3DNews-ի  բաժանորդագրություն
Չորեքշաբթի, 23 Օգոստոս 2017
Գլխավոր » 2012 » Մարտ » 18 » ՏՏ Լրատվական, Տեղեկատվական Տեխնոլոգիաներ
Սմարթֆոնը ծառայից վերածվում է տիրոջ


3DNews ՏՏ Լրատվական - Սմարթֆոններն իրենց տերերին մեծ հնարավորություններ են տալիս: Նրանք հնարավորություն են ընձեռում աշխատել հեռավորության վրա, ժամանակ եւ ուժեր չվատնել խեղդուկ տրանսպորտով տեղ հասնելու վրա եւ այլն: Սակայն The Economist պարբերականը զգուշացնում է, որ հլու ծառան (այսինքն սմարթֆոնը, որը դուք օգտագործում եք) հեշտությամբ կարող է վերածվել տիրոջ:

Մինչեւ վերջին ժամանակները հնարավոր էր ցանկացած պահի միայն բժիշկներին զանգահարել, իսկ հիմա` բոլորին: Աշխատանքն ագրեսիվորեն ներդրվում է մեր տնային տարածության մեջ. նորմալ մարդիկ մոլագարների նման անընդհատ ստուգում են հաղորդագրություններն ու զանգերը, անգամ` ճաշի ժամին, եւ իրենց օրն սկսում ու ավարտում են հաղորդագրություններ ուղարկելով և զանգեր ստանալով:

Պարբերականի մեկնաբանի կարծիքով` դա մասնավորապես բացատրվում է նրանով, որ սմարթֆոնները կախվածություն են առաջացնում: Երբ մարքեթինգի գուրու Մարտին Լինդստրոմը ուսումնասիրել էր, թե որ 10 հնչյուններն են ամենամեծ ազդեցությունը թողնում մարդու վրա, պարզվել է, որ երրորդ տեղում բջջային զանգն է:Սմարթֆոնների շնորհիվ մենեջերների համար ավելի հեշտ է վերջին րոպեներին փոխել որոշումները: Աշխատակիցների համար ավելի դժվար է սահմանազատել աշխատանքային ժամը ոչ աշխատանքայինից: Մենջերներն աշխատում են խուսանավել աշխատանքային օրվա երկու տարբերակների միջեւ` խորհրդակցություններով հագեցած պաշտոնական մասի եւ էլեկտրոնային նամակներով եւ հաղորդագրություններով լի ոչ պաշտոնական մասի միջեւ: Եւ դա ոչ ի շահ ընտանիքի եւ առողջության, եզրակացնում է պարբերականը:

Ինչպե՞ս սմարթֆոններին տեղը դնել: Լուծումներից մեկը թվային դիետան է: Օրինակ, եթե արգելեք ինքներդ ձեզ մինչ նախաճաշն օգտվել համացանցից, ապա դա արդեն բավականին կկանոնակարգի ձեր թվային կյանքը: Տեքստային հաղորդագրությունների վրա արգելքը հանգստյան, կամ, օրինակ, հինգշաբթի օրերին, iPhone-ի հետ հարաբերություններում նույնպես թույլ կտա հասկանալ, թե ով է իրականում տերը, վստահեցնում է The Economist-ի մեկնաբանը:Նա նաեւ կարծում է, որ խելացի մեքենաներին կարող են խորամանկությամբ գերազանցել միայն ընկերությունները` աշխատակիցներից պահանջելով ժամանակ առ ժամանակ անջատել իրենց էլեկտրական սարքավորումները, հաղորդում է BFM.RU-ն:

Հավանել նորությունը
«+18» - հավանությունների քանակ


Դիտումներ: 434 | Ավելացրել է: 3DNewscomm | Հայտնի տեգեր: 3DNews, սմարթֆոն, հաղորդագրություն, The Economist, հնարավորություն | Գնահատական: 0.4/18 | Ավելացվել է: 18 Մարտ 2012, 00:31





Ընդհանուր Մեկնաբանությունները: 0

Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]