3DNews-ի  բաժանորդագրություն
Երեքշաբթի, 19 March 2024
Գլխավոր » 2012 » Մարտ » 07 - 3DNewscomm

   


Anonymous-ի հաքերները կոտրել են Վատիկանի կայքը

3DNews ՏՏ Լրատվական - Anonymous-ի հաքերները շարքից հանել են Վատիկանի պաշտոնական կայքը, հաղորդում է «Ֆրանս պրես» գործակալությունը: Ավելի վաղ, չորեքշաբթի օրը, հաղորդվում էր, որ «անոնիմները» կոտրել են հակավիրուսային Panda Security ընկերության կայքը, որի աշխատակիցները, ըստ իրենց, աջակցել են հաքերական խմբավորման մի քանի տասնյակ անդամների ձերբակալությանը:

Սակայն, Կաթոլիկ եկեղեցու Սուրբ Աթոռի կայքը կիբեռհարձակման ենթարկելու պատճառը ոչ թե ձերբակալված համախոհների համար վրեժ լուծելն է, այլ հաքերների հակակղերական տրամադրությունները: «Անոնիմները այսօր որոշել են ձեր կայքը (Հռոմեական կաթոլիկ եկեղեցու) արգելափակել ` ի պատասխան ձեր հնացած և վերացական գաղափարների, որոնք ձեր` շահույթի ստացմանը կողմնորոշված կազմակերպությունը տարածում է ամբողջ աշխարհում», - գործակալությունը մեջբերում է Anonymous հաքերային խմբավորման իտալական ստորաբաժանման կայքում հրապարակված հայտարարությունը:

Հրապարակված հայտարարության մեջ ընդգծվում է, որ Վատիկանի կայքի վրա իրականացված կիբեռհարձակումը ուղղված չէ ինքնին քրիստոնեության և քրիստոնյաների դեմ, այլ ուրիշ նպատակներով: ... Կարդալ շարունակությունը »





Գերմանիայի դատարան. Facebook-ն անօրինական տիրանում է օգտագործողների էլ.հասցեներին

3DNews ՏՏ Լրատվական - Ըստ Գերմանիայի դատարանի, Facebook սոցցանցը իր օգտագործողներին պատշաճ կերպով չի տեղեկացնում, թե ինչպես է օգտագործում էլեկտրոնային հասցեները թե՛ օգտագործողի և թե՛ օգտագործողի ընկերների։ Facebook-ի «Գտնել ընկերներին» ֆունկցիան թույլ է տալիս գտնել ծանոթներին նաև այլ օնլայն ռեսուրսներում, և Facebook-ին միանալու հրավերներ ուղարկել։

Այս որոնումը կարելի է կատարել հենց էլեկտրոնային փոստի միջոցով։ Բեռլինի դատարանը որոշել է, որ Facebook-ն անօրինական պահանջում է օգտագործողներից իրավունք՝ օգտագործելու իրենց կողմից վերբեռնվող բովանդակությունը, գրում է Bloomberg-ը։ 2011-ին Գերմանիայի դատարանի կողմից Facebook-ն արդեն մեղադրանքներ ստացել էր։

Եվ այդ ժամանակ համաձայնություն էին կայացրել, որ պետք է այն մարդկանց, ովքեր Facebook օգտագործող չեն, զգուշացնեն, որ իրենց հասցեները հասանելի են ցանցի համար: Facebook-ի ներկայացուցիչները դեռևս չեն մեկնաբանում Բեռլինի դատարանի որոշումը։ Facebook-ն աշխարհի ամենախոշոր սոցիալական ցանցն է 850 միլիոն օգտ ... Կարդալ շարունակությունը »





Anonymous-ը կոտրել է Panda Security հակավիրուսային ընկերության կայքը

3DNews ՏՏ Լրատվական - Anonymous հաքերային խմբավորումը կոտրել է Panda Security հակավիրուսային ընկերության կայքը, որի աշխատողները, Anonymous-ի կարծիքով, նպաստել են LulzSec խմբավորման ենթադրվող անդամների կալանքին, հաղորդում է Zdnet.com տեղեկատվական լրատվականը:

Հարձակման ընթացքում հաքերները փոխել են Panda Security ընկերության կայքի 36 էջերը, հայտարարելով, որ դա վրեժ է նրա համար, որը ընկերությունը համագործակցել է ՀԴԲ հետ: «Նրանք նպաստել են Anonymous-ի տարբեր երկրներից 25 անդամների ձերբակալմանը և ամեն կերպ օգնել են տեղեկատվություն հավաքել մեր մյուս համախոհների մասին»,- գրել են Anonymous խմբավորման ներկայացուցիչները կոտրած կայքի գլխավոր էջում:

Ավելի վաղ հայտնի է դարձել այն մասին, որ ՀԴԲ-ն ձերբակալել է LulzSec հաքերային խմբավորման 5 առանցքային անդամների, որն առավել հայտնի է Sony ընկերության կայքերը կոտրելու հետ կապված: Պարզվել է, որ համախոհների մասին տվյալներ է հավաքել LulzSec նախագահը՝ Sabu նիկի տակ հանդես եկող գործազուրկ ամերիկացին, ով անցած տար ... Կարդալ շարունակությունը »





«ԱրմենՏելն» իր Facebook-յան էջում կազմակերպել է տոնական մրցույթ

3DNews ՏՏ Լրատվական - «ԱրմենՏելը» Facebook-ի իր Beeline Armenia պաշտոնական էջում հայտարարում է «Ամենագեղեցիկն իմ աչքերով» մրցույթի անցկացման մասին: Մրցույթի հաղթողները մրցանակ կստանան USB-մոդեմներ և «Դրայվ-10», «Դրայվ-5», «Դրայվ-1» սակագնային փաթեթներ առաջին, երկրորդ և երրորդ տեղերի համար համապատասխանաբար, տեղեկացնում են ընկերության մամլո ծառայությունից։

«Ամենագեղեցիկն իմ աչքերով» մրցույթին կարող են մասնակցել բոլոր այն անձիք, ում 18 տարին լրացել է, և ովքեր Beeline Armenia էջին բաժանորդագրված են: Անհրաժշետ է մարտի 7-ից մինչև մարտի 13-ը Pr@Beeline.am էլեկտրոնային հասցեին ուղարկել լուսանկար, նկար, հեղինակային հոլովակ կամ բոլորը մեկում «Ամենագեղեցիկն իմ աչքերով» թեմայով:

Բոլոր այն աշխատանքները, որոնք կբավարարեն մրցույթի պահանջներին, մարտի 13-ին կտեղադրվեն Beeline Armenia էջում: Այն աշխատանքները, որոնք մինչև մարտի 20-ը` կհավաքեն ամենաշատ Like, կճանաչվեն մրցույթի հաղթողներ: Էլեկտրոնային նամակում հեղինակը պետք է անպայման նշի Facebook-ում իր անձնական էջի հասցեն: ... Կարդալ շարունակությունը »





Anonymous-ը կիբեռհարձակման է ենթարկել Թուրքիայի վարչապետ Էրդողանի կայքը

3DNews ՏՏ Լրատվական - Anonymous հաքերային խմբի հերթական թիրախը դարձել է Թուրքիայի վարչապետ Ռեջեփ Թայիփ Էրդողանի տեղեկատվական ցանցը: Վարչապետի տեղեկատվական ցանցի վրա հարձակման մասին հաղորդագրությունից հետո Էրդողանի աշխատակազմի տեղեկատվական անվտանգության հինգ մասնագետներ ձեռնամուխ են եղել տեղեկատվական ցանցի պաշտպանությանը:

«Կիբերհարձակումների» ընթացքում վարչապետի աշխատողները և Anonymous հաքերային խմբի հաքերըները փոխանակել են վիրավորական արտահայտություններ: Տեղեկատվական անվտանգության աշխատողները, պարզելով, որ հարձակումները կատարվում են Չինաստանից և ԱՄՆ-ի Վիրջինիա նահանգի համալսարաններից մեկից, անջատել են այդ համալսարանի ինտերնետը, որից հետո միայն հաջողվել է թուրք մասնագետներին դադարեցնել կիբեռհարձակումը:

Վերջերս ոստիկանությունն ԱՄՆ-ում և Իռլանդիայում ձերբակալել է Anonymous հաքերային խմբի վեց ենթադրվող մասնակիցների: ԱՄՆ-ում ձերբակալվել են այդ կազմակերպության հինգ անդամներ: Եվս մեկ հոգի ձերբակալվել է Իռլանդիայում: Ամերիկյան ԶԼՄ-ները նշում են, որ ԱՄՆ տարածքում ձերբակալվել են երկու բրիտանացիներ, երկու իռլան ... Կարդալ շարունակությունը »





Google-ը ներկայացրել է iTunes-ի մրցակցին՝ Google Play-ին

3DNews ՏՏ Լրատվական - Google ընկերությունը գործարկել է իր սեփական Google Play ամպային ծառայությունը։ Այն թույլ է տալիս ձեռք բերել` երաժշտություն, գրքեր, ֆիլմեր, տեսանյութեր և բջջային ծրագրեր։ Թույլ է տալիս նաև պահպանել այդ ամենը հատուկ ծավալով ամպային տարածության մեջ: Այս նոր ամպային (ծառայության) համակարգի մասին ընկերությունը հայտարարել է իր պաշտոնական բլոգում։

Google Play ամպային ծառայությունը կփոխարինի Android Market օնլայն խանութին, որի միջոցով բոլոր ֆայլերը հասանելի կլինեն թե՛ համակարգիչներից և թե՛ Android սմարթֆոններից ու պլանշետներից։ Այս նոր ծառայությունը կներառի իր մեջ Google Music խանութը, Google eBookstore օնլայն գրքերի խանութը։

Google Play առյաժմ գործարկվում է միայն ԱՄՆ-ում։ Իսկ Կանադայի և Մեծ Բրիտանիայի օգտագործողները հնարավորություն կստանան գնել ֆիլմեր, գրքեր, ծրագրեր, Ավստրալիայի օգտագործողները՝ գրքեր և ծրագրեր, Ճապոնիայի օգտագործողները՝ ֆիլմեր և ծրագրեր։ Իսկ մնացյալ երկրներում հասանելի կլինեն միայն ծրագրերը։ Հետագայում ... Կարդալ շարունակությունը »





Այսօր երեկոյան Apple-ը կներկայացնի iPad 3-ը

3DNews ՏՏ Լրատվական - Այսօր` մարտի 7-ին Սան Ֆրանցիսկոյում Երևանի ժամանակով ժամը 22։00-ին Apple ընկերությունը կներկայացնի երկար սպասված iPad պլանշետի երրորդ սերունդը։ Հնարավոր է, որ ընկերությունը բացի iPad 3-ից ներկայացնի նաև պլանշետի Smart Cover պատյանի նոր տարբերակը։

Ըստ մամուլում երկար ժամանակ տարածվող լուրերի, iPad 3-ն ունենալու է սենսորային Retina էկրան՝ 2048x1536 պիքսելային թույլատվությամբ, ինչը երկու անգամ մեծ է iPad 2-ից։ Այն համատեղելի է լինելու 4G LTE ցանցի հետ և սպասվում է, որ հագեցած է լինելու Siri ձայնային կառավարման համակարգով։

Ըստ որոշ հրապարակումների, հնարավոր է, որ սպասվող A6 պրոցեսորի փոխարեն iPad 3-ը հագեցած լինի A5X կոչվող պրոցեսորով, ինչից կարելի է ենթադրել, որ Apple-ը կներկայացնի ոչ թե iPad 3, այլ iPad 2S: Լուրերը նաև նշում են, որ այն ունենալու է 8 մեգապիքսել ֆոտոխցիկ։ Առաջին iPad-ը թողարկվել է 2010-ի հունվարի 27-ին, իսկ iPad 2-ը 2011 թվականի մարտի 2-ին։





Facebook-ի աշխատակազմ. Խափանումը տեխնիկական էր

3DNews ՏՏ Լրատվական - Facebook սոցիալական ցանցի աշխատակազմը եվրոպացի (այդ թվում Հայաստանի) օգտագործողների համար սոցցանցի անհասանելիությունը բացատրել է տեխնիկական խափանմամբ, հայտնում է Ֆրանսիական՝ Agence France-Presse լրատվական գործակալությունը:

«Խնդիրը լուծված է, Facebook սոցիալական ցանցն արդեն պետք է հասանելի լինի բոլոր օգտագործողներին»,-հայտարարել է Facebook-ի ներկայացուցիչը: Սակայն նա չի բացահայտել խափանման բնույթն ու պատճառները: Այսօր մարտի 7-ին մի շարք եվրոպական երկրների, այդ թվում Հայաստանի, օգտատերերը մոտ 2 ժամ չէին կարողանում մուտք գործել Facebook: Չէր աշխատում ոչ միայն սոցցանցի կայքը, այլ նաև բջջային հավելումները:

Ընդ որում, հանրաճանաչ վիճակագրական սերվիսները ինտերնետ-ռեսուրսների (սոցիալական ցանցերի) մատչելիության մոնիտորինգի համար հայտնում էին Facebook սոցցանցի բնականոն աշխատանքի մասին: ... Կարդալ շարունակությունը »