Anonymous-ը կոչ է անում Թուրքիային ճանաչել Հայոց ցեղասպանությունը (տեսանյութ)
|
3DNews ՏՏ Լրատվական - Anonymous հաքերային խմբավորումը սկսում է «Հայոց ցեղասպանություն նախաձեռնություն» (Operation Armenian Genocide) գործողությունների շարքն ընդդեմ թուրքական իշխանությունների:
Youtube-ում Anonymous-ի կողմից տարածած պաշտոնական տեսանյութում հայտնի խմբավորման անդամները հայտարարում են, որ հունվարի 25-ը հայտարարվում է նախաձեռնության սկիզբը: Anonymous-ը կոչ է անում Թուրքիայի իշխանություններին ճանաչել Հայոց ցեղասպանությունն ու պատասխանատվություն կրել իրենց գործած դաժանությունների համար:
Հաղորդում է «Արմենպրեսը»: «1915 թվականին Թուրքիան սպանել է ավելի քան 1,5 միլիոն հայերի, ինչպես նաև հայ ժողովրդին զրկել սեփական պատմական հայրենիքից:
...
Կարդալ շարունակությունը »
|
Google+-ն արդեն բաց է դեռահասների համար
|
3DNews ՏՏ Լրատվական - Google-ի փոխտնօրեն Բրեդլի Հորովիցը հայտարարել է, որ Google+ սոցցանցում արդեն կարող են գրանցվել նաև 13 տարեկանը լրացած դեռահասները:
Նախկինում Google+-ում թույլատրվում էր միայն 18 տարեկանից բարձր օգտագործողների գրանցումը: Սակայն անչափահաս օգտագործողների համար գործում են մի շարք սահմանափակումներ:
«Ֆրանս Պրես»-ը գրում է, որ նման օգտատերերին կարող են հաղորդագրություններ ուղարկել միայն նրանց ընկերները, իսկ հրապարակային կարգավիճակներ տեղադրելու դեպքում դեռահասն ավտոմատ կերպով կստանա զգուշացում:
Google+ սոցցանցը գործարկվել է կես տարի առաջ ու արդեն ունի մոտ 90 մլն գրանցված օգտագործող: |
Apple-ի աշխատակիցները հատուկ զեղչեր կստանան iPad կամ Mac ձեռք բերելիս
|
Apple-ի ղեկավար Թիմ Քուքը մոտակա ժամանակներում իր աշխատակիցներին կտրամադրի 250 և 500 դոլարի զեղչ՝ համապատասխանաբար iPad պլանշետ ու Mac համակարգիչ գնելու համար:
Զեղչից կարող են օգտվել նրանք, ովքեր Apple-ում աշխատում են նվազագույնը 90 օր: Միակ սահմանափակումն այն է, որ աշխատակիցները կարող են զեղչով գնում կատարել միայն երեք տարին մեկ:
9to5Mac-ը գրում է, որ մինչ այս Apple-ի աշխատակիցներն օգտվում էին 25% զեղչից: Նշենք, որ երկրորդ սերնդի iPad-ի գինը սկսվում է 499 դոլարից: Թիմ Քուքը հայտարարել է զեղչային նոր պայմանների մասին անմիջապես ընկերության ռեկորդային ֆինանսական ցուցանիշների մասին հայտարարելուց հետո: |
Հեռախոսները կլիցքավորվեն սեփական էկրանի լույսով
|
3DNews ՏՏ Լրատվական - Քեմբրիջի համալսարանի գիտնականներն առաջարկում են երկարացնել բջջային հեռախոսների ավտոնոմ աշխատանքի ժամանակն՝ որսելով էկրանի աջ և ձախ կողմերից անտեղի ծախսվող լույսը: Մասնագետները պարզել են, որ OLED էկրանների լույսի միայն 30–40%-ն է տեսնում օգտագործողը, իսկ մեծ մասն անտեղի կորչում է:
Գիտնականները IGNIS Innovation ընկերության հետ համատեղ ստեղծել են սարքի նախատիպ, որը կարողանում է հավաքել «կորած» լույսը: Դրա շնորհիվ հեռախոսի մարտկոցն աշխատում է ավելի երկար:
The Engineer-ը գրում է, որ նախատիպը պատրաստելու համար օգտագործվել են բարակ կոնդենսատորներ, որոնք կարողանում են պահպանել էներգիան այնքան ժամանակ, որպեսզի մարտկոցը կարողանա օգտագործել այն: |
Nokia ընկերությունը մեկ միլիարդ եվրո է կորցրել
|
3DNews ՏՏ Լրատվական - Nokia ընկերությունը, որը շարունակում է մնալ բջջային հեռախոսների աշխարհի խոշորագույն արտադրողը, հայտարարել է 2011-ի չորրորդ եռամսյակի ֆինանսկական արդյունքների մասին:
The New York Times-ը գրում է, որ ընկերությունը կորցրել է այս ժամանակահատվածում ավելի քան մեկ միլիարդ եվրո:
Փոխարենը Nokia-ն կարողացել է այս ընթացքում վաճառել մեկ միլիոն Lumia սմարթֆոն, որն աշխատում է Windows Phone օպերացիոն համակարգով:
2010-ի չորրորդ եռամսյակում Nokia-ի ֆինանսական արդյունքները շատ ավելի լավ էին. ընկերությունը հոկտեմբեր-դեկտեմբեր ամիսներին ունեցել էր 745 միլիոն եվրո եկամուտ:
...
Կարդալ շարունակությունը »
|
Circle.am-ը պատասխանում է Ա1+-ի տնօրենի մեղադրանքներին
|
3DNews ՏՏ Լրատվական - Հունվարի 23-ին Ա1+-ի տնօրեն Մեսրոպ Մովսիսյանը, լրագրողների հետ հանդիպմանը խոսելով հայկական տեղեկատվական դաշտի, մասնավորապես օնլայն լրատվամիջոցների մասին, նշել էր, որ Circle.am ռեյթինգային համակարգի արդյունքները վաճառված են, չեն համապատասխանում իրականությանը, իսկ ա մենամեծ այցելություն ունեցող առաջին 13 տեղերը գնված են և կոնկրետ առաջադրանքով տրամադրված համապատասխան կայքեր:
Ի պատասխան այս հայտարարությունների Circle.am-ի ադմինիստրատոր Ավետիս Ավագյանը Circle.Am-ի զարգացման բլոգում գրում է. «Մի կողմ դնենք Circle.Am-ի 10 տարվա ընթացքում վաստակած անաչառ և անկողմնակալ լինելու համբավը և հայացք ուղղենք «մեծ եղբորը»՝ Google Analytics–ին։
Google Analytics–ի թվերը գրեթե առանց բացառությունների համընկնում են Circle.Am-ի թվերի հետ։ Նման համեմատություններ արվել են բազմաթիվ անգամ։ Ցանկացած կամայական պահի
...
Կարդալ շարունակությունը »
|
Microsoft-ը կներկայացնի Windows Phone 8-ը MWC ցուցահանդեսի՞ն
|
3DNews ՏՏ Լրատվական - Փետրվարի վերջին տեղի է ունենալու Mobile World Congress (MWC) 2012 ցուցահանդեսը, որը նվիրված է բջջային հեռախոսներին, և արդեն իսկ ցանցում հայտնվել են լուրեր այն մասին, որ Windows Phone օպերացիոն համակարգի նոր տարբերակը կարող է ներկայացվել հենց այդ միջոցառման ընթացքում: Հաղորդում է ZDNet-ը:
Վերջերս 4PDA ֆորումում հրապարակվել են Apollo (Windows Phone 8) կոդային անվանմամբ ՕՀ-ի մասին տվյալներ. այն կունենա Metro ինտերֆեյս, որը կիրառվում է Windows 8 համակարգում, Internet Explorer HTML5, Windows Live և Azure ապահովում:
Նշվում է նաև, որ մշակողները հնարավորություն կունենան հավելվածներ մշակել Windows Phone 8-ի համար, որոնք համատեղելի կլինեն նաև համակարգիչների համար նախատեսված Windows 8-ի համար: |
Motorola-ն կրկին դատի է տվել Apple-ին
|
3DNews ՏՏ Լրատվական - Motorola Mobility ընկերությունը արտոնագրային նոր հայց է ներկայացրել Apple ընկերության դեմ՝ մեղադրելով վերջինիս iPhone 4S-ի և iCloud ամպային ծառայության մեջ իր տեխնոլոգիաները կիրառելու մեջ: Այս մասին հաղորդում է Reuters գործակալությունը:
Apple-ի ու Motorola-ի արտոնագրային պատերազմը սկսվել է 2010-ի հոկտեմբերին: Այդ ժամանակից ի վեր ընկերություններն իրար դեմ ներկայացել են մոտ 40 արտոնագրային հայցեր:
Motorola-ն այս անգամ մեղադրում է Apple-ին 6 արտոնագրերի խախտման մեջ, որոնք վերաբերում են անլար կապի, հավելվածների կառավարման, տվյալների ֆիլտրացման և էլ-փոստի հետ աշխատելու տեխնոլոգիաներին:
Նշենք, որ Apple-ի ներկայացուցիչները դեռևս չեն մեկնաբանել Motorola Mobility-ի հայցը: |
Apple-ը շուտով կսկսի նոր iPhone-ի արտադրությունը
|
3DNews ՏՏ Լրատվական - Apple ընկերությունը պատրաստվում է սկսել 6-րդ սերնդի iPhone-ի արտադրությունը: Սպասվում է, որ սմարթֆոնը շուկայում կհայտնվի ընթացիկ տարվա ամռանը, հաղորդում է 9to5mac բլոգը՝ հղում անելով Foxconn թայվանական ընկերությանը, որը հավաքում է Apple-ի արտադրանքները:
Բլոգի փոխանցմամբ՝ Foxconn-ն արդեն ստացել է նոր iPhone-ի մի քանի օրինակներ, որոնք ունեն տարբեր դիզայններ, սակայն նույն էկրանը՝ 4 դյույմ: Մինչ այս Apple-ի սմարթֆոններն ունեցել են միայն 3,5 դյույմանոց էկրան:
Բացի այդ՝ օրինակներն ունեն համաչափ դիզայն, այսինքն՝ սարքի բոլոր մասերի հաստությունը նույնն է: Նշվում է նաև, որ նախատիպերից ոչ մեկն էլ չի ընդունվել՝ որպես վերջնական մոդել: |
|
