Գլխավոր » Նորությունների արխիվ - 3DNewscomm
Արտահոսք Google-ից. Gmail-ի նոր ինտերֆեյսը
|
Հայտնի YouTube վիդեոհոսթինգում ժամանակից շուտ տեսանյութ է հայտնվել, որտեղ ցուցադրվում է Google-ի Gmail փոստի գրեթե ողջ վերամշակված ինտերֆեյսը: Ինչպես հաղորդում է Vesti.ru-ն, մոտ ժամանակներս ծառայությունից օգտվողները սպասում են նոր ինտերֆեյսի եւ նոր հնարավորությունների:
«Նոր» փոստն իր ոճով հիշեցնում է Google+ սոցիալական ցանցը: Դիզայնն ավելի «ինդուստրիալ» է դարձել, իսկ գույները` ավելի վառ: Նրանց, ում այս մինիմալիզմը դուր չի գալիս, Google-ը կառաջարկի ձեւակերպման նոր թեմաներ` տարբեր երանգներով:
Նամակների շարքը նոր տեսքով ու ավելի հարմար կլինի:
...
Կարդալ շարունակությունը »
|
Խորվաթիայում թոշակառուների համար անցկացվում են Facebook-ից օգտվելու կուրսեր
|
Խորվաթ թոշակառուներին սովորեցնում են՝ ինչպես գրանցվել Facebook սոցցանցում, գտնել հին ընկերներին, նկարներ տեղադրել և չաթ անել: Այս ամենն իրականացնում է խորվաթական ընկերություններից մեկը. հաղորդում է «Риа Новости»-ն:
Ընկերության ուսուցիչների խոսքով՝ իրենք դեռ չեն ունեցել այդքան ոգևորված աշակերտներ: Նրանք նշում են, որ թոշակառուները ցանկանում են որքան հնարավոր է արագ սովորել շփվել իրենց երեխաների ու թոռնիկների հետ: Աշակերտները նաև ցանկություն են հայտնում սովորել Skype ծրագրից՝ տեսախցիկով շփվելու համար:
Խորվաթական լրատվամիջոցները հաղորդում են, որ ամբողջական կուրսը (6 դաս, յուրաքանչյուրը՝ 45 րոպե տևողությամբ) արժե մոտ 25 դոլար: |
Երևանում կանցկացվի Kinect-ին նվիրված սեմինար
|
Մայքրոսոֆթ ինովացիոն կենտրոնը կանցկացնի «Ծանոթություն Kinect-ին և դրա ծրագրային ապահովման գործիքներին» թեմայով սեմինար, որը տեղի կունենա ս.թ. հոկտեմբերի 28-ին՝ ժ. 19.00-ին, Մայքրոսոֆթ ինովացիոն կենտրոնում: Սեմինարը կվարի «Մայքրոսոֆթ ԱրԷյ» ընկերության ծրագրավորման գործիքների պատասխանատու Դավիթ Քոչարյանը:
Սեմինարի ժամանակ հնարավորություն կտրվի ծանոթանալ Kinect տեխնոլոգիային, տեղեկանալ Windows ծրագրի համար Kinect-ի կիրառությանը և դրա ծրագրային ապահովման առանձնահատկություններին: Դասընթացին մասնակցել ցանկացողները կարող են գրանցվել` լրացնելով առցանց դիմում հայտը (http://www.micarmenia.am/arm/subscribe/90/Introduction_to_Kinect_workshop) մինչև ս.թ. հոկտեմբերի 27-ը: Մասնակիցների ընտրությունը կկատարվի ըստ դիմելու առաջնահերթության: Ընտրված մասնակիցները լրացուցիչ կտեղեկացվեն: Տեղերը սահմանափակ են:
Նշենք, որ Kinect-ը գործողությունների ազդակները վերահսկող համակարգ է, որը կիրառվում է խաղերի, զվարճանքի, գիտության և տեխնոլոգիաների ոլորտում: Օրինակ՝ Kinect-ի տեխնոլոգիան
...
Կարդալ շարունակությունը »
|
iPad 2-ի Smart Cover ծալվող մագնիսական կազմը թույլ է տվել շրջանցել պլանշետի արգելափակումը
|
Հայտնի է դարձել նոր միջոց, որը թույլ կտա հաշված րոպեների ընթացքում կոտրել Apple ընկերության կողմից թողարկված iPad 2 պլանշետային համակարգիչը: Ինչպես հայտնում է Lenta.ru-ն` հղում անելով 9to5Mac-ին, դրա համար անհրաժեշտ է սարքավորումը քնած ռեժիմ տեղափոխել, այնուհետեւ սեղմել սնուցման կոճակը մինչեւ սարքը կսկսի միանալ եւ ծածկել iPad-ը Smart Cover-ի ծալվող մագնիսական կազմով: Դրանից հետո պետք է հանել կազմը եւ սեղմել էկրանի վրա Cancel կոճակը: Սարքի արգելափակումը կհանվի:
9to5Mac նշում է, որ այս կերպ Դուք կարող եք ստանալ մուտք բոլոր ծրագրերին, այդ թվում նաև նրանց, որոնք բացված են եղել մինչև քնի ռեժիմ տեղափոխվելը: Սակայն այս կերպ, պլանշետը կարող է լուրջ հետևանքներ թողնել օգտագործողին: Օրինակ, եթե դուք բացել էիք էլէկտրոնային փոստը կարդալու ծրագիրը, ապա այդ կողմնակի մարդը (ով կկարողանա անել վերը նշվածները, որպեսզի կարողանա մուտք գործել ձեր պլանշետ) կկարողանա կարդալ ձեր էլէկտրոնային նամակները:
Նշենք, որ Smart Cover ծալվող մագնիսական կազմով կարելի է նաև շրջանցել երկեորդ սերնդի
...
Կարդալ շարունակությունը »
|
Միջազգային Սեմինար Երեւանում նվիրված հայ գրատպության 500- ամյակին
|
«Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտը, 2011 թվականի հոկտեմբերի 24-28-ին, Մշակույթի նախարարության եւ Հումանիտար համագործակցության միջպետական հիմնադրամի աջակցությամբ, անց է կացնում «Հիշողության կերպարանքները. ձեռագիր եւ տպագիր ժառանգության պահպանման ու վերականգնման նորագույն տեխնոլոգիաները» միջազգային սեմինար` նվիրված հայ գրատպության 500- ամյակին:
Մասնակցում են ԱՊՀ, Բալթյան երկրների, Վրաստանի, եվրոպական մի շարք երկրների առաջատար արխիվային, գրադարանային եւ թանգարանային հաստատությունների հեղինակավոր մասնագետներ (վերականգնողներ, ֆոնդապահներ, բարձր տեխնոլոգիաների մասնագետներ):
Նախագծի ղեկավար` Արա Խզմալյան, արվեստաբանության թեկնածու, Մատենադարանի արխիվային փաստաթղթերի պահպանման, գիտական մշակման եւ թվայնացման բաժնի վարիչ, ICOM-ի անդամ: Սեմինարը կտա երիտասարդ մասնագետների կատարելագործման, փորձի եւ մասնագիտական գիտելիքների փոխանակման ու կատարելագործման հնարավորություն: Սեմինարի ընթացքում կքննարկվեն մասնագիտական հիմնախնդիրներն ու դր
...
Կարդալ շարունակությունը »
|
Երևանի քաղաքապետը «Ռոստելեկոմ»-ի ներկայացուցիչների հետ քննարկել է «Անվտանգ քաղաք» և «Էլեկտրոնային քաղաք» նախագծերը
|
Երևանի քաղաքապետ Կարեն Կարապետյանի և «Ռոստելոկոմ» ընկերության նախագահ Ալեքսանդր Պրովոտորովի գլխավորած պատվիրակության հետ հանդիպման ժամանակ քննարկվել են քաղաքապետարանի և տեղեկատվական տեխնոլոգիաների ոլորտում ռուսական առաջատար ընկերության հնարավոր համագործակցության հարցերը:
Կարևորելով նորագույն տեխնոլոգիաների ներդրման և կիրառման դերը քաղաքային տնտեսության արդյունավետ կառավարման հարցում` Կարեն Կարապետյանը հյուրերին նախ ներկայացրել է «Ռոստելեկոմ»-ի հետ հնարավոր համագործակցության ուղղությունները: Որպես այդպիսիք, քաղաքապետի դիտարկմամբ, կարող են լինել «Անվտանգ քաղաք», «Էլեկտրոնային քաղաք» և «Ստորգետնյա այլընտրանքային հաղորդուղիների ցանց» նախագծերը, որոնց ուղղությամբ արդեն իսկ որոշակի աշխատանքներ տարվում են քաղաքապետարանի համապատասխան օղակների կողմից:
«Այդուամենայնիվ, իմ խորին համոզմամբ, քաղաքային տնտեսության բոլոր այն ոլորտները, որոնք ունեն բիզնես տրամաբանություն, պետք է կառավարվեն մասնավոր հատվածի կողմից: Այդպիսով հնարավոր կդառնա շատ ավելի արդյունավետ կառավարել ցանակ
...
Կարդալ շարունակությունը »
|
Գործարկվել է ՄԻԱՎ/ՁԻԱՀ-ի հարցերով տեղեկատվական SMS-ծառայություն
|
VivaCell-MTS-ի և Orange-ի բաժանորդները 6428 կարճ համարին կարող են հարցեր ուղղել` ՄԻԱՎ/ՁԻԱՀ-ին առնչվող տեղեկատվություն ստանալու նպատակով: Ծրագիրն իրականացվում է VivaCell-MTS-ի, Orange-ի, Հայկական Կարմիր խաչի ընկերակցության և ԱՄՆ Խաղաղության կորպուսի հայաստանյան գրասենյակի կողմից:
2011թ. հունիսի 1-ից Հայկական Կարմիր Խաչի Ընկերությունը (ՀԿԽԸ) և ԱՄՆ Խաղաղության կորպուսի հայաստանյան գրասենյակը համատեղ նախաձեռնել են «Բջջային կարճ հաղորդագրությունների տեղեկատվական թեժ գիծ» ծրագիրը, որի նպատակն է անդրադառնալ ՄԻԱՎ/ՁԻԱՀ-ի վերաբերյալ ազգաբնակչության իրազեկվածության խնդրին, արձագանքել հարցերին և նվազեցնել ՄԻԱՎ վարակի վերաբերյալ ոչ լիարժեք տեղեկատվության տարածումն ու խտրականությունը:
Ծրագրի շնորհիվ ս.թ. հոկտեմբերի 21-ից VivaCell-MTS և Orange բջջային օպերատորների բոլոր բաժանորդները հնարավորություն կունենան ՄԻԱՎ/ՁԻԱՀ-ի խնդիրներին առնչվող իրենց հուզող հարցն անանուն ուղղել տրամադրված 6428 կարճ համարին (1 SMS-ի արժեքն է 0 դրամ) և 24 ժամվա ընթացքում ստանալ ճշգրիտ ու հակիրճ պատաս
...
Կարդալ շարունակությունը »
|
Google-ը շուտով կներկայացնի բոլորովին նոր Gmail
|
Google ընկերության փոստային ծառայության`Gmail-ի նոր ինտերֆեյսի ու հնարավորությունների մասին պատմող հոլովակը պատահականորեն հայտնվել է YouTube-ում: Ընկերությունն արագ ջնջել է այն, սակայն օգտագործողները հասցրել են պահպանել այն ու տարածել:
Տեսահոլովակից ենթադրվում է , որ շուտով օգտագործողներին սպասում է մի շարք փոփոխությունների ենթարկված ու կատարելագործված Gmail:
Google-ն ավելի պարզեցրել է դիզայնը՝ նմանեցնելով այն Google + սոցցանցին, իսկ գույները դարձել են ավելի վառ: Իսկ այն օգտագործողներին, ովքեր կողմ չեն մինիմալիզմին, կառաջարկվեն նոր թեմաներ:
Նամակների «շղթաներն» այսուհետ այլ կերպ կպատկերվեն: Մասնավորապես՝ նամակներում կցուցադրվի նաև ուղարկողի նկարը:
Ինչ վերաբերում է ֆունկցիոնալությանը, ապա միակ նորամուծությունը, թերևս, կլինի որոնման նոր ինտերֆեյսը, որը թույլ կտա առանց այլ էջ տեղափոխվելու կոնկրետացնել հարցումները:
Google-ը հաստատել է, որ YouTube-ում հայտնված հոլովակը կեղծ չէ, և մոտակա օրերին Gmail-ն, իրոք, կենթարկվի փոփոխութ
...
Կարդալ շարունակությունը »
|
Զարթուցիչ, որը գիտի արթնացնելու ճիշտ ժամանակը
|
Երուսաղեմյան ինժեներական քոլեջի մասնագետները (Թամիլ-Նադու նահանգ, Հնդկաստան) ներկայացրել են զարթուցիչի նոր նախատիպ, որը «գիտի»՝ երբ արթնացնել մարդուն, որպեսզի նա հեշտ վեր կենա և իրեն առույգ զգա:
Սարքը հետևում է ուղեղի աշխատանքին և միացնում ազդանշանն այն ժամանակ, երբ ուղեղը դուրս է գալիս խորը քնից: Քնի ժամանակ ուղեղն աշխատում է մեկուկես ժամանոց ցիկլերով, որոնց ընթացքում կան պահեր, երբ արթնանալու հավանականությունն առավել բարձր է: Եթե մարդն արթնանա այդ պահին, շատ առույգ կզգա իրեն:
Մասնագետներն առաջարկել են քնելուց առաջ գլխին ամրացնել էլեկտրոդներ ու միացնել դրանք զարթուցիչին: «Հույս ունենք, որ ապագայում այդ էլեկտրոդները կդառնան անլար»,-նշել են ինժեներները International Journal of Biomedical Engineering and Technology պարբերականին տված հարցազրույցում:
Զարթուցիչում ներդրված համակարգիչը ուղեղից ստացված ազդանշանների միջոցով «հասկանում» է՝ քնի որ փուլում է գտնվում ուղեղը: Եթե առաջին կամ երկրորդ՝ հնչում է զանգը, եթե երրորդ կամ չորրորդ՝ զարթուցիչը լռում է: Ն
...
Կարդալ շարունակությունը »
|
Ստատիկ IP-հասցե` Hi-Line բաժանորդների համար
|
«ԱրմենՏել»-ը Hi-Line բաժանորդների համար հայտարարում է «Ստատիկ IP-հասցե» ծառայության գործարկման մասին: Այն նախատեսված է Hi-Line ծառայության անսահմանափակ սակագնային փաթեթների (բացառությամբ «Մեգա+» ՍՓ) բաժանորդ հանդիսացող ֆիզիկական և իրավաբանական անձանց համար: «Ստատիկ IP-հասցե» ծառայությունն ապահովում է համակարգչի մշտական էլեկտրոնային հասցե, որը չի փոխվում համակարգի վերաբեռնավորման կամ ինտերնետին վերամիացման դեպքում: Այն կտրամադրվի ինչպես նոր, այնպես էլ գործող բաժանորդներին գրավոր դիմումի հիման վրա: Ծառայության ակտիվացումն անվճար է, իսկ ամսեկան բաժանորդավճարը կազմում է 500 դրամ:
«Ծառայությունը հատկապես հարմար է այն բաժանորդներին, ում անհրաժեշտ է առանց դժվարության ապահովել իրենց համակարգչի հեռահառ հասանելիությունը, կիրառել մասնագիտացված ծառայություններ կամ խաղեր, որոնք պահանջում են ստատիկ IP-հասցեներ: Այն հնարավորություն կընձեռի մեր բաժանորդներին առավելագույն արդյունավետությամբ և հարմարավետությամբ օգտվել Ինտերնետից տանը կամ աշխատանքի վայրում», - նշեց «ԱրմենՏել» ՓԲԸ գլխավոր տնօ
...
Կարդալ շարունակությունը »
|
Samsung-ը՝ սմարթֆոնների շուկայի առաջատար
|
Samsung ընկերությունը թողարկել է ավելի քան 20 մլն սմարթֆոն այս տարվա երրորդ եռամսյակում, ինչը թույլ է տվել հարավկորեական արտադրողին առաջ անցնել Apple-ից և Nokia-ից, հաղորդում է The Wall Street Journal-ը:
Samsung-ը պաշտոնապես չի հրապարակում տեղեկություններ սմարթֆոնների վաճառքի ծավալների մասին, սակայն, ըստ Strategy Analytics վերլուծական ընկերության տվյալների, 2011-ի երկրորդ եռամսյակում առաջին տեղում էր Apple-ը: Հենց այդ եռամսյակում էր, որ Samsung-ն ու Apple-ն առաջին անգամ առաջ անցան Nokia ընկերությունից, որն աստիճանաբար կորցնում է դիրքերը սմարթֆոնային շուկայում:
Apple-ը, որն այս շաբաթ հրապարակեց այս տարվա 4-րդ քառորդի ֆինանսական հաշվետվությունը, եռամսյակի ընթացքում վաճառել է 17,07 մլն iPhone սմարթֆոն` ի տարբերություն անցած եռամսյակի 20.34 մլն արդյունքի:
Ըստ վերլուծաբանների` շատ գնորդներ հույս ունեին այս տարվա աշնանը տեսնել iPhone-ի հիմնավորապես փոխված նոր մոդել և այդ նպատակով հետաձգում էին սմարթֆոնի գնումը: Սակայն իրականում Apple-ը ներկայացրեց iPhon
...
Կարդալ շարունակությունը »
|
Դանիացի գիտնականները հերքում են բջջային հեռախոսի վնասի մասին պնդումը
|
Դանիացի գիտնականները հերքում են պնդումը, թե բջջային հեռախոսները մեծացնում են ուղեղի քաղցկեղի հավանականությունը:
Բրիտանական բժշկական պարբերականում հրապարակած հոդվածում նշվում է, որ հետազոտությանը մասնակցել է 350 հազար մարդ: Գիտնականները հայտարարում են, որ տասը տարվա ընթացքում բջջային հեռախոս օգտագործած մարդկանց մոտ քաղցկեցի մակարդակն ավելի բարձր չի եղել նույն ժամանակահատվածում բջջային հեռախոս չօգտագործած, բայց քաղցկեղ ունեցած մարդկանց թվից:
Այդուամենայնիվ, որոշ բրիտանացի գիտնականներ թերահավատորեն են մոտենում այդ հետազոտությանը, հաղորդում է BBC-ն: |
Հայաստանում 6.5 հազար ընկերություն օգտվում է էլեկտրոնային ստորագրությունից
|
Ներկա դրությամբ, 6.5 հազար մարդ Հայաստանում ունի էլեկտրոնային ստորագրություն: Այդ մասին լրագրողների հետ զրույցում ասաց ՀՀ արդարադատության նախարարի տեղակալ Արամ Օրբելյանը: Նրա տեղեկացմամբ` էլեկտրոնային ստորագրությունը տրվում է ֆիզիկական անձանց` ընկերության հիմնադրին կամ տնօրենին:
Ներկա պահին քննարկվում է այն հարցը, որ էլեկտրոնային ստորագրությունները տրամադրվեն ոչ թե ՀՀ կառավարությանն առընթեր պետեկամուտների կոմիտեի, այլ արդարադատության նախարարության պետռեգիստրի գործակալության միջոցով: Դա հատկապես օգտակար կլինի մարզերի գործարարների համար, որոնք ստիպված չեն լինի Երեւան, Վանաձոր կամ Գյումրի գնալ էլեկտրոնային ստորագրություն ձեռք բերելու նպատակով:
«Եթե հնարավոր լինի` պետռեգիստրի բոլոր 42 բաժանմունքներում կտրամադրվեն էլեկտրոնային ստորագրություններ, որը հնարավորություն կտա ստորագրությունը ստանալուց հետո այլեւս ռեգիստր չայցելել ու բոլոր գործողություններն իրականացնել առցանց»,- ասաց Ա. Օրբելյանը: |
Մուամար Կադաֆիի սպանության լուրը դարձել է Twitter-ի ամենաքննարկվող թեման
|
Լիբիայի նախկին առաջնորդ Մուամար Կադաֆիի սպանության լուրը, որ տարածվել է այսօր, գրավել է Twitter օգտագործողների ուշադրությունը: Նշենք, որ թեև լրատվամիջոցները տարածել են սպանված Կադաֆիի նկարը, նախկին առաջնորդի մահվան լուրը պաշտոնապես չի հաստատվել:
Twitter-ի թրենդներում (ամենաքննարկվող թեմաներ) հայտնվում են այն բառերը, որոնք առավել հաճախ են օգտագործվում գրառումներում (նվազագույնը՝ ժամում 10-20 հազ. անգամ):
Միկրոբլոգային ծառայությունն ունի արդեն ավելի քան 200 մլն օգտագործող, իսկ օրական հրապարակվող գրառումների թիվն անցնում է 250 միլիոնը: Հիշեցնենք նաև, որ Twitter-ն ամենամեծ ու ամենատարածված միկրոբլոգային համակարգն է աշխահում: |
Լեգո-ռոբոտը հավաքել է կուբիկ-ռուբիկը ռեկորդային ժամանակում (տեսանյութ)
|
CubeStormer II ռոբոտը կարողացել է հավաքել կուբիկ-ռուբիկը 5,35 վայրկյանում: Այս մասին հաղորդում է Gizmodo տեխնոբլոգը: Ռոբոտը 0,31 վայրկյանով ավելի արագ է հավաքել բազմագույն խաղալիքը, քան ավստրալացի Ֆելիքս Զեմդեգսը՝ կուբիկ-ռուբիկի արագ հավաքման համաշխարհային ռեկորդակիրը: 2011-ի հունիսին Melbourne Winter Open մրցումներում նա լուծել էր գլուխկոտրուկը 5,66 վայրկյանում:
Լեգո-ռոբոտը պատրաստվել է բրիտանացի ինժեներներ Մայք Դոբսոնի և Դեյվիդ Գիլդեյի կողմից: Այն կառավարվում է Galaxy S II սմարթֆոնով, որը «տեսնում» է կուբիկը ներդրված տեսախցիկի միջոցով: Ինժեներները պատրաստվում են ներկայացնել ռոբոտը TechCon ցուցահանդեսին, որը կանցկացվի Կալիֆորնիա նահանգում հոկտեմբերի 26-27-ը: CubeStormer II-ը բրիտանացիների ստեղծած առաջին ռոբոտը չէ, որ հավաքում է կուբիկ-ռուբիկ: Ավելի վաղ նրանք ներկայացրել էին CubeStormer ռոբոտը, որը կարողանում էր հավաքել խաղալիքը 12 վայրկյանում:
Կուբիկ-ռուբիկը հայտնի է դեռևս 1974թ.-ից. գլուխկոտրուկը հորինել է հունգարացի ճարտարապետ Էռնո Ռուբիկը:
...
Կարդալ շարունակությունը »
|
Մեդվեդևը այսուհետև կգրի նաև Facebook-ում
|
Ռուսաստանի նախագահ Դմիտրի Մեդվեդևը այսուհետ կշփվի քաղաքացիների հետ նաև Facebook սոցցանցում: Այս մասին նա գրել է Twitter-ի իր միկրոբլոգում (http://twitter.com/MedvedevRussia): «Որոշեցի գրել նաև Facebook-ում: Կարդացե՛ք»,-գրել է նախագահը:
Մեդվեդևը բացել է իր միկրոբլոգը 2010-ի հունիսին՝ Սիլիկոնե հովիտ կատարած այցի ժամանակ: «РИА новости»-ի փոխանցմամբ՝ առաջին իսկ օրերին նախագահին սկսել է հետևել 34 հազ. օգտագործող: Նրա միկրոբլոգը դարձել է առաջին ռուսական ըքաութը, որը ստուգվել ու հաստատվել է:
Նախագահի ֆեյսբուքյան էջը (http://www.facebook.com/President.Dmitry.Medvedev) նախկինում վարում էին ադմինիստրատորները, սակայն ինքը նախագահը դեռևս գրառումներ չէր կատարել: Նշենք, որ էջին արդեն բաժանորդագրվել է 249 հազ. օգտագործող: |
Դելֆին, Պանտերա, Թիթեռ. Orange-ը ներկայացրեց իր նոր առաջարկները
|
Այսօր Orange-ը ձայնային ծառայությունների բաժանորդների համար հանդես եկավ նոր առաջարկով՝ գաղտնազերծելով արդեն մի քանի օր առաջ եթերում հայտված կերպարների` Դելֆինի, Պանտերայի և Թիթեռի նշանակությունները: Երեք կերպարները խորհրդանշում են երեք տարբեր ամսական բաժանորդագրություններ, որոնցից յուրաքանչյուրը պատասխանում է բաժանորդի որոշակի պահանջների: Երեքն էլ ունեն տարբերակված` 4000դր., 6000դր, 10000դր .և 20000 դրամ սակագնային պլաններ:
«Մարդիկ տարբեր են, տարբեր են նրանց նախասիրությունները, տարբեր են նաև նրանց շփման ձևերը: Սա իսկական ընտրության առաջարկ է, որտեղ յուրաքանչյուրը կգտնի իրենը` ավելի շատ ձայնային հաղորդակցում, ինտերնետ, կամ շփում առանց տարբերակման: Սա իսկապես նոր խոսք է, քանի որ Հայաստանում նույնպես կզարգանան ամսական բաժանորդագրության այն սեգմենտային լուծումները, որոնք արդեն երկար տարիներ հաջողությամբ կիրառվում են արևմտյան շուկաներում»,- ասաց Orange-ի մարքեթինգի տնօրեն Արամ Մկրտչյանը:
Orange Դելֆինը նրանց համար է, ովքեր սիրում են շատ խոսել: Դելֆինի բոլոր սակագնա
...
Կարդալ շարունակությունը »
|
Մինչև տարեվերջ iPhone 4S-ը կլինի Հայաստանում
|
«Այժմ բանակցություններ են ընթանում, որպեսզի iPhone 4S-ը մինչև տարեվերջ պաշտոնապես ներկայացվի Հայաստանում»,- այս մասին այսօր լրագրողների հետ հանդիպմանն ասաց Orange Armenia-ի վաճառքի տնօրեն Արսեն Հովհաննիսյանը: Նա նշեց, որ սմարթֆոնը կառաջարկվի նաև պայմանագրային բաժանորդագրության պայմաններով, ինչը թույլ կտա ձեռք բերել այն ավելի մատչելի գնով:
Նշենք, որ այսօր Orange-ը ներկայացրեց Դելֆին, Պանտերա կամ Թիթեռ ամսական բաժանորդագրությունները, որոնցից որևէ մեկին 12 կամ 24 ամսով բաժանորդագրվելու դեպքում կարելի է միշարք հեռախոսներ ձեռք բերել մատչելի գներով. այս առաջարկի շրջանակներում Apple-ի iPhone 4-ը կվաճառվի՝ 180,000 դրամից սկսած: |
«Մեգա Best». ինտերնետի նոր փաթեթ՝ 3000 դրամ ամսավճարով
|
«ԱրմենՏել» ընկերությունը հայտարարում է Hi-Line ծառայության «Մեգա Best» 512կբ/վ թողունակությամբ նոր անսահմանափակ սակագնային փաթեթի գործարկման մասին: Վերը նշված անսահմանափակ ՍՓ-ի ամսավճարը կազմում է 3000 դրամ: Ֆիզիկական և իրավաբանական անձիք, կնքելով համապատասխան պայմանագիր, կստանան անվճար ADSL-մոդեմ և ծառայությունից առաջին ամիսն անվճար օգտվելու հնարավորություն:
«Մեգա Best» անսահմանափակ սակագնային փաթեթին կարող են միանալ ինչպես նոր, այնպես էլ հին բաժանորդները, եթե վերջիններիս մոտ չի ավարտվել գործող պայմանագրով նախատեսված պայմանգիրը չխզելու ժամկետը: Պայմանագրի գործողության ողջ ընթացքում բաժանորդը կարող է վերակնքել իր պայմանագիրը և անցնել դեպի ավելի բարձր արագություն ապահովող «Մեգա» սակագնային փաթեթ:
Պայմանագրի կնքմանը հաջորդող 18 ամսվա ընթացքում ծառայությունից հրաժարվելու դեպքում բաժանորդը վճարում է «Մեգա Best» սակագնային փաթեթի և Hi-Line 512 սակագնային փաթեթի համար նախատեսված ամսավճարների տարբերությունը` օգտագործման ժամանակահատվածի համար, ինչպես նաև մոդեմի արժեքը
...
Կարդալ շարունակությունը »
|