Նորությունների արխիվ - 3DNews ՏՏ Լրատվական

Գլխավոր » Նորությունների արխիվ - 3DNewscomm

Երեւանում կանցկացվի «Հեքըթոն Երեւան 2011» նոր տեխնոլոգիաների կիրառմամբ նորարար գաղափարների եւ նախագծերի մրցույթը

Հայաստանի Մայքրոսոֆթ ինովացիոն կենտրոնը (www.micarmenia.am) եւ Հանրային լրագրության ակումբը (www.pjc.am) հոկտեմբերի 27-ին, ժամը 18:00-ին, հանդիպում է կազմակերպել, որի ընթացքում կներկայացվեն 2011թ «Հեքըթոն[ՅԱՆ] Երեւան 2011» նոր տեխնոլոգիաների կիրառմամբ նորարար գաղափարների եւ նախագծերի մրցույթի պայմանները:

Հանդիպումը տեղի կունենա Հայաստանում Մայքրոսոֆթ ինովացիոն կենտրոնում, որը գտնվում է Հայաստանի Պետական Ճարտարագիտական Համալսարանի

Թիվ 10 շենքի 6-րդ հարկում (Տերյան 105):

Նշենք, որ Հեքըթոնը Սիլիկոնե հովտում ծնունդ առած ծրագրավորման եւ նախագծերի լայնածավալ մրցույթ է` ուղղված համատեղ ուժերով եւ նոր տեխնոլոգիաների միջոցով առկա կամ առաջադրված խնդիրների լուծմանը:

«Հեքըթոն[ՅԱՆ] Երեւան 2011» մրցույթը նվիրվում է Երեւան քաղաքի խնդիրների լուծմանը: Մրցույթի արդյունքում ակնկալվում է ունենալ տարբեր բնագավառներում մի շարք պատրաստի ծրագրերի նախատիպեր, որոնք կարող են կյանքի կոչվել ինչպես քաղաքապետարանի, այնպես էլ քաղաքի խնդիրներով մտահոգ կառույցների եւ ... Կարդալ շարունակությունը »

Դեկտեմբերին Երեւանում ՏՏ ոլորտի Start-up weekend կանցկացվի

Այս տարվա դեկտեմբերին Երեւանում ՏՏ ոլորտի Start-up weekend կանցկացվի: Այդ մասին վարչապետ Տիգրան Սարգսյանի հետ հանդիպմանը ասել են Տեղեկատվական տեխնոլոգիաների (ՏՏ) ոլորտի կառավարիչների ամենամյա մրցանակաբաշխության այս տարվա մրցույթի հաղթող երեք մենեջերները, ովքեր այս տարվա օգոստոսին երկշաբաթյա վերապատրաստման դասընթաց են անցել Սթենֆորդի համալսարանում:

NEWS.am-ին Կառավարության մամուլի ծառայությունից հայտնեցին, որ Սթենֆորդի համալսարանում վերապատրաստում անցած մենեջերները ոգեւորությամբ են խոսել դասընթացի արդյունքների մասին եւ կիսել իրենց տպավորությունները:

Մասնավորապես, նրանք նշել են, որ երկշաբաթյա ինտենսիվ թրեյնինգը հնարավորություն է տվել ծանոթանալ ՏՏ ոլորտի առաջատար ամերիկյան ընկերությունների մենեջմենթի եւ աշխատանքի կազմակերպման գործընթացներին:

Նրանք ընդգծել են, որ կիրառական գիտելիքների ձեռքբերումը նպաստում է ՏՏ ոլորտում գործող մենեջերների որակավորման բարձրացմանը եւ պատրաստակամություն հայտնել դրանք փոխանցել հայաստանյան ՏՏ ոլորտի մյուս մասնագետներին` ընդ ... Կարդալ շարունակությունը »

Apple-ը կիրագործի Սթիվ Ջոբսի ծրագրերն ու կսկսի iTV-ի արտադրությունը

Լուրերը, որ Apple-ը մտադիր է դուրս գալ նոր շուկա, ի վերջո հաստատվեցին: Bloomberg-ի հետ զրույցում երկու անանուն աղբյուրներ հայտնել են, որ Apple-ը մտադիր է հեռուստացույցներ արտադրել Սթիվ Ջոբսի «օրհնությամբ»:

ԱՄՆ-ում լույս տեսած Ջոբսի կենսագրության մեջ գրված է, որ նա երազում էր հեռուստացույցների շուկայում անել այն, ինչ արեց սմարթֆոնների շուկայում:

Գրքի հեղինակ Ուոլթեր Այզեկսոնի հետ զրույցում Ջոբսն ասել է. «Ես ուզում եմ ինտեգրված հեռուստացույց ստեղծել, որը բացարձակապես հեշտ է օգտագործել: Այն ավտոմատ կսինխրոնավորվի ձեր բոլոր սարքավորումների եւ iCloud ծառայության հետ: Այն կունենա հնարավոր ամենահեշտ ինտերֆեյսը: Ես ի վերջո մտածել եմ, թե ինչպես կարելի է անել դա»,- ասել էր Ջոբսը:

Սթիվ Ջոբսը մահացել է հոկտեմբերի 5-ին ենթաստամոքսային գեղձի քաղցկեղից, 56 տարեկան հասակում:

Վարչապետն ընդունել է ՏՏ ոլորտի մենեջերների մրցանակաբաշխության հաղթողներին

Տեղեկատվական տեխնոլոգիաների (ՏՏ) ոլորտի կառավարիչների (մենեջերների) ամենամյա մրցանակաբաշխության այս տարվա մրցույթի հաղթող երեք մենեջերներն այս տարվա օգոստոսին երկշաբաթյա վերապատրաստման դասընթաց են անցել Սթենֆորդի համալսարանում (Stanford Executive Institute), իսկ այսօր հյուրընկալվել ՀՀ կառավարությունում: Հանդիպմանը ներկա էին նաև մրցանակաբաշխության նախաձեռնող «Սինոփսիս Արմենիա» ընկերության տնօրեն, մրցանակաբաշխության հանձնաժողովի նախագահ Հովիկ Մուսայելյանը և հովանավոր «ՎիվաՍել-ՄՏՍ» ընկերության գլխավոր տնօրեն, մրցանակաբաշխության հանձնաժողովի անդամ Ռալֆ Յիրիկյանը:

Սթենֆորդի համալսարանում վերապատրաստում անցած մենեջերները ոգևորությամբ են խոսել դասընթացի արդյունքների մասին և կիսվել իրենց տպավորություններով: Մասնավորապես, նրանք նշել են, որ երկշաբաթյա ինտենսիվ թրեյնինգը հնարավորություն է տվել ծանոթանալ ՏՏ ոլորտի առաջատար ամերիկյան ընկերությունների մենեջմենթի և աշխատանքի կազմակերպման գործընթացներին: Նրանք ընդգծել են, որ կիրառական գիտելիքների ձեռքբերումը նպաստում է ՏՏ ոլորտում գործող ... Կարդալ շարունակությունը »

Ես ինձ ավելի շուտ յուրահատուկ էի զգում, քան լքված. Սթիվ Ջոբս

Հոկտեմբերի 24–ին լույս տեսավ ամերիկյան Apple ընկերության համահիմնադիր Սթիվ Ջոբսի առաջին պաշտոնական կենսագրականը։ Գրքի հեղինակն ամերիկյան CNN հեռուստաընկերության նախկին գլխավոր տնօրեն Ուոլթեր Այսաքսոնն է։ Կենսագրականի առաջին հատվածում անդրադարձ է կատարվում Փոլ Ջոբսին և հայազգի Կլարա Հակոբյանին, որոնք որդեգրել էին Ջոբսին։ «Երբ 2–րդ համաշխարհային պատերազմից հետո Փոլ Ջոբսը զորացրվեց ափային պաշտապանության ուժերից, նա գրազ եկավ իր ծառայակից ընկերների հետ, որ կարող է ընդամենը 2 շաբաթում իր համար կին գտնել»,– գրում է appleinsider.ru կայքը և հավելում, որ Ջոբսի փաստացի մորը՝ Կլարա Հակոբյանին, գրավել էր ոչ թե Փոլի գեղեցիկ արտաքինն ու 180 սմ հասակը, այլև Փոլի ու նրա ընկերների՝ «ավտոմեքենա ունենալու հանգամանքը»։

«Նրանք սկսեցին հանդիպել և արդեն 10 օր անց՝ 1946թ. մարտին, Ջոբսն ամուսնացավ նրա հետ։ Նրանք միասին երկար և երջանիկ կյանք ապրեցին, մինչև որ մահը բաժանեց նրանց»,–ասված է կենսագրականում։ «Կլարան ծնվել է Նյու Ջերսիում։ Նրա ծնողներն այնտեղ էին եկել՝ Հայաստանի տարածքում Օսմանյան կայսրո ... Կարդալ շարունակությունը »

Anonymous հաքերային խումբը սկսել է պայքարել մանկական պոռնկագրության դեմ

Anonymous հաքերային խումբը կոտրել ու արգելափակել է ավելի քան 40 կայք, որոնք տարածում են մանկական պոռնկագրություն: Այդպիսով խումբը, որը հայտնի է կառավարական կայքերի ու խոշոր ընկերությունների կայքերի վրա հարձակումներով, հայտարարել է ինտերնետում մանկական պոռնկագրության դեմ պայքարի մասին. հաղորդում է The Telegraph-ը:

«Կոտրված կայքերի թվում է Lolita City կայքը, որն իր տեսակի մեջ ամենախոշորն է ու պարունակում է ավելի քան 100ԳԲ մանկական պոռնկագրություն»,-հայտարարել են հաքերները: Կայքը կոտրելուց հետո նրանք հրապարակել են Lolita City-ի ավելի քան 1500 օգտագործողների տվյալները:

Ավելի վաղ հաքերները դիմել էին կայքին հոսթինգային ծառայություններ մատուցող ընկերությանը՝ պահանջելով հեռացնել այդ բովանդակությունն ու դադարել կայքի սպասարկումը: Սակայն երբ հոսթինգ-մատակարարը ոչ մի միջոց չձեռնարկեց, հաքերները մեղադրեցին ընկերությանը մանկական պոռնկագրության գիտակցված տարածման մեջ ու կոտրեցին կայքը:

Lolita City կայքի պատասխանատուներն ու հոսթինգային ընկերությունը պարզաբանումն ... Կարդալ շարունակությունը »

Apple-ը շուտով կներկայացնի ունիկալ հեռուստացույց

Չինական գործարանները պատրաստվում են Apple հեռուստացույցների մեծածավալ արտադրությանը: Հաղորդում է AppleInsider-ը՝ հղում անելով Ticonderoga Securities ընկերության վերլուծաբան Բրայան Ուայթին: Piper Jaffray ընկերության ներկայացուցիչ Ջին Մանստերն իր հերթին հաստատում է, որ Apple-ն այժմ զբաղված է նախապատրաստական աշխատանքներով: Նրա խոսքով՝ նոր սարքի նախատիպը պատրաստվել է սեպտեմբերին:

Այժմ ընկերությունը վաճառում է միայն Apple TV, որը միանում է հեռուստացույցին և թույլ տալիս դիտել Apple iTunes Store-ից գնել ֆիլմեր, սերիալներ և այլն:

Բրայան Ուայթը համոզված է, որ Apple TV-ն կաշխատի iOS օպերացիոն համակարգով, կապահովի FaceTime վիդեոչաթն ու Siri ձայնային կառավարման ծրագիրը, որը թույլ է տալիս սարքի հետ խոսել, sms-ներ թելադրել, հարցեր ու հրամաններ տալ: Վերլուծաբանի կարծիքով՝ հեռուստացույցը կներկայացվի մոտակա եռամսյակների ընթացքում:

Ջին Մանստերի կանխատեսմամբ՝ 2012-ին Apple-ը կիրացնի մոտ 1,4 մլն հեռուստացույց:

Նշենք, որ Apple-ի հիմնադիր Սթիվ Ջոբսի՝ հեռու ... Կարդալ շարունակությունը »

Apple-ը տեղադրել է Սթիվ Ջոբսի հիշատակին նվիրված միջոցառման ՏԵՍԱՆՅՈՒԹԸ

Apple ընկերությունն իր կայքում տեսանյութ է տեղադրել փակ միջոցառման մասին, որը նվիրված է եղել ընկերության հիմնադիր Սթիվ Ջոբսին: Միջոցառումը կայացել է հոկտեմբերի 19-ին, Քուփերթինոյի (Քալիֆորնիայի նահանգ) շտաբ բնակարանում:

Տեսանյութը տեւում է 81 րոպե, հաղորդում է AP-ն: Apple-ի կայքում տեսանյութը դիտելու համար, հարկավոր է ունենալ QuickTime 7` Windows-ի համար:

Ավելի վաղ NEWS.am-ը հայտնել է, որ Սթիվ Ջոբսի հոգեհանգստի ժամանակ, ԱՄՆ-ում Apple-ի բոլոր ֆիրմային խանութները փակվել են:

Հյուրերի ցանկում մի քանի հարյուր մարդ է եղել, այդ թվում նաեւ Սթիվ Ջոբսի մրցակիցները: Լրատվամիջոցները հայտնում են, որ հյուրերի կազմում նկատել են ԱՄՆ նախկին փոխնախագահ Ալբերտ Գորին, Հարավային Կորեայում Samsung Group-ի ժառանգորդ Ջեյ լիին:

Գիտնականները ուրանով լցված հսկայական ամեոբաներ են գտել

Սան Դիեգոյի Սքրիփսի օվկիանոսագիտության ինստիտուտի գիտնականները Քալիֆորնիայում յուրօրինակ կենդանի օրգանիզմ են հայտնաբերել:

Газета.Ru-ի փոխանցմամբ, կենդանի օրգանիզմները, որոնք հայտնի են «քսենոֆիոֆորներ» անվանումով, գտնվել են 10 կմ-ից ավելի խորության վրա: Այս հսկայական միաբջիջ ամեոբաների չափսը տասնյակ հազարավոր անգամ գերազանցում է սովորական ամեոբայի չափսերը` ունենալով 10 սմ տրամագիծ: Ծովի հատակի այս բնակիչները շատ մակաբույծների համար տեր-օրգանիզմ են ծառայում:

Հսկայական ամեոբաները ընդունակ են գոյատեւել օվկիանոսի ամենախորքերում` ցածր ջերմաստիճան եւ մեծ ճնշում ունեցող միջավայրերում:

Ուսումնասիրողները ամեոբաների կառուցվածքում հայտնաբերել են ծանր մետաղներ, այդ թվում մեծ քանակությամբ սնդիկ եւ ուրան, որոնք այս արարածները կլանում են շրջակա միջավայրից:

Բացի հսկայական ամեոբաներից, հայտնաբերվել են նաեւ մեծ խորություններում ապրող ձկների եւ մեդուզաների նոր տեսակներ:

Ճապոնացիները ցուցադրել են աշխարհի ամենամեծ 3D-էկրանը (տեսանյութ)

JVC Kenwood ընկերությունն ու Ճապոնիայի ինֆորմացիոն ու հաղորդակցական տեխնոլոգիաների ազգային ինստիտուտը (NICT) ստեղծել են ռեկորդային չափսի 3D-էկրան, որի անկյունագիծն է 200 դյույմ:

Պատկերն էկրանի վրա կառուցվում է 57 պրոյեկտորներից կազմված բարդ համակարգի միջոցով: Ստացված նկարի թույլատրությունը կազմում է 1920×1080 պիկսել (Full HD ֆորմատ): Ընդ որում՝ ստերեոսկոպիկ էֆեկտը ստացվում է առանց հատուկ անկոցների:

DigInfo TV-ի փոխանցմամբ՝ համակարգը թույլ է տալիս դիտել 3D-պատկերներ 57 տարբեր կետերից:

Ներկայացված համակարգը դեռ կարիք ունի կատարելագործման: Ճապոնացիները ծրագրում են պրոյեկտորների քանակը հասցնել 200-ի, բացի այդ` խնդիր է նաև համակարգի ծանրությունը. այն կշռում է մոտ 500 կգ: ... Կարդալ շարունակությունը »

ԱՄՆ-ում սկսվում է Սթիվ Ջոբսի առաջին պաշտոնական կենսագրության վաճառքը

ԱՄՆ-ում սկսվում է Սթիվ Ջոբսի առաջին պաշտոնական կենսագրության վաճառքը, որի հեղինակը Ուոլթեր Այզեքսոննն է: 650 էջանոց եւ 35 դոլար արժողությամբ, գրքի շապիկին Apple-ի հիմնադրի սեւ-սպիտակ լուսանկարն է:

Այզեքսոնն ավելի վաղ Reuters-ին պատմել էր, որ Սթիվ Ջոբսի մահվանից մի քանի շաբաթ առաջ այցելել է նրան եւ Apple-ի հիմնադրին գտել «ննջարանում` ցավից գալարվելիս»:
Ջոբսը խոստովանել է, որ շատ է թուլացել եւ չի կարողանում ինքնուրույն բարձրանալ տան երկրորդ հարկ: Միաժամանակ, Այզեքսոնը նշել է, որ չնայած ցավին, Ջոբսի «գիտակցությունն առաջվա նման պարզ էր, իսկ հումորը`կայծեր նետող»:

Այզեքսոնի հետ վերջին խոսակցության ժամանակ, Apple-ի հիմնադիրը հայտարարել է. «Ես գիտեմ, որ բավարար ժամանակ չեմ տրամադրել իմ երեխաներին, բայց ես ուզում եմ, որ նրանք իմանան, թե ինչու է այդպես ստացվել եւ ինչ եմ ես արել»:

«Սթիվ Ջոբս. Կենսագրություն, գրված Ուոլթեր Այզեքսոնի կողմից» գրքում ասվում է, որ Ջոբսին որդեգրած մայրը` Կլարա Ջոբսը (Հակոբյան) 1915-ին ներգաղթել է Թուրքիայի Մալաթիա նահանգից ... Կարդալ շարունակությունը »

Հայաստանյան պատվիրակությունը Ժնևում կմասնակցի «Համաշխարհային հեռահաղորդակցություն 2011» համաժողովին

Հոկտեմբերի 25-27-ը Ժնևում (Շվեյցարիա) տեղի կունենա Հեռահաղորդակցության միջազգային միության (ITU) կողմից կազմակերպված «Համաշխարհային հեռահաղորդակցություն 2011» (ITU Telecom World 2011) միջոցառումը, որին կմասնակցի նաև ՀՀ տրանսպորտի եւ կապի նախարար Մանուկ Վարդանյանի գլխավորած պատվիրակությունը:

Միջոցառման շրջանակներում նախարար Մ.Վարդանյանը հանդիպումներ կունենա մի շարք բարձրաստիճան պաշտոնյաների հետ, այդ թվում` ITU գլխավոր քարտուղար Համադուն Տուրեի և ITU զարգացման բյուրոյի տնօրեն Բրահիմ Սանույի: Նախատեսվում են համաժողովներ, ինչպես նաև ղեկավար կազմի գագաթաժողով` հեռահաղորդակցության ոլորտում առկա խնդիրների, մարտահրավերների և դրանց ամենաարդյունավետ լուծումները գտնելու նպատակով:

ՀՀ տրանսպորտի և կապի նախարարությունից տեղեկացնում են, որ «Համաշխարհային հեռահաղորդակցություն 2011» շրջանակներում կլինեն քննարկումներ համացանցի ապագայի, տվյալների ազատ և անվտանգ փոխանցման, շարժական լայնաշերտ կապի ապահովման, նոր տեխնոլոգիաների կիրառման վերաբերյալ: Անդրադարձ կլինի նաեւ հաջողված հան ... Կարդալ շարունակությունը »

Սթիվ Ջոբսը երազում էր փոխել հեռուստաարտադրությունը

Սթիվ Ջոբսը երազում էր թողարկել այնպիսի սարք, որը կփոխեր հեռուստատեսությունն այնպես, ինչպես iPod-ը փոխեց երաժշտության արտադրությունը: Այս մասին վկայում է նրա առաջին պաշտոնական կենսագրությունը, որը վաճառքը մեկնարկել է այսօր:

Փորձագետները վաղուց խոսում են այն մասին, որ Apple-ն աշխատում է սեփական հեռուստացույցի վրա, սակայն պաշտոնապես այս լուրերը դեռևս չեն հաստատվել:
Այժմ ընկերությունը վաճառում է միայն Apple TV, որը միանում է հեռուստացույցին և թույլ տալիս դիտել Apple iTunes Store-ից գնել ֆիլմեր, սերիալներ և այլն:

Կենսագիր Ուոլտեր Այզեկսոնը գրում է, որ Ջոբսի պատկերացրած հեռուստացույցը զարմանալիորեն հեշտ է օգտագործման համար: «Այն կսինխրոնիզացվի iCloud-ի հետ ու կունենա շատ պարզ ինտերֆեյս»,-նշել է Ջոբսը: Ամպային iCloud ծառայությունը պաշտոնապես գործարկվել է հոկտեմբերի 12-ին, այն թույլ է տալիս Apple-ի ցանկացած սարքից դիտել iTunes Store-ից գնված ֆիլմերը, երգերը և այլն:

The Washington Post-ը գրում է, որ Apple ընկերության հիմնադիրը հետաքրքրված է եղել նաև ... Կարդալ շարունակությունը »

Հաքերները կոտրել են Microsoft-ի Youtube-ալիքն ու ջնջել ամբողջ բովանդակությունը

Անհայտ հաքերները մուտք են գործել Microsoft-ին պատկանող YouTube ալիք (http://www.youtube.com/microsoft), ջնջել բոլոր տեսահոլովակներն ու տեղադրել այլ բովանդակություն: Ալիքն ուներ ավելի քան 25 հազար բաժանորդագրված օգտագործող, իսկ Microsoft-ի արտադրանքների մասին պատմող տեսանյութերի դիտումները գերազանցում էին 8 միլիոնը:

Geekwire.com-ի փոխանցմամբ՝ ներկա պահին Microsoft-ը վերականգնել է էջի նկատմամբ ունեցած իրավունքներն ու կրկին տեղադրում է ջնջված տեսանյութերը:

Հաքերների տեղադրած հոլովակներում կոչ էր արվում հովանավորչական աջակցություն ցուցաբերել: Ընդ որում՝չարագործները էջում թողել էին հետևյալ գրությունը՝ «Ես ոչ մի վատ բան չեմ արել, ուղղակի մուտք եմ գործել ըքաունթ, որը գրանցվել է 2006թ.»:

Sophos հակավիրուսային ընկերության մասնագետ Գրեհեմ Քլալին կարծում է, որ պատահածի պատճառը գաղտնաբառերի հետ անփույթ վերաբերմունքն է: Microsoft-ն այժմ YouTube-ի ղեկավարության հետ անվտանգության միջոցներ է ձեռնարկում, որպեսզի ապագայում նման դեպքեր չկրկնվեն:

Ամերիկյան հսկա՝ Google ընկերությունը մտադիր է գնել մեկ այլ ամերիկյան հսկայի ՝ Yahoo!-ին

The Wall Street Journal-ը գրում է, որ Google-ը բանակցում է երկու ներդրումային ընկերությունների հետ` Yahoo!-օ գնման համար գումար ստանալու նպատակով: 2008-ին Yahoo!-ն քննարկել էր Google-ին միանալու նախագիծը, սակայն հահամենաշնորհային մարմիններն արգելեցին գործարքը:

Yahoo!-ն գնելու մտադրություն ունի նաեւ Microsoft-ը:
Վերջին տարիներին Yahoo!-ն սոցիալական ցանցերի, առնցանց գովազդի եւ որոնողական ծառայության ոլորտում զգալիորեն հետ է մնացել Google-ից եւ Facebook-ից:

Google-ն այժմ զբաղեցնում է ԱՄՆ-ի որոնողական շուկայի 65 %-ը, իսկ Yahoo!-ն` 15,5 %-ը:

Հայաստանում սկսվել է արագացուցչի շինարարությունը

Հայաստանում, «Քենդլ» ծրագրի շրջանակներում, սկսվել է AREAL լազերային բարձր հաճախականության գծային արագացուցիչի շինարարությունը: Նման հայտարարությամբ այսօր` հոկտեմբերի 24-ին, հանդես եկավ ՀՀ Կրթության եւ գիտության նախարարության գիտության պետաական կոմիտեի նախագահ Սամվել Հարությունյանը: Ամենայն հավանականությամբ արագացուցչի կառուցումը կավարտվի 2013 թ. գարնանը:

Նշենք, որ «ՔԵՆԴԼ»-ը (CANDLE-Center for the Advancement of Natural Discoveries using Light Emission) թարգմանաբար նշանակում է՝ սինքրոտրոնային ճառագայթման օգտագործմամբ գիտական հետազոտությունների կենտրոն: Գիտնականները նման կենտրոնում հնարավորություն կունենան ինտենսիվ լուսային հոսքի օգնությամբ հետազոտել մոլեկուլներ, կենսաբանական օբյեկտներ եւ նյութեր:

Շրջակա միջավայրի համար լրիվ անվտանգ արագացուցչային կենտրոնը աննախադեպ կլինի հետխորհրդային, Արեւելյան Եվրոպայի եւ Մերձավոր Արեւելքի տարածաշրջաններում:

Ըստ Ս. Հարությունյանի` հայկական արագացուցիչը կառուցվում է Գերմանիայի «Դեզի» կենտրոնի (DESY-գերմանական էլեկ ... Կարդալ շարունակությունը »

iPhone-ի «նախապապը» դարձավ 10 տարեկան

Տասը տարի առաջ Apple-ը թողարկեց իր առաջին նվագարկիչը՝ iPod-ը, որն ուներ 5 գիգաբայթ հիշողություն: Թեև նվագարկիչը բավական թանկ էր ու ոչ այնքան հասանելի, շատերը կարծում են, որ հենց iPod-ից է սկիզբ առել «խնձորային» ֆանատիզմն ու ընկերության հաջողությունը:

Առաջին iPod-ն ուներ մետաղյա պատյան՝ դիմային պլաստիկ պանելով: Սարքի էկրանը սև-սպիտակ էր, իսկ կառավարման կոճակները 5-ն էին ու մեխանիկական: Սենսորային կոճակները հայտնվեցին նվագարկչի հաջորդ մոդելում:

iPod-ը վաճառվում էր 400 դոլարով, և այն փաստը, որ այն համատեղելի չէր Windows համակարգիչների հետ, վախեցնում էր շատ օգտագործողների:
Մի տարի չանցած՝ iPod-ը սկսեց «խոսել» նաև Windows-ի հետ, իսկ հիշողության ծավալը հասցվեց մինչև 20ԳԲ: Սարքի ծրագրային ապահովման մեջ ավելացվեցին տարբեր հավելվածներ, օրինակ՝ կոնտակտների մենեջեր:

Երեք տարի անց՝ 2004-ի աշնանը, iPod-ն արդեն գրավել էր ԱՄՆ-ի mp3-նվագարկիչների շուկայի 90 և շարժական սարքերի 70%-ը: Իսկ 2007-ի ապրիլին Apple-ը վաճառեց 100 միլիոներորդ iPod-ը: Այս հաջողությու ... Կարդալ շարունակությունը »

ՎիվաՍել-ՄՏՍ-ի «ՄՏՍ կոնեկտ E353» ինտերնետ-մոդեմը կտրվի անվճար

Հոկտեմբերի 24-ից նոյեմբերի 30-ը, «ՄՏՍ կոնեկտ անսահմանափակ», «ՄՏՍ կոնեկտ անսահմանափակ+» կամ «ՄՏՍ կոնեկտ ուսանողական» սակագնային պլանին 1 տարով բաժանորդագրվելու դեպքում, բաժանորդները «ՄՏՍ կոնեկտ E353» USB մոդեմը նախկին 10000 դրամի փոխարեն կարող են ստանալ բոլորովին անվճար:

Հիշեցնենք, որ «ՄՏՍ կոնեկտ E353» մոդեմն ապահովում է ներբեռնման մինչև 21.6 Մբիթ/վրկ և վերբեռնման` մինչև 5.76 Մբիթ/վրկ արագություն:
Մանրամասն տեղեկություններ ստանալու համար կարելի է օգտվել www.vivacell.am կայքից, զանգահարել 111 անվճար հեռախոսահամարով, հաղորդակցվել մեզ հետ «111 օնլայն» պորտալի միջոցով, կամ այցելել մեր սպասարկման կենտրոններից որևէ մեկը:

Սպասեք ավելին: ՎիվաՍել-ՄՏՍ... Ավելին` քան օպերատոր:

Սթիվ Ջոբս. Ես հիանում եմ Մարկ Ցուկերբերգով, որովհետև նա «չվաճառվեց»

60 Minutes հաղորդմանը տված հարցազրույցում Սթիվ Ջոբսի կենսագիր Ուոլտեր Այզեկսոնը հնարավորություն է տվել հեռուստադիտողներին իր ու Ջոբսի զրույցներից հատվածներ լսել: Դրանցից մեկում Apple-ի հիմնադիրը խոսում է մրցակիցների նկատմամբ իր վերաբերմունքի մասին:

«Շատ եմ հարգում Facebook-ի հիմնադիր Մարկ Ցուկերբերգին. մենք խոսում ենք սոցցանցերի մասին հոգնակի թվով, բայց ես տեսնում եմ միայն Facebook-ը: Հարգում եմ Ցուկերբերգին, քանի որ նա ոչ մեկին չվաճառվեց և ուզում է կառուցել լուրջ ընկերություն»,-ասել է Ջոբսը:

TechCrunch տեխնոբլոգը հաղորդում է, որ Ջոբսը հանդիպել է նաև Google-ի այժմյան ղեկավար Լարի Փեյջի հետ ու նրան մի քանի խորհուրդ տվել: «Չկրկնես Microsoft-ի սխալները. չծավալես գործունեություն մի քանի ոլորտներում, այլ կկենտրոնանաս մի ուղղությամբ»,-ասել է Ջոբսը: Նա նաև խորհուրդ է տվել Փեյջին այդքան էլ բարի չլինել գլխավոր տնօրենի դերում:

Հիշեցնենք, որ Ջոբսը կյանքից հեռացավ հոկտեմբերի 5-ին՝ 56 տարեկան հասակում: