iSad. նոր հեռախոս, որը կհասկանա տիրոջ տրամադրությունը
|
3DNews ՏՏ Լրատվական - Fox News լրատվական գործակալությունը տեղեկացնում է, որ ԱՄՆ-ի Northwestern համալսարանի գիտնականները ստեղծել են նոր iSad հեռախոս որը մարդկանց տրամադրությունը կկարողանա հասկանալ և տեղեկացնել սպառնացող ընկճախտի մասին:
«Մենք փորձում ենք հեռախոսն ունեցող յուրաքանչյուր անձի համար զարգացնել անհատական ալգորիթմներ, որոնք նրանց հնարավորություն կտան տեղեկանալ իրենց գտնվելու վայրի, աշխատանքի ու նույնիսկ տրամադրության մասին», - ասել է համալսարանի գիտնական Դեյվիդ Մորը:
Հեռախոսը, հասկանալով, որ մարդը անտրամադիր է կամ ընկճված, կարող է հաղորդագրության տեսքով խորհուրդներ ուղարկել նրան: «Երբ հեռախոսը հասկանում է, որ դուք տանն եք, ձեզ կառաջարկի զրուցել ինչ-որ մեկի հետ, կամ պարզապես դուրս գալ զբոսնելու»,- տեղեկացրել է Դեյվիդ Մորը:
...
Կարդալ շարունակությունը »
|
LinkedIn սոցիալական ցանցն ունի ավելի քան 150 մլն օգտագործող
|
3DNews ՏՏ Լրատվական - LinkedIn սոցիալական ցանցը համարվում է գործարար՝ գործատուների և գործ փնտրողների սոցցանց։ Այստեղ մարդիկ աշխատանք են փնտրում և առաջարկում, ստեղծում են նոր գործարար կապեր, միմյանց երաշխավորում և պարբերաբար թարմացնում սեփական ռեզյումեն։
LinkedIn գործարար սոցիալական ցանցը՝ իր ֆինանսական հաշվետվության ժամանակ հայտարարել է, որ ցանցում գրանցված օգտագործողների թիվը գերազանցում է 150 միլիոնը: 2011 թվականի նոյեմբերից սոցիալական ցանցի օգտագործողների լսարանն աճել է 20 միլիոնով և այսօր կազմում է ավելի քան 150 միլիոն օգտագործող:
LinkedIn-ը կարողացել է գտնել իր տեղը սոցիալական ցանցերի շուկայում՝ մրցակցելով Facebook-ի և Google+-ի հետ։ LinkedIn-ը 2011 թվականի 4-րդ եռամսյակում հայտարարել է իր 6,9 միլիոն դալար եկամտի աճի մասին: Պետք է նշել, որ 2011-ին ընկերությունը մի շարք փոփոխություններ կատարեց՝ ավելացնելով նորամու
...
Կարդալ շարունակությունը »
|
«ԱրմենՏել»-ն անվճար ինտերնետ ծառայություն է մատուցում Հայաստանի վաստակավոր մանկավարժներին
|
3DNews ՏՏ Լրատվական - «ԱրմենՏել» ընկերությունն (ապրանքանիշը` Beeline) աջակցություն է ցուցաբերել Հայաստանի վետերան մանկավարժների միությանը: «Հայաստանի մանկավարժ վետերանների միություն» հասարակական կազմակերպությունը «ԱրմենՏել» ընկերությունից ստանում է անվճար ինտերնետ հասանելիություն միության անդամների` Հայաստանի վաստակավոր մանկավարժների համար:
«Մենք շնորհակալ ենք «ԱրմենՏել» ընկերությանն աջակցության համար, ինչի շնորհիվ միության անդամները կարող են շարունակել իրենց կյանքի գործը` աշխատել երեխաների եւ տարբեր երկրների իրենց գործընկերների հետ, օգտագործելով ինտերնետ ցանցի ժամանակակից ռեսուրսները», - ասել է Ստելա Դավթյանը:
Նշենք, որ «ԱրմենՏել» ընկերությունն աջակցում է Միությանը 2010թ-ի հոկտեմբերից: «Հայաստանի մանկավարժ վետերանների միություն» հասարակական կազմակերպությունը հիմնադրվել է 1999թ-ին: Այժմ, Հայաստանի մանկավարժ վետերանների միության նախագահն է՝ Ստելա Դավթյանը:
...
Կարդալ շարունակությունը »
|
Google-ը կվճարի օգտատերերին Screenwise նախագծին մասնակցելու դիմաց
|
3DNews ՏՏ Լրատվական - Google-ը կվճարի օգտատերերին Screenwise նախագծին մասնակցելու դիմաց, ինչի օգնությամբ ընկերությունը հույս ունի բարելավելու իր ծառայությունները: Հետազոտությանը մասնակցելու համար Google-ի`օգտատերերը պետք է հատուկ ընդլայնում տեղադրեն Chrome բրաուզերի համար:
Հետագայում ծրագիրը Google կուղարկի տեղեկատվությունն այն մասին, թե ինչ կայքեր է այցելում օգտատերը, և ինչպես է նա իրեն դրսևորում այդ կայքերում: Ընդլայնումը բեռնած օգտատերերը այդ նախագծում Google-ի գործընկեր` Amazon ինտերնետ-խանութի կողմից $5 նվեր-քարտ կստանան:
Բացի այդ, օգտատերը նույնպիսի քարտեր կստանա ծրագրին մասնակցելու յուրաքանչյուր երեք ամսվա դիմաց: Պարգևատրման առավելագույն գումարը կարող է հասնել 25 դոլարի: Ընդ որում, Google-ի ներկայացուցիչները նշում են, որ Amazon-ը հետազոտության հովանավորը չէ, հաղորդում է «РИА Новости»-ն:
...
Կարդալ շարունակությունը »
|
Kodak–ը կդադարեցնի տեսախցիկների արտադրութունը
|
3DNews ՏՏ Լրատվական - Kodak ընկերությունը հայտարարելլ է, որ պատրաստվում է դադարեցնել թվային տեսախցիկների, գրպանի տեսախցիկների և թվային շրջանակների արտադրությունը: Այս կերպ ընկերությունը կփորձի կենտրոնանալ առավել շահավետ բիզնեսի վրա:
Ամերիկյան Associated press լրատվական գործակալությունը գրում է, որ ընկերությունը, որն անցած ամիս սնանկացումից պաշտպանվելու հայց էր ներկայացրել, հայտարարել է, որ կդադարեցնի այս ապրանքատեսակների արտադրությունն այս տարվա առաջին կեսին:
Eastman Kodak ընկերությունը կկենտրոնանա լուսանկարների տպագրության և տպիչների արտադրության վրա: Ընկերությունը նաև հայտնել է, որ աշխատում է մանրածախ առևտրով զբաղվող ընկերությունների հետ, որպեսզի արտադրության դադարեցման գործընթացը հարթ անցնի: Նման քայլով ընկերությունն ակնկալում է 100 միլիոն դոլարի խնայողություն անել: |
Apple ընկերությունը մարտին կթողարկի iPad 3-ը
|
3DNews ՏՏ Լրատվական - All Things D տեխնոբլոգում, որում հնարավոր է գտնել տեխնոլոգիական աշխարհի ամենավերջին նորությունները, այսօր հրապարակվել է, որ Apple ընկերությունը մարտին կթողարկի իր նոր iPad 3-ը։ Ըստ ամերիկյան Associated Press լրատվական գործակալության՝ տեխնոբլոգում հաղորդվել է, որ iPad 3 պլանշետը կթողարկվի մարտի առաջին շաբաթվա ընթացքում:
Այն առաջին անգամ հանրությանը կներկայացվի Սան Ֆրանցիսկոյում կայանալիք միջոցառման ժամանակ: Տեխնոլոգում նաև գրված է եղել, որ նոր սերնդի iPad-ը արտաքինից այնքան էլ չի տարբերվի iPad 2-ից: Ըստ տարածված լուրերի, հավանաբար iPad 3-ն ունենալու է 2048×1536 էկրան և երկարադիմացկուն մարտկոց։
Հավանական է նաև, որ այն աշխատի նոր թողարկված՝ A6 պրոցեսորով։ Դե իսկ 2012-ի հոկտեմբերին արդեն iPad-ը մրցակցելու է Windows 8-ով աշխատող պլանշետների հետ։ Հիշեցնենք. որ ըստ ստացված լուրերի՝ 2012-ի հոկտեմներին լույս կտեսնի iPad 3-ի նոր տարբերակը` iPad 4 անունով կամ էլ iPad 3 Pro անունով։ |
|
