Լոնդոնում կտեղադրվեն մեծ էկրանով և Wi-Fi-ի հնարավորությամբ աղբարկղեր
|
3DNews ՏՏ Լրատվական - Օլիմպիական խաղերի կապակցությամբ, որոնք տեղի են ունենալու Լոնդոնում 2012 թվականի ամռանը, կտեղադրվեն մեծ էկրանով և Wi-Fi-ի հնարավորությամբ աղբարկղեր: Աղբարկղերը իրենց էկրաններին կցուցադրեն բոլոր ոլորտներից պարբերաբար թարմացվող նորությունները:
Renew Bin ընկերության այս աղբարկղերը, որոնք ունեն Wi-Fi-ի հնարավորություն, կնպաստեն քաղաքի տարածքում անլար ինտերնետ - ցանցի արագ տարածմանը: Ըստ աղբարկղերի տեղադրող Renew ընկերության տվյալների՝ յուրաքանչյուր աղբարկղի տեղադրումն արժե մոտ 30 000 ֆունտ-ստերլինգ (մոտավորապես $47 հազար): Մինչ Օլիմպիական խաղերի սկզբին ախատեսված 75 աղբարկղերի մեկ երրորդն արդեն տեղադրված է:
Այս աղբարկղները տեղադրված կլինեն երկար ժամանակով, քանի որ պայմանագիրը ընկերության և պետության միջև կնքվել է 21 տարով: Աշխարհի խոշորագույն քաղաքները հետաքրքրված են այդ աղբարկղներով և հետագայում դրանք կտեղադրվեն նաև Նյու Յորքում, Տոկիոյում և Սինգապուրում:
...
Կարդալ շարունակությունը »
|
Google-ն իր օգտագործողների անվտանգության նոր քաղաքականության իրագործումը կհետաձգի
|
3DNews ՏՏ Լրատվական - Google-ն իր օգտագործողների անվտանգության նոր քաղաքականության իրագործումը կհետաձգի Եվրամիութան խնդրանքով: Cybersecurity.ru-ն գրում է, որ Google-ի այս հետաձգման գործողությունը մի շարք մասնագետների մոտ քննադատություն է առաջացրել:
Լարի Փեյջը՝ Google-ի գլխավոր տնօրենը, նամակ է ստացել Article 29 աշխատանքային խումբի կողմից, որը ներկայացնում է տվյալների անվտանգության հարցերով Եվրամիության փորձագետների խումբը: Նամակում խնդրում են ավելի մանրամասն բացատրել փոփոխությունների անհրաժեշտությունը:
Կոնգրեսականների կարծիքով, այդ կերպ օգտագործողները դե ֆակտո կորցնում են իրենց տվյալների վրա վերահսկողությունը: Google-ը հայտարարել է, որ անպայման կպատասխանի Եվրամիության ուղարկած նամակին, բայց չի հետաձգի նորմերի կիրառումը, քանի որ «հետաձգումը խնդիրներ կառաջացնի ծառայությունների աշխատանքում»: |
Apple-ն իր արտադրանքները Գերմանիայում կվաճառի օնլայն խանութների միջոցով
|
3DNews ՏՏ Լրատվական - Apple ընկերությունը Գերմանիայում վաճառելու է իր արտադրանքները (Phone սմարթֆոնները և iPad պլանշետները) ինտերնետ-խանութի միջոցով:
Գերմանական դատարանը նախօրեին կասեցրել էր iPhone-ներ և iPad-ների վաճառքը Motorola Mobility ընկերության արտոնագրային հավակնությունների պատճառով: Այս մասին գրում է All Things Digital-ը՝ վկայակոչելով Apple ներկայացուցիչներին:
Գերմանական դատարանը ճանաչել է Motorola-ի պատենտային հավակնությունները Apple-ի հանդեպ դեռ դեկտեմբերին: Ավելի ուշ ուրբաթ օրը Apple-ը հասել է դատական արգելքի ժամանակավոր կասեցմանը, ինչը թույլ կտա Motorola պատենտներն օգտագործող սարքերը վերադարձնել ինտերնետ-խանութներ: |
Google+ սոցցանցը հաղթահարեց օգտագոործողների քանակի 100 միլիոնի սահմանը
|
3DNews ՏՏ Լրատվական - Սոցցանցի վիճակագրական տվյալների գլխավոր պատասխանատու (Paul Allen) Փոլ Ալլենը, տեղեկացրեց որ, այսօր սոցցանցը հաղթահարեց՝ օգտագոործողների քանակի 100 միլիոնի սահմանը:
Վերջին եռամսյակային ֆինանսական հաշվետվության հրապարակված արդյունքներում նշված էր, որ Google ընկերության սոցցանցի օգտագոործողների քանակը 90 միլիոն է: Սակայն ինչպես վկայում է Ալլենը, հունվարի 19-ից սկսած, օրական գրանցված օգտագոործողների քանակը հասնում էր մոտ 750 հազարի և հենց այդ կտրուկ աճնել նպաստեց 100 միլիոնի սահմանի հաղթահարմանը:
Ալլենը՝ Google+ ի վիճակագրական տվյալների գլխավոր պատասխանատուն վստահեցնում է, որ մինչև տարեվերջ, սոցցանցը կունենա 400 մլն օգտագործող: Դրան կնպաստի Android 4.0-ից ստացված եկամուտները և դեռահասների (13-17 տարեկանների) գրանցվելու թույլատվությունը:
...
Կարդալ շարունակությունը »
|
|
