Գլխավոր » 2012 » Մարտ » 17 » ՏՏ Լրատվական, Տեղեկատվական Տեխնոլոգիաներ
ՀՀ վարչապետ. ՏՏ ոլորտը մեծ զարգացում է ապրում Հայաստանում |
3DNews ՏՏ Լրատվական - Վարչապետ Տիգրան Սարգսյանը և Ինֆորմացիոն տեխնոլոգիաների ձեռնարկությունների միության խորհրդի անդամներն այսօր առավոտյան աշխատանքային նախաճաշի ընթացքում քննարկել են տեղեկատվական տեխնոլոգիաների ոլորտի զարգացման հեռանկարները: Մասնավորապես նշվել է, որ մեր երկրում ՏՏ բնագավառը ներկայում բավականին մեծ զարգացում է ապրում. հայաստանյան շուկա են մուտք գործում միջազգային տարբեր ընկերություններ, առկա է աշխատուժի լուրջ պահանջարկ: Այդ համատեքստում քննարկվել է կադրերի պատրաստման խնդիրը, մասնավորապես, Հայաստանի պետական ճարտարագիտական համալսարանում (Պոլիտեխնիկ) «National Instruments» ընկերության հետ համատեղ Հայկական ազգային ինժեներական լաբորատորիայի ստեղծման հարցը: Ինֆորմացիոն տեխնոլոգիաների ձեռնարկությունների միության գործադիր տնօրեն Կարեն Վարդանյանը գոհունակություն է հայտնել ծրագրի իրականացման ընթացքից և համոզմունք հայտնել, որ այն հաջողությամբ կհասցվի իր տրամաբանական ավարտին: Անդրադարձ է կատարվել նաև մարզերում ՏՏ բնագավառի զարգացման խնդրին: Այդ համատեքստում քննարկվել են Գյումրու տեխնոպարկի ուղղությամբ կատարվող աշխատանքները: Առաջարկվել է նույն գաղափարն իրականացնել նաև Վանաձորում: Զրուցակիցներն արծարծել են նաև ռազմաարդյունաբերության զարգացման գործում ՏՏ ոլորտի ընկերությունների ներգրավմանը, 2012 թվականին նախատեսվող միջոցառումների իրականացմանը վերաբերող հարցեր: |
Հավանել նորությունը
«+14» - հավանությունների քանակ
Դիտումներ: 878 | Ավելացրել է: 3DNewscomm | Հայտնի տեգեր: | Գնահատական: 0.6/14 | Ավելացվել է: 17 March 2012, 00:16 |
| Ընդհանուր Մեկնաբանությունները: 0 | |
3DNews-ի ժամը
Քվեարկե՛ք
Բաժանորդագրվել
Կարդացեք նաև
Մեր Հարցումը
3DNews-ի Twitter-ը
Եղանակ
Թեգերի ամպ
Վիճակագրություն
Կայքում գտնվում են: 1
Հյուրեր: 1
Օգտվողներ: 0
