3DNews-ի  բաժանորդագրություն
Երեքշաբթի, 30 April 2024
Գլխավոր » 2012 » Մարտ » 22 » ՏՏ Լրատվական, Տեղեկատվական Տեխնոլոգիաներ
Հարցում. Հայաստանում ապագան ինտերնետային լրատվամիջոցներինն է
3DNews ՏՏ Լրատվական - Հայաստանի Հանրապետության մայրաքաղաքում եւ 57 այլ բնակավայրերում անցկացված հարցման արդյունքներով պարզվել է, որ բնակչությունը հիմնականում քաղաքականության մասին իրազեկվում է համացանցից, եւ ապագան միայն համացանցային լրատվամիջոցներինն է:

Այդ մասին, այսօր՝ մարտի 22-ին, լրագրողների հետ հանդիպման ժամանակ նշեց Հայաստանի Հանրապետության եվրոպական բարեկամների կազմակերպության գլխավոր քարտուղար Մայքլ Քամբերքը՝ ավելացնելով, որ անցկացված հարցման արդյունքներում սխալի չափը կազմում է 2.4 տոկոս:

Ըստ Քամբերքի, քաղաքական տեղեկացվածության մասին հարցումը ցույց է տալիս, որ ապագան պատկանում է ինտերնետին` տեղեկատվություն ստանալու համար երիտասարդությունն աստիճանաբար անցնում է հեռուստատեսությունից դեպի ինտերնետ: Հարցմանը մասնակցած 18-29 տարեկանների 48 տոկոսը, 30-49 տարեկանների 30 տոկոսը, 50- 69 տարեկանների 21 տոկոսը եւ 70 տարեկանների 4 տոկոսը քաղաքականության մասին տեղեկանում են ինտերնետից:

Տեղեկացվածության վերաբերյալ 5 տարի առաջվա հետ համեմատության մասին հարցին ի պատասխան մասնակիցների 42 տոկոսը նշել է, որ Հայաստանում ընդհանուր իրավիճակը մասամբ լավացել է, 24 տոկոսի կարծիքով, վիճակն զգալիորեն վատացել է, 20 տոկոսը համարում է, որ վիճակը մասամբ վատացել է, 8 տոկոսը՝ իրավիճակն զգալիորեն լավացել է եւ 6 տոկոսը գտնում է, որ ամեն ինչ մնացել է նույնը:

Երկրի ընդհանուր վիճակի մասին հարցի վերաբերյալ հարցման մասնակիցների 40%-ը կարծիք է հայտնել, որ երկրի վիճակը վատ է, 25% -ը նշել է, որ վիճակը ավելի շուտ վատ է, քան` լավ, եւս 25%-ի կարծիքով՝ վիճակն ավելի շուտ լավ է, քան վատ, իսկ 10%-ի գնահատմամբ՝ վիճակը լավ է:

Նշենք, որ հարցումն իրականացրել են IPSC-ն ու ՀԵԲ-ը, իսկ TNS opinion-ն ապահովել է որակի ստուգումը եւ ընդհանուր վերահսկողությունը: Աշխատանքներն իրականացվել են 2012թ-ի փետրվարի 29-ից մարտի 5-ը:

ՀԵԲ-ը հիշյալ հարցումն իրականացրել է ոչ որպես տեղական եւ ոչ կուսակցական հասարակական կազմակերպություն եւ հենց անաչառության ու որակի հնարավոր ամենաբարձր չափանիշներն ապահովելու համար հարցման ողջ ընթացքը վերահսկվել է հարցումներ իրականացնող հայտնի TNS opinion միջազգային կազմակերպության կողմից:
Հավանել նորությունը
«+27» - հավանությունների քանակ
Դիտումներ: 975 | Ավելացրել է: 3DNewscomm | Հայտնի տեգեր: 3DNews, լրագրող, հիմնականում քաղաքականության մասին, մայրաքաղաք, IPSC, Հայաստան, TNS opinion | Գնահատական: 0.3/27 | Ավելացվել է: 22 March 2012, 21:31
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]