3DNews-ի  բաժանորդագրություն
Չորեքշաբթի, 18 Հոկտեմբեր 2017
Գլխավոր » 2012 » Փետրվար » 27 » ՏՏ Լրատվական, Տեղեկատվական Տեխնոլոգիաներ
Թողարկվել է Skype ծրագիր Windows Phone-ով աշխատող սմարթֆոնների համար


3DNews ՏՏ Լրատվական - Լույս է տեսել Skype-ի փորձնական (beta) տարբերակը Windows Phone բջջային օպերացիոն համակարգի համար։ Այս մասին հայտնում է ընկերությունն իր պաշտոնական բլոգում։

Windows Phone Skype-ը պարունակում է ծրագրի հիմնական ֆունկցիաները՝ օգտագործողները կարող են կատարել տեսազանգեր, չաթ և զանգահարել Skype-ով բջջային կամ ֆիքսված հեռախոսների։ Սակայն տեսազանգերի համար անհրաժեշտ է, որ սմարթֆոնն ունենա առնվազն մեկ տեսախցիկ։

Skype-ի այս ծրագիրն առայժմ հասանելի է միայն անգլերեն լեզվով։ Ամբողջական տարբերակը հասանելի է լինելու 2012 ապրիլին, նշում են ընկերության ներկայացուցիչները։ Skype-ը 2011-ին գնեց Microsoft ընկերությունը։ Skype-ն ունի 65 միլիոն օգտագործող։

Եվ այս բոլոր օգտագործողները միասին վերցրած օրական 700 միլիոն րոպե Skype-ով զանգեր են կատարում, որից 300 միլիոնը՝ տեսազանգեր են, իսկ 30 միլիոնը՝ զանգեր են դեպի սովորական հեռախոսներ։ Skype-ի ծրագրերը հասանելի են iOS և Android, Mac OS և Linux օգտագործողների համար։

Հավանել նորությունը
«+28» - հավանությունների քանակ


Դիտումներ: 299 | Ավելացրել է: 3DNewscomm | Հայտնի տեգեր: 3DNews, Windows, Beta, android, iOS, Microsoft, Windows phone, Skype | Գնահատական: 0.3/28 | Ավելացվել է: 27 Փետրվար 2012, 17:43





Ընդհանուր Մեկնաբանությունները: 0

Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]