Գլխավոր » 2011 » Հոկտեմբեր » 25 » ՏՏ Լրատվական, Տեղեկատվական Տեխնոլոգիաներ
Ես ինձ ավելի շուտ յուրահատուկ էի զգում, քան լքված. Սթիվ Ջոբս |
Հոկտեմբերի 24–ին լույս տեսավ ամերիկյան Apple ընկերության համահիմնադիր Սթիվ Ջոբսի առաջին պաշտոնական կենսագրականը։ Գրքի հեղինակն ամերիկյան CNN հեռուստաընկերության նախկին գլխավոր տնօրեն Ուոլթեր Այսաքսոնն է։ Կենսագրականի առաջին հատվածում անդրադարձ է կատարվում Փոլ Ջոբսին և հայազգի Կլարա Հակոբյանին, որոնք որդեգրել էին Ջոբսին։ «Երբ 2–րդ համաշխարհային պատերազմից հետո Փոլ Ջոբսը զորացրվեց ափային պաշտապանության ուժերից, նա գրազ եկավ իր ծառայակից ընկերների հետ, որ կարող է ընդամենը 2 շաբաթում իր համար կին գտնել»,– գրում է appleinsider.ru կայքը և հավելում, որ Ջոբսի փաստացի մորը՝ Կլարա Հակոբյանին, գրավել էր ոչ թե Փոլի գեղեցիկ արտաքինն ու 180 սմ հասակը, այլև Փոլի ու նրա ընկերների՝ «ավտոմեքենա ունենալու հանգամանքը»։ «Նրանք սկսեցին հանդիպել և արդեն 10 օր անց՝ 1946թ. մարտին, Ջոբսն ամուսնացավ նրա հետ։ Նրանք միասին երկար և երջանիկ կյանք ապրեցին, մինչև որ մահը բաժանեց նրանց»,–ասված է կենսագրականում։ «Կլարան ծնվել է Նյու Ջերսիում։ Նրա ծնողներն այնտեղ էին եկել՝ Հայաստանի տարածքում Օսմանյան կայսրության դաժան գործողություններից փրկվելով։ Ավելի ուշ նրանք Սան Ֆրանցիսկո էին տեղափոխվել։ Նա քչերին էր ասել, որ իր առաջին ամուսինը Փոլ Ջոբսը չէ, այլ մեկ այլ տղամարդ, որը զոհվել էր 2–րդ համաշխարահային պատերազմի ժամանակ»,– ասվածէ գրքում։ Կլարան և Փոլը, ամուսնանալուց հետո, Վիսկոնսին նահանգ էին տեղափոխվել՝ Փոլի ծնողների մոտ։ Մի քանի տարի անց, սակայն, կրկին տեղափոխվել էին՝ այս անգամ Ինդիանա նահանգ, որտեղ Ջոբսին մեխանիկի աշխատանք էին առաջարկել։ Ազատ ժամանակ Փոլը նաև հին մեքենաների վերանորգմամբ է զբաղվել, ապա նաև վերանորոգված մեքենաների վաճառքով զբաղվել։ 1952թ. զույգը կրկին Սան Ֆրանսցիսկո էր գնացել, որտեղ Փոլն աշխատանքի էր անցել ֆինանսական մի ընկերությունում՝ միաժամանակ չհրաժարվելով վերանորոգված մեքենաների «բիզնեսից»։ «Այդուհանդերձ, նրանց կյանքում ինչ–որ բան պակասում էր։ Նրանք մտածեցին ժառանգի մասին, սակայն, Կլառան արտարգանդային հղիություն էր ունեցել և չէր կարող երեխա ունենալ։ Եվ այսպես, 1955թ. 9–ամյա համատեղ կյանքից հետո, նրանք որոշեցին երեխա որդեգրել»,–գրում է Այսքասոնը։ Սթիվ Ջոբսի կենսաբանական ծնողներին անդրադառնալով՝ Այսաքսոնը նշում է, որ նրա կենսաբանական մայրը՝ Ջոանա Շիբլը, գերմանական արմատներով ընտանիքց էր, որն ապրում էր ամերիկյան Վիսկոնսին նահանգում։ Ջոանայի հայրը շատ խիստ մարդ է եղել, հատկապես, իր աղջկա երկրպագուների հանդեպ։ Եվ երբ Ջոանան մի օր պատմել էր, որ սիրահարված է մուսուլման Աբդուլֆաթահ Ջանդալիին, հայրը խիստ զայրացել էր, սպառնացել հրաժարվել նրանից։ Ջանդալին Սիրիայում հայտնի, բարեկեցիկ ընտանիքից էր, որը Վիսկոնսին էր եկել՝ քաղաքագիտության ոլորտում կրթությունը շարունակելու համար։ Ջոանան 23 տարեկանում հղիանում է։ Նրա հայրն այդ ժամանակ մահամերձ վիճակում էր և «խոստացել էր» հրաժարվել աղջկանից, եթե նա ամուսնանա մուսուլմանի հետ։ Իսկ արհեստական վիժեցման նա չէր դիմել, քանի որ այդ տարիներին բավական դժվար էր դրա համար թույլտվություն ստանալը, ուստի Ջոանան որոշել էր Սան Ֆրանցիսկո տեղափոխվել, որտեղ մի բժիշկ ընդունել էր նրա ծնունդը, ինչպես նաև զբաղվել նորածնի որդեգրմամբ։ Ջոանան որդեգրման առնչությամբ մի պահանշ էր առաջ քաշել. որդեգրողները պետք է քոլեջ ավարտած լինեին, բայց... ապագա ինժեների որդեգրողները դարձան ուսումը չավարտած մեխանիկը, իսկ մայրը՝ հաշվապահ։ Փոլը և Կլառան երեխային անվանում են Սթիվեն Փոլ Ջոնս։ Սթիվ Ջոբսի կենսաբանական մայրը շաբաթներ շարունակ չէր համաձայանում ստորագրել որդեգրման հետ կապված փաստաթղթերը, քանի որ իր պահանջը չէր կատարվել, ի վերջո, սակայն, համաձայնել էր այն պայմանով, որ որդեգրողները գումար պետք է հավաքեին Սթիվին քոլեջում սովորեցնելու համար։ Վաղ տարիքից Ջոբսն իմացել է, որ որդեգրված երեխա է. «Իմ ծնողներն ինձանից այդ թեմայի հետ կապված ոչինչ չեն թաքցրել»,–պատմել է Ջոբսը։ «Նա շատ լավ հիշում է այդ տեսարանը. նա 6 տարեկան է և իր տան մոտ՝ մարգագետնի վրա նստած հարևանի աղջկան պատմում է որդեգրման մասին»,–գրում է կայքը։ «Դա նշանակում է, որ ծնողներդ քեզ չեն ցանկացել»,–հարցնում է աղջիկը։ Սթիվի համար այդ հարցը էլեկտարական հարվածի էր նման։ «Ես վազելով տուն գնացի, արցունքները հոսում էին աչքերիցս։ Երբ մայրս և հայրս իմացան այդ մասին, ուղիղ աչքերիս մեջ նայելով ասացին. «Բնավ ոչ, դու հատուկ ես, դրա համար էլ քեզ վերցրել ենք»,–ասված է գրքում։ «Լքված, ընտրյալ, յուրահատուկ, ահա այս բառերը դարձան Ջոբսի մի մասնիկը, ինքը ևս իրեն այդպիսին էր զգում»,–գրում է կայքը։ «Կարծում եմ, որ տեղի ունեցող ամեն ինչի նկատմամբ ամբողջական վերահսկողություն հաստատելու նրա ծարավը կապված է այն բանի հետ, որ մանուկ հասակում այլ մարդիկ են նրա փոխարեն վճռել նրա ճակատագիրը։ Այժմ ինքն է ցանկանում ղեկավարել իր կյանքը։ Իսկ թողարկվող բոլոր արտադրանքներում նա իր շարունակությունն է տեսնում»,– ասում է Սթիվ Ջոբսի գործընկերներից մեկը։ Ավելի ուշ Ջոբսը հրաժարվում է սեփական աղջկանից (ավելի ուշ, սակայն, հետ է ընդունում նրան), աղջկա մայրը դա ևս բացատրում է «նրա կյանքում տեղի ունեցածով»։ «Այն հարցի պատասխանը, թե ինչու է Ջոբսը երբեմն այդքան դաժան որոշ մարդկանց նկատմամբ, թաքնված է նրա մանկության պատմության, ավելի շուտ, նրա կյանքի առաջին րոպեների մեջ։ Այն բանից հետո, երբ Ջոբսի մայրը հրաժարվեց նրանից, ստեղծվեց այնպիսի Ջոբս, ինչպիսին մենք այժմ ունենք»,–պատմում է նրա մեկ այլ գործընկերը։ «Բանն այնը չէ, որ ինձ լքել են, այլ այն, որ ես ցանկանում էի ստիպել իմ կենսաբանական ծնողներին երազել անցյալ վերադարձնելու և այդ որոշումը փոխելու մասին։ Դրա համար ես օր ու գիշեր աշխատում էի։ Բացի այդ, ես ինձ ավելի շատ յուրահատուկ էի զգում, քան լքված»,–ասել է Ջոբսը։ «Փոլը և Կլարան իմ 1000% ծնողներն են։ Իսկ Ջոանան և Աբդուլֆաթահը ձվաբջիջների և սերմանհեղուկի բանկ են»,– ասել է նա: Ջոբսը կյանքից հեռացավ հոկտեմբերի 5–ին՝ 56 տարեկան հասակում (նա քաղցկեղ ուներ)։Նրա կյանքի մասին պատմող գրքեր նախկինում էլ լույս են տեսել, սակայն դրանք ոչ պաշտոնական հրատարակություններ են եղել։ Այս գիրքը ստեղծելու համար Ջոբսը համաձայնել է հեղինակին 40 հարցազրույց տալ, թույլ է տվել շփվել ընտանիքի հետ։ |
Հավանել նորությունը
«+11» - հավանությունների քանակ
Դիտումներ: 457 | Ավելացրել է: 3DNewscomm | Հայտնի տեգեր: | Գնահատական: 1.4/11 | Ավելացվել է: 25 October 2011, 19:49 |
| Ընդհանուր Մեկնաբանությունները: 0 | |
3DNews-ի ժամը
Քվեարկե՛ք
Բաժանորդագրվել
Կարդացեք նաև
Մեր Հարցումը
3DNews-ի Twitter-ը
Եղանակ
Թեգերի ամպ
Վիճակագրություն
Կայքում գտնվում են: 1
Հյուրեր: 1
Օգտվողներ: 0
