3DNews-ի  բաժանորդագրություն
Կիրակի, 28 April 2024
Գլխավոր » 2012 » Մարտ » 16 » ՏՏ Լրատվական, Տեղեկատվական Տեխնոլոգիաներ
Windows Phone սմարթֆոններով հնարավոր է դարձել կարդալ և գրել հայատառ
3DNews ՏՏ Լրատվական - Այսօր «Մայքրոսոֆթ Հայաստան» ծրագրավորման գործիքների պատասխանատու Դավիթ Քոչարյանը ներկայացրեց ընկերության կողմից մշակված երկու ծրագիր Windows Phone օպերացիոն համակարգով աշխատող սմարթֆոնների համար, որոնցով հնարավոր է հայատառ գրել և տեսնել հայերենը կայքեր այցելելիս։ Նախագծված երկու ծրագրերից մեկը՝ Armenian Browser-ն է։

Այն առանձին բրաուզեր է, որը հնարավոր է անվճար ներբեռնել Windows Phone Market ծրագրերի օնլայն խանութից և ցանկացած հայկական կայք այցելելիս՝ տեսնել և կարդալ հայատառ բովանդակությունը։ «Armenian Browser-ը հնարավորություն է տալիս անգամ հայատառ տեքստը պատճենել (copy) և տեղադրել օրինակ sms-ի մեջ»։ Դե իսկ հայատառ գրելու համար Market-ում հասանելի է Armenian Keyboard ծրագիրը, որը իրենից ներկայացնում է վիրտուալ հայատառ ստեղնաշար։

Ծրագրով կարելի է հավաքել հայերենով ցանկացած նախադասություն կամ տեքստ, ապա copy կոճակով այն պատճենել և հենց ծրագրում առկա կոճակների միջոցով պատճենած տեքստը միանգամից տեղադրել (paste) կամ sms-ի դաշտում կամ բրաուզերում կամ Bing որոնողական համակարգում։

Այժմ Nokia խանութների հետ կա համաձայնություն, ըստ որի, յուրաքանչյուր Nokia Lumia սմարթֆոնի վաճառքից առաջ վաճառող մասնագետը կարող է առաջարկել Armenian Browser և Armenian Keyboard ծրագրերը ներբեռնել սմարթֆոնի մեջ։ Մայքրոսոֆթ ընկերության հետ բանակցություններ են գնում նաև հայատառ վիրտուալ ստեղնաշարի՝ սմարթֆոններում ներկառուցված լինելու համար, սակայն, թե երբ դա կիրագործվի, պարզ չէ։
Հավանել նորությունը
«+18» - հավանությունների քանակ
Դիտումներ: 968 | Ավելացրել է: 3DNewscomm | Հայտնի տեգեր: Nokia, 3DNews, bing, Windows, Armenian Browser, Nokia Lumia, Windows phone, Armenian Keyboard | Գնահատական: 0.6/18 | Ավելացվել է: 16 March 2012, 20:49
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]