3DNews-ի  բաժանորդագրություն
Երեքշաբթի, 08 September 2026
Գլխավոր » Նորությունների արխիվ - 3DNewscomm
   
Apple-ը շատ արագ փորձում է շտկել iPhone 4S-ի նոր խնդիրը
The Guardian թերթի պաշտոնական կայքի խոսքերով, Apple ընկերության ինժեներներից մի քանիսը կապ են հաստատել iPhone 4S-ի օգտագործողների հետ, որոնք բողոքներ են ներկայացրել սմարթֆոնի մարտկոցի խնդրի մասին:

Օգտագործողներին խորհուրդ է տրվել տեղադրել իրենց սմարթֆոններում մատկոցի թուլության աղտորոշման ծրագիր: Ինչպես պարզվել է, այս մոդելի մարտկոցը ավելի շատ է սնուցում հեռախոսը, քան նախորդ մոդելը: iPhone 4S-ի վաճառքը սկսել է հոկտեմբերի 14-ից և մինչ այսօր Ընկերությունը վաճառել է 4 միլիոնից ավել սմարթֆոն, որը դարձել է նոր ռեկորդ:

iPhone 4S-ը համարվում է վերջին սմարթֆոնը Apple-ի կողմից, որի վրա աշխատել է Սթիվ Ջոբսը:

Samsung-ը կսկսի ճկվող էկրաններով հեռախոսների արտադրությունը 2012-ին
Samsung ընկերությունը ծրագրում է 2012-ին սկսել ճկվող էկրաններով հեռախոսների արտադրությունը: Հաղորդում է PCWorld-ը՝ հղում անելով ընկերության հայտարարությանը:

Ավելի վաղ Samsung-ը և այլ ընկերություններ ներկայացրել են նմանատիպ սարքերի նախատիպեր, սակայն դրանց մասսայական թողարկում ու վաճառք չի սկսվել: Վերջերս Nokia-ն ևս ներկայացրեց ճկվող էկրանով հեռախոս, սակայն ընկերությունը կոմերցիոն նպատակներ չունի այդ հեռախոսի հետ կապված:

Samsung-ի ներկայացուցիչների խոսքով՝ ապագայում ճկվող էկրանները տեղադրվեն նաև պլանշետներում և այլ սարքերում:

Avira անտիվիրուսն իրեն նույնականացրել է որպես վիրուս
Անտիվիրուսային Avira ծրագիրն անտիվիրուսային բազաների թարմացումից հետո իր իսկ ներսում վիրուս է գտել:

Ինչպես տեղեկացնում է Оszone.net-ը, AESCRIPT.dll ֆայլը, որն անհրաժեշտ է ծրագրի գործարկման համար, կոչվել է TR/Spy.463227 եւ նույնականացվել է որպես լրտես:

Հիշեցնենք, որ մեկ ամիս առաջ նմանատիպ իրավիճակում էր հայտնվել Microsoft ընկերությունը: Այդ ժամանակ ընկերության Microsoft Security Essentials անտիվիրուսը վիրուս էր հայտնաբերել Google Chrome-ում: Microsoft-ն օպերատիվ կերպով շտկել էր սխալը եւ ներողություն խնդրել օգտագործողներից:

Հայաստանում ամենահաճախելի կայքը YouTube-ն է
Alexa վարկանշային համակարգի վիճակագրական տվյալներով` YouTube վիդեոհոսթինգն ամենահաճախելի կայքն է Հայաստանում: Նշենք, որ ս.թ. փետրվարի տվյալներով՝ կայքը երրորդ տեղում էր, իսկ ցուցակում առաջատար էր Google.com որոնողական կայքը, որն այժմ երրորդ ամենահաճախելին է:

Երկրորդ տեղում իր դիրքերն է պահպանել Facebook սոցցանցը, որն այս պահի դրությամբ Հայաստանում ունի 220 հազար օգտագործող (Socialbakers.com): Odnoklassniki.ru-ն նույնպես մնացել է նույն հորիզոնականում (4-րդ տեղ):

Իսկ ահա Twitter միկրոբլոգային համակարգը, որը կես տարի առաջ 17-րդ հորիզոնականում էր, զիջել է դիրքերը՝ հայտնվելով 23-րդ տեղում: ... Կարդալ շարունակությունը »

«Одноклассники»-ն թույլ կտա ընտրել՝ ընկերներից ովքեր կարող են կարդալ կարգավիճակները
«Одноклассники» սոցցանցը թողարկել է մասնավոր կարգավիճակների ֆունկցիա, որը թույլ է տալիս ընտրել՝ ովքեր կարող են կարդալ հրապարակված կարգավիճակները: Հաղորդում է սոցցանցի ադմինիստրացիան:

Գարնանը «Одноклассники»-ում ավելացվել ընկերներին հինգ խմբերի բաժանելու ֆունկցիա՝ «լավագույն ընկեր», «ընկեր», «համադասարանցի», «գործընկեր» կամ «ազգական»: Այժմ կարգավիճակներ հրապարակելիս օգտագործողը կարող է ընտրել այս հինգ խմբերից մեկը կամ մի քանիսը: Դրա համար անհրաժեշտ է սեղմել փոքրիկ «կողպեքի» վրա:

«Одноклассники»-ն ռունետի ամենախոշոր ցանցն է, և LiveInternet.ru-ի տվյալներով՝ կայքի օրական այցելությունների քանակը հասնում է 24 միլիոնի:

Apple-ի հեռուստացույցի հետ հնարավոր կլինի խոսել
Երբ Apple-ը թողարկի սեփական արտադրության հեռուստացույցը, այն վահանակով կառավարելու կարիք չի լինի: Փորձագետների կարծիքով՝ այն համալրված կլինի Siri ինտերֆեյսով, որը թույլ կտա կառավարել հեռուստացույցը ձայնային հրահանգներով:

The New York Times-ը գրում է, որ հեռուստաարտադրության մեջ հեղափոխություն անելու համար պետք չէ կրկին LCD-էկրան ստեղծել, այլ բավական է փոխարինել ղեկավարման վահանակը որևէ ինովացիոն համակարգով:

Նշենք, որ ընկերությունում բազմիցս առաջարկել են որպես վահանակ օգտագործել iOS-սարքերը՝ iPhone, iPod-touch, iPad: Սակայն նման առաջարկն, ըստ NYT-ի աղբյուրների, չի բավարարել ընկերության ղեկավարությանը: ... Կարդալ շարունակությունը »

Այժմ Street View-ն թույլ է տալիս շրջել աշխարհի խանութներով
Google-ի Street View ծառայությունը, որը թույլ է տալիս օնլայն շրջել տարբեր քաղաքների փողոցներով, համալրվել է նոր ֆունկցիայով: Այժմ որոշ քաղաքներում հնարավոր է «մտնել» տեղական խանութները:

Շենքերը ներսից դիտելու հնարավորության մասին հայտարարվել է դեռևս մայիսին, սակայն այն գործարկվել է միայն վերջերս: Նկարահանված խանութները սովորաբար դատարկ են՝ առանց գնորդների (http://maps.google.com/intl/en/help/maps/streetview/gallery.html#business-highlights):

Նշենք, որ ծառայությունն անընդհատ բախվում է բազմաթիվ բողոքների: Օրինակ՝ ս.թ. մարտին Ֆրանսիայի Ազգային հանձնաժողովը տուգանեց Google-ին 100 հազ. եվրոյով՝ առանց թույլտվության նկարահանումներ անցկացնելու համար: Սակայն խոսքն այն ժամանակ փողոցների մասին էր, իսկ խանութների դեպքում առավել շահագրգռված են դրանց տերերը, քանի որ սա գովազդի մի նոր տարբերակ է: ... Կարդալ շարունակությունը »

Գիտնականները բացահայտել են մասոնների գաղտնի կոդը. սխեմա (Տեսանյութ)
Շվեդ եւ ամերիկացի լեզվաբանների խումբը` վիճակագրական մեթոդների օգնությամբ կոտրել են մասոնների 18-րդ դարի կոդը` Կոպիալե գաղտնագիրը (Copiale Cipher):

Քեվին Նայթը Հարավային Կալիֆոռնիայի համալսարանի տեղեկատվական գիտությունների ինստիտուտից, Բեատա Մեյուեսին եւ Քրիստիան Շեֆերը Ուպսալայի համալսարանից կարողացել են գաղտանզերեծել առաջին 16 գրքերը: Գիրքը, որ հայտնաբերվել է նախկին Արեւելյան Գերմանիայի ակադեմիական արխիվում, հմտորեն կազմված հատոր է: Նրա ոսկե եւ կանաչ էջերի վրա 75 հազար լատիներեն տառեր եւ գաղտնի խորհրդանիշեր են:

Բնօրինակի լեզուն հայտնի չի եղել, ուստի սկզբում գիտնականները եզրակացրել են, որ գաղտնի նշանները ոչ մի նշանակություն չունեն, իսկ իմաստը լատիներենի մեջ է: ... Կարդալ շարունակությունը »

Facebook սոցցանցի նոր ֆունկցիան
Facebook գործարկում է «Վստահելի ընկերներ» (Trusted Friends) ֆունկցիան, որի օգնությամբ հնարավոր կլինի վերականգնել աքաունթը գաղտնաբառի կորցնելու կամ հաքերների գրոհի դեպքում:

«Վստահելի ընկերներ» ֆունկցիան Facebook-ը համեմատում է տան դռան երկրորդ բանալու հետ, որը վստահելի բարեկամի մոտ է:

Facebook-ը կառաջարկի ընտրել երեքից հինգ վստահելի ընկերների, որոնց կուղարկի հաստատող կոդերը: Երբ ընկերներն այդ կոդերը տրամադրեն օգնության կարիք ունեցող օգտատիրոջը, նա կկարողանա վերականգնել աքաունթը, հաղորդում է ՌԻԱ Նովոստին:

Google+-ը գործարկում է Creative Kit-ը
Google+ սոցիալական ցանցը ներկայացրել է Creative Kit օնլայն գործիքները, որոնց օգնությամբ օգտատերերը կարող են խմբագրել կայքում տեղադրած լուսանկարները, հաղորդում է ընկերությունը:

Սոցիալական ցանցում տեղադրած ֆոտոխմբագիրը ներառում է սովորական համակարգչի առավել հայտնի ֆունկցիաները:

Google+ Creative Kit-ն ու հատուկ ֆոտոէֆեկտների շարքը գործարկում է Հելոուինին ընդառաջ: Էֆեկտների մեջ կան վամպիրի աչքեր, թեմատիկ ֆոնային նկարներ, վիրտուալ զգեստ ու դիմակ եւ Հելոուինի խորհրդանիշը համարվող դդումը, հաղորդում է ՌԻԱ Նովոստին:

Երեւանում կայացել է հին ձեռագրերի պահպանման նորագույն տեխնոլոգիաներին նվիրված միջազգային սեմինար
«Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտը, հոկտեմբերի 24-28-ին, անցկացրել է «Հիշողության կերպարանքները. ձեռագիր եւ տպագիր ժառանգության պահպանման ու վերականգնման նորագույն տեխնոլոգիաները» միջազգային սեմինարը` նվիրված հայ գրատպության 500- ամյակին:

Մասնակցում են ԱՊՀ, Բալթյան երկրների, Վրաստանի, եվրոպական մի շարք երկրների առաջատար արխիվային, գրադարանային եւ թանգարանային հաստատությունների հեղինակավոր մասնագետներ (վերականգնողներ, ֆոնդապահներ, բարձր տեխնոլոգիաների մասնագետներ):

Նախագծի ղեկավար` Արա Խզմալյան, արվեստաբանության թեկնածու, Մատենադարանի արխիվային փաստաթղթերի պահպանման, գիտական մշակման եւ թվայնացման բաժնի վարիչ, ICOM-ի անդամ: ... Կարդալ շարունակությունը »

Mix հետվճարային սակագնային փաթեթ. զանգեր, SMS, MMS եւ GPRS-ինտերնետ շահավետ գներով մեկ փաթեթում
«ԱրմենՏել» ՓԲԸ (ապրանքանիշը Beeline) հայտարարում է զանգերի, հաղորդագրությունների եւ GPRS-ինտերնետի շահավետ գնով Mix հետվճարային սակագնային փաթեթի գործարկման մասին:

«ԱրմենՏելի» մամուլի ծառայությունից NEWS.am-ին հայտնում են, որ սակագնային փաթեթի ներսում ելքային զանգի մեկ րոպեի, SMS կամ MMS հաղորդագրության, ինչպես նաեւ ուղարկած/ստացած տվյալների 1ՄԲ գինը կազմում է 4.99 դրամ:

«Հաշվի առնելով «Mix» կանխավճարային սակագնային փաթեթի աննախադեպ ժողովրդականությունը եւ հիմնվելով հաճախորդների ցանկությունների վրա, մենք գործարկում ենք հետվճարային «Mix» ՍՓ նույն գրավիչ սակագներով: Մենք առաջարկում ենք ապրանքներ, որոնք ունեն պահանջարկ մեր հաճախորդների, հատկապես երիտասարդության շրջանում, քանի որ հենց երիտասարդներն են ակտիվ օգտագործում հեռահաղորդակցության ծառայությունների բոլոր տեսակները”, - նշել է «ԱրմենՏելի» Գլխավոր տնօրեն Իգոր Կլիմկոն: ... Կարդալ շարունակությունը »

Շուտով հնարավոր կլինի ԱՊՊԱ ձեռք բերել նաև ինտերնետով
Շուտով Հայաստանում հնարավոր կլինի ԱՊՊԱ (ավտոպատասխանատվության պարտադիր ապահովագրում) պոլիս ձեռք բերել նաև էլեկտրոնային տարբերակով: Այս մասին երեկ կայացած կառավարության նիստում ասել է ՀՀ ֆինանսների նախարար Վաչե Գաբրիելյանը: Հաղորդում է Arka գործակալությունը:

ՀՀ կառավարությունը քննարկել է «ԱՊՊԱ-ի մասին» օրենքում նախատեսված փոփոխությունների օրինագիծը, որի ընդունման դեպքում, հեղինակի կարծիքով, էականորեն կաճեն երաշխավորման հիմնադրամի միջոցներն, ու ավելի բարձր կայունություն կապահովվի:

«Կառավարությունն իր կողմից մի շարք ուղղումներ է առաջարկում, այդ թվում նաև՝ ԱՊՊԱ պոլիսների էլեկտրոնային գնման հնարավորությունը, շուկայում գերակա դիրք ... Կարդալ շարունակությունը »

Ռուսական IT մասնագետը Google-ից 13 հազար դոլար է ստացել բրաուզերում խոցելի կետեր հայտնաբերելու համար
Ինտերնետ-հսկա Google-ը ռուսաստանցի IT մասնագետ Սերգեյ Գլազունովին 13 հազար դոլար է վճարել Google Chrome բրաուզերում խոցելի կետերը հայտնաբերելու համար:

Ինչպես հաղորդում է Pravda.ru-ն, իրենից բացի, miaubiz մականունով հանդես եկող ոմն հաքեր, ավելի քան 10 հազար դոլար է ստացել եւս մեկ խոցելի կետ հայտնաբերելու համար:
Computerworld-ի տվյալներով, Գլազունովն ու miaubiz-ը, պարբերաբար, խոցելի կետեր են հայտնաբերում Google Chrome-ում: Այս տարի այդ բրաուզերում հայտնաբերված խոցելի կետերի 57 տոկոսը հենց նրանց է բաժին ընկել:

2011-ին Google-ը ծախսել է ավելի քան 170 հազար դոլար` խողելի կետեր հայտնաբերողներին վճարելու համար:

Nokia-ն ներկայացրել է ճկվող հեռախոս (տեսանյութ)
Nokia-ն Լոնդոնում կայացած Nokia World միջոցառմանը ներկայացրել է ճկվող հեռախոսի նախատիպ՝ Nokia Kinetic: Սարքն ունի ճկվող պլաստմասե կմախք ու գունավոր OLED-էկրան: Հեռախոսում տեղադրված են փոխանցիչներ (датчик), որոնք կարողանում են «զգալ» սարքի դեֆորմացիան, գրում է CNet-ը:

Սարքը դեպի դուրս ու ներս ճկելու դեպքում դիտվող պատկերը փոքրանում-մեծանում է: Բացի այդ՝ հեռախոսը կարելի է «պտտել» ու այդպիսով թերթել նկարների ցանկը: Կարգավորումները հնարավոր է փոխել՝ հարմարեցնելով օգտագործման համար: ... Կարդալ շարունակությունը »

Google Chrome 15. առաջին տպավորությունները
Google-ը թողարկել է Chrome-ի 15-րդ տարբերակը, որի գլխավոր նորամուծությունն է կայքերի ու հավելվածների մուտքն արագացնող էջը, որն անմիջապես բացվում է Chrome-ը միացնելու դեպքում: Դասավորվածությունը բավական հարմար է. էջի մի հատվածում հաճախ այցելվող էջերի նկարներն են, իսկ երկրորդում՝ Chrome Web Store խանութի հավելվածները: Էջի ներքևի հատվածում փակված կայքերի հղումներն են:

Դիտարկչում ավելացվել է ևս մեկ ֆունկցիա. կարգավորումներում արդեն կա «Շարունակել հավելվածների աշխատանքը ֆոնային ռեժիմում» ֆունկցիան: Այն միացնելու դեպքում Chrome-ը կավելացվի ավտոմատ բեռնվող ծրագրերի ցուցակում և համակարգիչը միացնելիս կմիանա՝ առանց որևէ պատուհան ցուցադրելու: ... Կարդալ շարունակությունը »

Google-ը տվյալներ է հրապարկել օգտագործողների մասին անձնական տեղեկատվություն տրամադրելու կառավարական հարցումների վերաբերյալ
Համացանցային հսկա Google ընկերությունը հերթական անգամ տվյալներ է հրապարակել օգտագործողների մասին անձնական տեղկություններ տրամադրելու կառավարական հարցումների վերաբերյալ:

Ինչպես փոխանցում է NEWSru.com-ը, ընդամենը կես տարվա ընթացքում Google –ն ստացել է այդպիսի 15600 հարցում, վերջին 12 ամիսների ընթացքում` 25400 հարցում: Այդ վարկանիշում առաջատարն ԱՄՆ-ն է` ընդհանուր թվի ավելի քան 1/3-ը:

Ընկերությունում նշում են, որ դիմումների ընդհանուր թիվն աճում է. 2010 թ. եղել է 10% -ով պակաս: ... Կարդալ շարունակությունը »

Apple-ը ստացել է սենսորային էկրանը հպումով ապաարգելափակեու տեխնոլոգիայի պատենտը
Apple ընկերությունն ԱՄՆ-ում ստացել է սմարտֆոնների եւ պլանշետային համակարգիչների սենսորային էկրաններին հպվելու միջոցով ապաարգելափակման տեխնոլոգիայի պատենտը:

Շարժական սարքերի ապաարգելափակման նման տեխնոլոգիա կիրառվում է ոչ միայն iPhone սմարտֆոններում եւ iPad պլանշետային համակարգիչներում, այլեւ` Google ընկերության Android օպերացիոն համակարգում եւ Microsoft ընկերության Windows Phone 7 օպերացիոն համարգում:

Պատենտ ստանալով` Apple ձեռք է բերում մրցակցային առավելություններ:

WiMax տեխնոլոգիաները դուրս են մղվում հայկական շուկայից
Նոյեմբերի 1-ից «Կոռնետ-ԱՄ» ընկերությունը դադարում է WiMax տեխնոլոգիայով ծառայությունների մատուցումը: Այդ մասին նշված է ընկերության պաշտոնական կայքէջում: «Ավաղ, ստիպված եմ արձանագրել, որ շարժական կապի տեխնոլոգիաների բուռն զարգացման պայմաններում (3G, 4G, LTE), ներկայումս WiMax ծառայությունները դառնում են ոչ մրցունակ: Ուստի, Ընկերության ղեկավարության կողմից որոշում է կայացվել դադարեցնել WiMax ծառայությունների մատուցումը 2011թ. նոյեմբերի 1-ից»,-ընկերության պաշտոնական կայքէջում նշել է «Կոռնետ-ԱՄ» ընկերության գլխավոր տնօրեն Բորիս Դեմիրխանյանը:

Միեւնույն ժամանակ` ընկերությունը շարունակում է մյուս ծառայությունների մատուցումը: ... Կարդալ շարունակությունը »

« 1 2 ... 44 45 46 47 48 49 50 »