակություն: |
Չինական ընկերությունը ներկայացրել է աշխարհի ամենաբարակ սմարթֆոնը
|
Huawei ընկերությունը ներկայացրել է Ascend P1 S սմարթֆոնը, որն ունի ընդամենը 6,68մմ հաստություն: Նորույթը ցուցադրվել է Լաս Վեգասում անցկացվող CES 2012 ցուցահանդեսին:
Gizmag-ը գրում է, որ Ascend-ը կթողարկվի P1 S և P1 տարբերակներով: Տարբերությունը միայն մարտկոցներն են, ըստ որոնց փոխվում է նաև սարքերի հաստությունը: Երկրորդ մոդելը ավելի հաստ է՝ 7,69 մմ, սակայն տեխնիկական տվյալները նույնն են:
Սմարթֆոններն ունեն Cortex A9 երկմիջուկ պրոցեսոր՝ 1,5 ԳՀց հաճախությամբ, 4,3 դյույմանոց Super AMOLED-էկրան (960х540 կետայնություն), 1 Գբ օպերատիվ և 4 Գբ ներդրված հիշողություն: Հիմնական տեսախցիկը 8 մպ է ու ձայնագրում է 1080р HD տեսահոլովակներ:
...
Կարդալ շարունակությունը »
|
Վլադիմիր Պուտինը նոր կայք է բացել
|
ՌԴ վարչապետ ու նախագահի թեկնածու Վլադիմիր Պուտինը այսօր կեսօրին գործարկել է իր նոր կայքը՝ www.putin2012.ru-ն, որն ունի մի քանի բաժիններ՝ կենսագրություն, ծրագիր, փորձ, հետաքրքրություններ, իրադարձություններ և ժողովրդական կարծիք:
«РИА Новости»-ն գրում է, որ կայքը ընձեռում է նախագահի թեկնածուին առաջարկություններ թողնելու հնարավորություն: Կայքում մանրամասն ներկայացված են 2012-2018թթ. իրագործվելիք ծրագրերը: Ըստ վարչապետի մամուլի քարտուղար Դմիտրի Պեսկովի՝ կայքում ներկայացված է Պուտինի վերաբերյալ անհրաժեշտ տեղեկատվությունը:
Կայքի պատրաստման վրա ծախսվել է 1 մլն 100 հազար ռուբլի, ընդ որում՝ ֆինանսավորումն իրականացվել է Պուտինի ընտրական քարոզարշավի շրջանակներում: |
Այցեքարտ՝ Facebook Timeline նկարով
|
Facebook սոցցանցը գործարկել է նոր հնարավորություն: Այժմ կայքի օգտագործողները կարող են անմիջապես կայքից տպագրել իրենց այցեքարտը, որի դիզայնն արված է պրոֆիլների նոր ֆորմատի՝ Timeline-ի տեսքով:
Ծառայությունը դեռևս հասանելի է միայն սոցցանցի ամերիկյան օգտագործողներին: Ավելին՝ առաջին 200 հազար օգտագործողները կստանան հիսուն այցեքարտն անվճար: Տպագրությունն իրականացնում է Moo ընկերությունը, որը զբաղվում է նաև առաքմամբ: Իսկ ակցիայի շրջանակներից դուրս այցեքարտերը կարժենան 15 դոլար (50 օրինակը):
Այցեքարտերն անվճար պատվիրելու համար կարելի է նաև գրանցվել Moo.com-ում: Թե արդյոք այլ երկրների օգտագործողները ևս կունենան իրենց այցեքարտը բեռնելու ու ինքնուրույն տպագրելու հնարավորություն, չի հաղորդվում: |
Facebook-ը սկսել է գովազդ ցուցադրել նորությունների ժապավենում
|
Facebook սոցիալական կայքը սկսել է գովազդները տեղադրել անմիջապես նորությունների ժապավենի վրա, նոր ծառայությունը կոչվում է Featured stories: Այդօրինակ հայտարարությունների ցուցադրումն անջատել հնարավոր չէ, դրանք կարելի է միայն ջնջել ձեռքով: Օրվա ընթացքում տրվող գովազդային հայտարարությունների թիվը կախված է օգտագործողի՝ նորությունների ժապավենը ստուգելու հաճախությունից:
Facebook-ը 2006-2009թթ. տեղադրում էր բաններային գովազդ, իսկ անցած տարվա հունվարից անցել էր գովազդի նոր տեսակի՝ Sponsored stories: Հայտարարությունների այս տեսակը թույլ է տալիս օգտագործողի մեկնաբանությունը կամ կարգավիճակն ուղեկցել գովազդով, եթե դրանում նշվում է այս կամ այն բրենդի անվանումը: Համարյա նույն սխեմայով է գործում Featured stories-ը, սակայն գովազդի այս տեսակը տարբերելն ավելի դժվար է, քանի որ հայտարարությունները տեղադրվում են ոչ թե աջ սյունակում, այլ ընդհանուր նորությունների ժապավենի վրա:
Ավելին՝ սովորական «պոստ»-երից այս հայտարարությունները կտարբերվեն միայն ամսաթվի մոտ Featured գրությամբ, տեղեկ
...
Կարդալ շարունակությունը »
|
|
