3DNews-ի  բաժանորդագրություն
Չորեքշաբթի, 15 May 2024
Գլխավոր » 2011 » Հոկտեմբեր » 25 » ՏՏ Լրատվական, Տեղեկատվական Տեխնոլոգիաներ
Anonymous հաքերային խումբը սկսել է պայքարել մանկական պոռնկագրության դեմ
Anonymous հաքերային խումբը կոտրել ու արգելափակել է ավելի քան 40 կայք, որոնք տարածում են մանկական պոռնկագրություն: Այդպիսով խումբը, որը հայտնի է կառավարական կայքերի ու խոշոր ընկերությունների կայքերի վրա հարձակումներով, հայտարարել է ինտերնետում մանկական պոռնկագրության դեմ պայքարի մասին. հաղորդում է The Telegraph-ը:

«Կոտրված կայքերի թվում է Lolita City կայքը, որն իր տեսակի մեջ ամենախոշորն է ու պարունակում է ավելի քան 100ԳԲ մանկական պոռնկագրություն»,-հայտարարել են հաքերները: Կայքը կոտրելուց հետո նրանք հրապարակել են Lolita City-ի ավելի քան 1500 օգտագործողների տվյալները:

Ավելի վաղ հաքերները դիմել էին կայքին հոսթինգային ծառայություններ մատուցող ընկերությանը՝ պահանջելով հեռացնել այդ բովանդակությունն ու դադարել կայքի սպասարկումը: Սակայն երբ հոսթինգ-մատակարարը ոչ մի միջոց չձեռնարկեց, հաքերները մեղադրեցին ընկերությանը մանկական պոռնկագրության գիտակցված տարածման մեջ ու կոտրեցին կայքը:

Lolita City կայքի պատասխանատուներն ու հոսթինգային ընկերությունը պարզաբանումներ չեն տվել:

Anonymous-ի համբավը տարածվեց 2010-ի վերջին, երբ խմբի անդամները հարձակումների շարք սկսեցին WikiLeaks-ի գործունեությանը խոչընդոտող ընկերությունների ու կազմակերպությունների կայքերի վրա: Հարձակման ենթարկվածների թվում էին PayPal, Visa և MasterСard-ի կայքերը:
Հավանել նորությունը
«+9» - հավանությունների քանակ
Դիտումներ: 491 | Ավելացրել է: 3DNewscomm | Հայտնի տեգեր: Porn hacking, Anonymus hackers, Anonymus | Գնահատական: 1.4/9 | Ավելացվել է: 25 October 2011, 15:53
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]