Հայտնի են աշխարհի ամենաթանկ սոցիալական կայքերը
|
3DNews ՏՏ Լրատվական - Facebook, Youtube, Twitter կայքերն աշխարհի ամենաթանկարժեք սոցիալական կայքերի բրենդերն են: BV4 վարկանիշային գործակալությունը՝ Ցյուրիխի կիրառական գիտությունների Համալսարանի հետ մեկտեղ, կազմել է ամենաթանկ սոցիալական ցանցերի վարկանիշային աղյուսակը:
Առաջին տասնյակում գտնվում են ԱՄՆ-ի և Չինաստանի սոցիալական կայքերը: Ռուսական ամենահայտնի ու օգտագործողների ամենամեծ լսարանով՝ ВКонтакте սոցիալական ցանցըը գտնվում է 11-րդ հորիզոնականում, իսկ Одноклассники-ին` 15-րդ հորիզոնականում: Ամենահետաքրքիրն այն է, որ Google+ սոցիլական կայքը վարկանիշային աղյուսակում զբաղեցրել է ընդամենը 23-րդ հորիզոնականը:
Աղյուսակը գլխավորում է Facebook սոցցանցը, որի արժեքը գնահատվում է 29.115 միլիարդ դոլար: Երկրորդ տեղը զբաղեցնում է Youtube-ը (18.099 միլիարդ դոլար), իսկ երրորդ տեղում Twitter–ն է (13.309 միլիարդ դոլար): Տասներեք ամենաթանկ սոցիալական կայքերի բրենդերի ընդհանուր արժողությունը հասնում է 125 միլիարդ դոլարի:
...
Կարդալ շարունակությունը »
|
«ԱրմենՏելը» չորս անգամ նվազեցնում է կորպորատիվ ինտերնետի գները
|
3DNews ՏՏ Լրատվական - «ԱրմենՏել» ընկերությունը (ապրանքանիշը Beeline) հայտարարում է իրավաբանական անձանց համար «Կորպորատիվ ինտերնետ» ծառայության սակագների էական նվազեցման մասին: Միջին հաշվարկներով՝ բաժանորդային վարձավճարը նվազել է 4 անգամ:
Մասնավորապես, 1 Մբ/վ թողունակությամբ երաշխավորված սիմետրիկ կապուղու տրամադրման ամսեկան վճարը կկազմի 34800 դրամ, 2 Մբ/վ` 62400 դրամ, իսկ 3 Մբ/վ` 90 հազար դրամ: «Կորպորատիվ ինտերնետ» ծառայությունը` կորպորատիվ բաժանորդներին գերարագ ինտերնետի կապուղիների տրամադրումն է:
Ինտերնետ ցանցին մուտքն ապահովվում է ընկերության ենթակառուցվածքով, MPLS ցանցի միջոցով Հայաստանի տարածքում CDN հանգույցների առկայության վայրերում: Հաճախորդը ստանում է մուտք ինտերնետ ցանց, առանց տրաֆիկի սահմանափակման, երաշխավորված, սիմետրիկ (uploading/downloading - վերբեռնում/ներբեռնում) արագությամբ (contetion ratio 1/1): |
|
