Գլխավոր » 2011 » Հոկտեմբեր » 24 » ՏՏ Լրատվական, Տեղեկատվական Տեխնոլոգիաներ
iPhone-ի «նախապապը» դարձավ 10 տարեկան |
Տասը տարի առաջ Apple-ը թողարկեց իր առաջին նվագարկիչը՝ iPod-ը, որն ուներ 5 գիգաբայթ հիշողություն: Թեև նվագարկիչը բավական թանկ էր ու ոչ այնքան հասանելի, շատերը կարծում են, որ հենց iPod-ից է սկիզբ առել «խնձորային» ֆանատիզմն ու ընկերության հաջողությունը: Առաջին iPod-ն ուներ մետաղյա պատյան՝ դիմային պլաստիկ պանելով: Սարքի էկրանը սև-սպիտակ էր, իսկ կառավարման կոճակները 5-ն էին ու մեխանիկական: Սենսորային կոճակները հայտնվեցին նվագարկչի հաջորդ մոդելում: iPod-ը վաճառվում էր 400 դոլարով, և այն փաստը, որ այն համատեղելի չէր Windows համակարգիչների հետ, վախեցնում էր շատ օգտագործողների: Մի տարի չանցած՝ iPod-ը սկսեց «խոսել» նաև Windows-ի հետ, իսկ հիշողության ծավալը հասցվեց մինչև 20ԳԲ: Սարքի ծրագրային ապահովման մեջ ավելացվեցին տարբեր հավելվածներ, օրինակ՝ կոնտակտների մենեջեր: Երեք տարի անց՝ 2004-ի աշնանը, iPod-ն արդեն գրավել էր ԱՄՆ-ի mp3-նվագարկիչների շուկայի 90 և շարժական սարքերի 70%-ը: Իսկ 2007-ի ապրիլին Apple-ը վաճառեց 100 միլիոներորդ iPod-ը: Այս հաջողությունները ճանապարհ հարթեցին 2007-ին թողարկվելիք iPhone-ի համար, քանի որ օգտագործողներն արդեն իսկ դարձել էին «խնձորային» ընկերության երկրպագուն: Նշենք, որ առաջին iPod-ը բոլորովին էլ ինովացիոն արտադրանք չէր. նման նվագարկիչներն արդեն վաճառվում էին շուկայում: Սակայն ընկերությունը կարողացավ գտնել դիզայնի, ինտերֆեյսի ու ֆունկցիոնալության ճիշտ համադրությունը և առաջ անցավ մրցակիցներից: |
Հավանել նորությունը
«+12» - հավանությունների քանակ
Դիտումներ: 422 | Ավելացրել է: 3DNewscomm | Հայտնի տեգեր: |
Ընդհանուր Մեկնաբանությունները: 0 | |