Գլխավոր » 2012 » Մարտ » 18 » ՏՏ Լրատվական, Տեղեկատվական Տեխնոլոգիաներ
Միզող ֆրանսիացուն պարտավորեցրել են անձամբ վճարել Google France-ին` անպարկեշտ լուսանկարի համար |
3DNews ՏՏ Լրատվական - Ամերիկյան դատարանը հրաժարվել է բավարարել միզող ֆրանսիացու դատական հայցն ընդդեմ Google France ընկերության: Ավելին, հայցվորին (միզող ֆրանսիացուն) պարտավորեցրել են վճարել պատասխանող կողմի դատական ծախսերը: Այս մասին հաղորդում է 3DNews լրատվականը: Ինչպես հաղորդում է Lenta.Ru-ն, տղամարդը պետք է Google France -ին 1200 եվրո վճարի: Դատարանն իր որոշումը հիմնավորել է այն փաստով, որ ֆրանսիացու լուսանկարը հրապարակվել է Google Inc. ընկերության կողմից, մինչդեռ նա հայց է ներկայացրել ընդդեմ Google France-ի դուստր ընկերության: Հիշեցնենք, որ Ֆրանսիայի գյուղական շրջաններից մեկի բնակիչը «հանրհայտ» էր դարձել այն բանից հետո, երբ բնական կարիքը հոգալու պահին արված նրա լուսանկարը տեղադրվել էր Google Street View ծառայությունում: Google Street View ծառայությունը հատուկ մեքենաների վրա տեղադրված տեսախցիկների բլոկի օգնությամբ ֆիքսում է շրջապատկերը` 2,5 մ բարձրությունից, հենց այդ ժամանակ էլ տեսխցիկներն արձանագրել են 50-ամյա ֆրանսիացուն: Թեեւ ծառայության հատուկ սարքը նկարում հայտնված պատահական մարդկանց դեմքերն ու մեքենաների համարները անճանաչելի է դարձնում, այնուհանդերձ, ֆրանսիացին պնդում է, թե գյուղի բնակիչները, որոնց թիվը մոտ 3000 է, իրեն ճանաչել են եւ ինքը ծիծաղի առարկա է դարձել: Որպես բարոյական փոխհատուցում` նա պահանջում էր 10 հազար եվրո: Google-ի ներկայացուցիչներն ավելի վաղ խոստացել էին հեռացնել լուսանկարը, սակայն հրաժարվել էին փոխհատուցումը վճարելուց: |
Հավանել նորությունը
«+18» - հավանությունների քանակ
Դիտումներ: 904 | Ավելացրել է: 3DNewscomm | Հայտնի տեգեր: | Գնահատական: 0.6/18 | Ավելացվել է: 18 March 2012, 00:25 |
| Ընդհանուր Մեկնաբանությունները: 0 | |
3DNews-ի ժամը
Քվեարկե՛ք
Բաժանորդագրվել
Կարդացեք նաև
Մեր Հարցումը
3DNews-ի Twitter-ը
Եղանակ
Թեգերի ամպ
Վիճակագրություն
Կայքում գտնվում են: 1
Հյուրեր: 1
Օգտվողներ: 0
