3DNews-ի  բաժանորդագրություն
Կիրակի, 29 June 2025
Գլխավոր » 2011 » Հոկտեմբեր » 28 » ՏՏ Լրատվական, Տեղեկատվական Տեխնոլոգիաներ
Apple-ի հեռուստացույցի հետ հնարավոր կլինի խոսել
Երբ Apple-ը թողարկի սեփական արտադրության հեռուստացույցը, այն վահանակով կառավարելու կարիք չի լինի: Փորձագետների կարծիքով՝ այն համալրված կլինի Siri ինտերֆեյսով, որը թույլ կտա կառավարել հեռուստացույցը ձայնային հրահանգներով:

The New York Times-ը գրում է, որ հեռուստաարտադրության մեջ հեղափոխություն անելու համար պետք չէ կրկին LCD-էկրան ստեղծել, այլ բավական է փոխարինել ղեկավարման վահանակը որևէ ինովացիոն համակարգով:

Նշենք, որ ընկերությունում բազմիցս առաջարկել են որպես վահանակ օգտագործել iOS-սարքերը՝ iPhone, iPod-touch, iPad: Սակայն նման առաջարկն, ըստ NYT-ի աղբյուրների, չի բավարարել ընկերության ղեկավարությանը:

Նշենք, որ Apple-ի հիմնադիր Սթիվ Ջոբսի՝ հեռուստաարտադրությունը փոխելու մասին երազանքի մասին պատմել է կենսագիր Ուոլտեր Այզեկսոնը: «Այն կսինխրոնիզացվի iCloud ամպային ծառայության հետ ու կունենա շատ պարզ ինտերֆեյս»,-կիսվել էր նրա հետ Ջոբսը: Հավանաբար, պարզ ինտերֆեյսը հենց Siri-ն է, օրինակ՝ վահանակի տարբեր կոճակներին սեղմելու փոխարեն բավական կլինի ասել՝ «միացրու «Հաուզի» վերջին սերիան» կամ «ինչ նորություններ կան»:

Ավելի վաղ AppleInsider-ը հաղորդեց, որ չինական գործարանները պատրաստվում են Apple հեռուստացույցների մեծածավալ արտադրությանը: Ticonderoga Securities ընկերության վերլուծաբան Բրայան Ուայթն ու Piper Jaffray ընկերության ներկայացուցիչ Ջին Մանստերն իրենց հերթին հաստատեցին, որ Apple-ն այժմ զբաղված է նախապատրաստական աշխատանքներով: Իսկ թե երբ այն պատրաստ կլինի թողարկման, վերլուծաբանները տալիս են տարբեր կանխատեսումներ, սակայն ամենից հաճախ նշվում է 2012-ի վերջին եռամսյակը:
Հավանել նորությունը
«+8» - հավանությունների քանակ
Դիտումներ: 374 | Ավելացրել է: 3DNewscomm | Հայտնի տեգեր: Apple TV, The New York Times, iCloud, Apple, Piper Jaffray, Steve Jobs, LCD-էկրան | Գնահատական: 1.5/8 | Ավելացվել է: 28 October 2011, 20:10
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]