Google ընկերությունը 13600 դոլար է վճարել Google Chrome-ի խոցելի տեղերը գտնողին
|
Google ընկերությունը 13.6 հազար դոլար է վճարել ռուսաստանցի ՏՏ մասնագետ Սերգեյ Գլազունովին Google Chrome բրաուզերում հայտնաբերած խոցելիությունների համար:
РИА Новости-ն տեղեկացնում է, որ Google-ը համակարգչային անվտանգության մասնագետներին ընդհանուր առմամբ վճարել է ավելի քան 26.5 հազար դոլար:
Մյուս զգալի գումար ստացած անձը miaubiz ծածկանունով հակերն է, ով ստացել է 10.3 հազար դոլար:
Ըստ Computerworld պարբերականի , Գլազունովը և miaubiz-ը պարբերաբար հայտնաբերում են Google Chrome-ի խոցելի տեղերը: Նրանք այս տարվա ընթացքում գտել են դրանց 57%-ը: Computerworld-ը նշում է, որ Google-ը այս տարի վճարել է ավելի քան 170 հազար դոլար հայտնաբերված խոցելիությունների համար:
...
Կարդալ շարունակությունը »
|
Աշխարհի ամենաթանկ հեռախոսները (լուսանկարներ)
|
Forex և Masterforex-V բորսայական առևտրի ակադեմիայի փորձագետները կազմել են ամենաթանկ 11 բջջային հեռախոսների ցանկը, որին անդրադարձել է «Բիրժեվոյ Լիդեր» համացանցային հանդեսը։
11.Ulysse Nardin’s The Chairman – 49,5 հազ. դոլար
Ամենաթանկերից ամենաէժան Ulysse Nardin’s The Chairman բջջային հեռախոսի գինը 49,5 հազ. ԱՄՆ դոլար է։ Բայց այն ամենաթանկն է այն սմարթֆոնների շարքում, որոնք աշխատում են Android գործառնական համակարգով։ Սարքն ունի ինչպես սենսորային էկրան, այնպես էլ ոչ վիրտուալ ստեղնաշար։ Հեռախոսի անզուգական դիզայնը չի խանգարել, որպեսզի այն «տեղավորի» բազմաթիվ հնարավորություններ, այդ թվում՝ կապված սարքի էներգապահովման հետ։
...
Կարդալ շարունակությունը »
|
Windows XP-ն դարձել է Պոլիտեխնիկական թանգարանի նմուշ
|
Windows XP օպերացիոն համակարգը ներկայացվել է Մոսկվայի պոլիտեխնիկական թանգարանում՝ որպես նմուշ: Այս մասին հաղորդում է Lenta.ru-ն:
Երկու համակարգիչներ, որոնց վրա տեղադրված է տվյալ օպերացիոն համակարգը, թանգարանում են տեղադրված հոկտեմբերի 25-ից՝ Windows XP-ի «ծննդյան» տասնամյակի առթիվ:
Համակարգիչներն իրենց տեխնիկական պարամետրերով համապատասխանում են 2001թ-ին:
Չնայած Windows XP-ն վաճառքի է դուրս եկել տասը տարի առաջ՝ այն այժմ էլ նշանակալի մասնաբաժին ունի շուկայում:
StatCounter –ի վիճակագրական տվյալներով՝ 2011-ի սեպտեմբերին XP-ն տեղադրված է եղել համակարգիչների 40,5 - 50,5%-ի վրա: Իսկ հոկտեմբերին Windows 7-ը տարածվածությամբ առաջ անցավ XP-ից, որի տարածվածության պատճառով Microsoft-ը ստիպված եղավ ՕՀ-ի սպասարկումը երկարեցնել մինչև 2014-ի ապրիլ ամիսը: |
Էկզոկմախքը անդամալույծներին թույլ կտա քայլել (տեսանյութ)
|
Ամերիկացի գիտնականների մշակած էկզոկմախքը անդամալույծ մարդկանց վերադարձնում է տեղաշարժվելու ունակությունը: Այս մասին հայտնում է meddaily.ru-ն:
Նոր սարքը, որի անվանումը Exoskeleton Robot է, ներկայացվել է Լոնդոնի ժամանակակից տեխնոլոգիաների միջազգային ցուցահանդեսում: Այն իրենից ներկայացնում է կոստյում, որը հաշմանդամը հագնելով, կկարողանա տեղաշարժվել:
Էկզոկմախքը օգտագործում է interface, որը հիմնված է ժեստեր ճանաչելու վրա, սնուցումը իրականացվում է մարտկոցների հաշվին: Սենսորային հատուկ սարքերը արձագանքում են մարդու նույնիսկ ամենափոքր շարժումներին: Նոր սարքը հավանաբար կթողարկվի 2013թ.:
...
Կարդալ շարունակությունը »
|
Մեկնարկում է «WebԾիրան» կինոփառատոնը, որի ֆիլմերը կցուցադրվեն բացառապես օնլայն
|
Նոյեմբերի 15-ին կմեկնարկի«WebԾիրան» համահայկական կինոփառատոնը, որի ֆիլմերը կցուցադրվեն բացառապես webtv.am ինտերնետ հեռուստատեսությամբ, իսկ հաղթող ֆիլմերը կորոշվեն ինտերնետային քվեարկության միջոցով:
Արդյունքները հրապարակվելու են դեկտեմբերի 25-ին` մրցանակաբաշխության արարողության ժամանակ: Սահմանված է 2 մրցանակ. «WebԾիրան» գլխավոր մրցանակը` 1000 ԱՄՆ դոլարին համարժեք դրամ և խրախուսական մրցանակ` 500 ԱՄՆ դոլարին համարժեք դրամ:
Փառատոնի կազմակերպիչներն են «Ոսկե Ծիրան» միջազգային կինոփառատոնը և WebTV.am ինտերնետ հեռուստատեսությունը, գլխավոր հովանավորն է ՎիվաՍել-ՄՏՍ-ը:
webtv.am ինտերնետային հեռուստատեսության տնօրեն Արայիկ Մանուկյանն այսօր լրագրողների հետ հանդիպմանն ասաց, որ նախատեսվում է կինոփառատոնն անցկացնել 3-4 ամիսը մեկ: «Այսօր մարդկանց մեծ մասը համակարգչով է ֆիլմեր դիտում, ավելին՝ հեռուստացույց նույնիսկ չի նայում. հենց այս պատճառով որոշեցինք ստեղծել օնլայն կինոփառատոն»,-ասաց «Ոսկե ծիրան» միջազգային կինոփառատոնի հիմնադիր-տնօրեն, կինոռեժիսոր Հարություն Խ
...
Կարդալ շարունակությունը »
|
Nokia-ն ներկայացրել է Windows Phone-ով աշխատող իր առաջին սմարթֆոնները
|
Nokia ընկերությունն այսօր կայացած Nokia World 2011 կոնֆերանսին ներկայացրել է Windows Phone (Mango) օպերացիոն համակարգով աշխատող Nokia Lumia 710 և Lumia 800 սմարթֆոնները, որոնք ստեղծվել են Microsoft-ի հետ համագործակցության արդյունքում:
Nokia Lumia 800-ը արտաքինից նման է ավելի վաղ թողարկված Nokia N9-ին՝ ընկերության միակ սմարթֆոնը, որն աշխատում է MeeGo օպերացիոն համակարգով:
Սարքն ունի 3,7 դյույմ անկյունագծով էկրան, 1,4 ԳՀց հաճախությամբ պրոցեսոր, 16 Գբ ներդրված հիշողություն, 8 մեգապիկսել տեսախցիկ: Nokia 800-ի համեմատ Nokia Lumia 710-ը ավելի պարզ մոդել է, այն ունի 3,7 դյույմանոց TFT-էկրան, 5 մպ տեսախցիկ և ավտոֆոկուսի ֆունկցիա, 8 Գբ ներդրված հիշողություն:
Microsoft ընկերությունը սահմանափակում է օպերացիոն համակարգի ձևափոխոությունները՝ թույլ տալով օգտագործել միայն սեփական հավելվածները: Այս խնդիրը լուծելու նպատակով Nokia-ն առաջարկում է ծառայություններ՝ որոնք օպտիմալացված են Windows Phone սմարթֆոնների համար:
Թե երբ սմարթֆոնները վաճառքի դուրս կգ
...
Կարդալ շարունակությունը »
|
«ՋԻԷՆՍԻ-ԱԼՖԱ»-ի ցանցն արդեն հասանելի է Բյուրեղավանում, Էջմիածնում և Ծաղկաձորում
|
«ՋԻԷՆՍԻ-ԱԼՖԱ»-ի համապետական ծածկույթի 10 Գբ/վ թողունակությամբ IP/MPLS ցանցը այժմ հասանելի է դարձել Հայաստանի ևս 3 քաղաքներում: Բյուրեղավանում, Էջմիածնում և Ծաղկաձորում շահագործման են հանձնվել ընկերության ցանցային հանգույցները, որոնք հագեցված են ամերիկյան Juniper Networks արտադրության գերժամանակակից սարքավորումներով, ինչը հնարավորություն է ընձեռում «ՋԻԷՆՍԻ-ԱԼՖԱ» ընկերությանը այս կենտրոններից մատուցել IP տարանցման, Ինտերնետ հասանելիության, տվյալների հաղորդման, վիրտուալ մասնավոր ցանցերի (VPN) և այլ ծառայություններ շարժական կապի օպերատորներին, Ինտերնետ ծառայություն մատուցողներին և կորպորատիվ հաճախորդներին:
Ընկերությունից տեղեկացնում են, որ առաջիկա ամիսների ընթացքում «ՋԻԷՆՍԻ-ԱԼՖԱ» ՓԲԸ ցանցին կմիացվեն նաև Իջևանը, Նոյեմբերյանը, Գավառը, Մեղրին, Եղվարդը, Մարտունին և Մեծամորը:
«ՋԻԷՆՍԻ-ԱԼՖԱ» փակ բաժնետիրական ընկերությունը հիմնադրվել է 2007 թ-ին և հանդիսանում է միջազգային և հանրապետական նշանակության տրանսմիսիոն, տվյալների փոխանցման և ինտերնետ ծառայությունների մատակարար: Ը
...
Կարդալ շարունակությունը »
|
ՎիվաՍել-ՄՏՍ-ն զգուշացնում է կապի հնարավոր խափանումների մասին
|
ՎիվաՍել-ՄՏՍ-ը տեղեկացնում է, որ ս.թ հոկտեմբերից մինչև 2012թ. հունվարի կեսն ընկած ժամանակահատվածում իրականացվելու են ՎիվաՍել-ՄՏՍ-ի բջջային հեռախոսացանցի ընդլայնման, զարգացման և վերազինման մեծածավալ աշխատանքներ` ցանցի թողունակությունը մեծացնելու և մատուցվող ծառայությունների որակը բարելավելու նպատակով:
Ցանցի վերազինման աշխատանքները հիմնականում կիրականացվեն ոչ ծանրաբեռնված ժամերին: Սակայն մնացած ժամանակահատվածներում նույնպես զանգեր կատարելիս և ստանալիս, ինչպես նաև այլ ծառայություններից օգտվելիս հնարավոր են կարճատև դժվարություններ:
Ընկերությունը հայցում է բաժանորդների ներողամտությունը` հնարավոր անհարմարությունների համար: |
Վիքիպեդիան կհամալրվի նոր հայերեն հոդվածներով
|
«Վիքիպեդիան դպրոցներում և համալսարաններում» նախագծի շրջանակներում տեղի կունենա հերթական միջոցառումը՝ նվիրված հայերեն Վիքիփեդիայում կատարվող աշխատանքների ակտիվացմանը։ Այս մասին PCNews.am-ին տեղեկացրեց միջոցառման կազմակերպիչներից Արմենուհի Պետրոսյանը:
Հոկտեմբերի 30-ին՝ ժամը 10-18-ը, «Ինստիգեյթ Ուսումնական Կենտրոն» Հիմնադրամում (ք․ Երևան, Կ․ Ուլնեցու 58/1, 4-րդ հարկ) մասնակիցների համար կկազմակերպվի կարճ ներածություն Վիքիմեդիա հիմնադրամի նախագծերի, նպատակների, և հատկապես Հայաստանում առկա խնդիրների ու նախագծերի վերաբերյալ։ Կբացատրվեն Վիքիփեդիայում աշխատելու ընդհանուր կանոնները, հոդված ավելացնելու եղանակները, որից հետո մասնակիցները կկարողանան թարգմանել արդեն գոյություն ունեցող որևէ հոդված կամ ավելացնել ցանկացած հոդված իրենց նախընտրած ոլորտից:
Միջոցառումը կազմակերպվում է «Վիքիփեդիա․ դպրոցներ և համալսարաններ» նախագծի թիմի կողմից: Հավելյալ տեղեկությունների համար այցելեք http://improve.am/index.php?title=Wikipedia_project էջը։ |
«ԱրմենՏելն» օպտիկամանրաթելային մայրուղային ցանցի ընդհանուր երկարությունը գերազանցել է 2770 կմ-ն
|
«ԱրմենՏել» ընկերությունը (ապրանքանիշը` Beeline) հայտարարում է օպտիկամանրաթելային ցանցի աշխարհագրության ընդլայնման եւ DWDM տեխնոլոգիայի ներդրման մասին օպտիկամանրաթելային մայրուղիներում:
«ԱրմենՏելի» մամուլի ծառայությունից NEWS.am-ին հայտնում են, որ 2011թ-ի երրորդ եռամսյակի վերջի դրությամբ «ԱրմենՏել» ընկերությունն ամբողջությամբ ավարտել է
DWDM տեխնոլոգիայով մայրուղային ցանցի կառուցումը: Նոր գերարագ մայրուղին անցնում է Հայաստանի հյուսիսային սահմանից մինչեւ հարավային եւ ապահովվում է ամբողջ հանրապետությունով անցնող պահուստային տրանսպորտային ցանցը:
Ընդհանուր առմամբ 2011թ-ի երկրորդ կիսամյակին «ԱրմենՏել » ընկերությունը ներդրել է ավելի քան 100կմ. օպտիկամանրաթելային մալուխ, ինչպես նաեւ կազմակերպել է ԼՂՀ մայրուղային օպտիկամանրաթելային ցանցին ուղիղ միացումը:
Նշենք, որ «ԱրմենՏել» ընկերության օպտիկամանրաթելային ցանցի ընդհանուր երկարությունը 2770կմ-ից ավելի է, որից 326` Երեւանում:
DWDM (Dense Wave Division Multiplexing) ժամանակակից տեխնոլ
...
Կարդալ շարունակությունը »
|
Կմշակվի «Ինտերնետի հայկական սեգմենտում ներքին տրաֆիկի մասնաբաժնի մեծացման հայեցակարգ»
|
Վերջին շրջանում Հայաստանում գրանցվել է ինտերնետ տրաֆիկի ծավալների ավելացում, սակայն ոգեւորիչ տվյալներին զուգահեռ կա նաեւ մեկ այլ ցուցանիշ, համաձայն որի, օգտագործված ինտերնետ տրաֆիկի շուրջ 70-80%-ը բաժին է ընկնում արտաքին հոսքերին: Սա բացատրվում է նրանով, որ հայկական կայքերի մեծ մասի հոսթինգները (կայքի բովանդակությունը պահպանող տիրույթը) գտնվում են այլ երկրներում, ինչպես նաեւ հայ օգտագործողները մեծամասամբ օգտվում են միջազգային կայքերից (Facebook, Odnoklasniki, Google եւ այլն):
Արդյունքում, Հայաստանում արտաքին հոստինգներով կայքերից օգտվելու համար ծախսվում է լրացուցիչ տրաֆիկ, որն իր հերթին լրացուցիչ ծանրաբեռնվածություն է ստեղծում կապի ալիքներում եւ հանգեցնում լրացուցիչ ծախսերի կապի օպերատորների համար. սա էլ իր ազդեցությունն է ունենում սպառողների համար ձեւավորվող վերջնական սակագների վրա: Իսկ տեղական հոսթինգային ընկերությունները սպասարկում են Հայաստանում առկա կայքերի միայն 19%-ին:
Խնդրին որոշակի լուծում տալու նպատակով «Լրագրողներ հանուն ապագայի» (ԼՀԱ) հասարակական կ
...
Կարդալ շարունակությունը »
|
Boeing 787 Dreamliner-ը կկատարի առաջին կանոնավոր թռիչքը
|
Առաջիկա ժամերին Տոկիոյի օդանավակայանից օդ կբարձրանա եւ Հոնկոնգ առաջին կանոնավոր թռիչքը կկատարի Boeing 787 Dreamliner-ը: 1995 թվականից հետո սա Boeing-ի ամբողջովին նոր առաջին ինքնաթիռն է:
Նոր Boeing-ը սերիական արտադրության մյուս ինքնաթիռներից տարբերվում է թեթեւ կոմպոզիտային նյութերի լայն կիրառմամբ եւ վառելի տնտեսող ծախսով: |
Facebook-ը վերահսկում է բոլորին
|
Անձնական տվյալների եւ մասնավոր կյանքի լիազորների իռլանդական գրասենյակը հրապարակել է Facebook սոցիալական ցանցի վերաբերյալ անցկացրած հետազոության արդյունքները: NEWSru.com-ը հաղորդում է, որ հետազոտության արդյունքում հայտնաբերվել են ստվերային պրոֆիլներ, որոնք կուտակում են սոցիալական ցանցի մասնակիցների մասին ամբողջ ինֆորմացիան:
Իռլանդիայի իշխանությունները պարզել են, որ տեղեկատվություն է կուտակվում նաեւ սոցիալական ցանցերում չգրանցված մարդկանց մասին: Դրա համար օգտագործվում են էլեկտրոնային փոստի հասցեները, ակնթարթային հաղորդագրությունների կոնտակտները եւ այցելած կայքերը: Դոսյեներում պահվում են հավաքված ամբողջ տեղեկատվությունը, որով կարելի է բնորոշել մարդու քաղաքական, կրոնական, սեռական նախասիրությունները:
Ստացվում է, որ առանց որեւէ մեկի թույլտվության ստեղծվում է պատմության մեջ մարդկանց տվյալների խոշորագույն շտեմարանը: |
Գտնվել է մարդ, ով 5000 ընկեր ունի Facebook –ում
|
Western Union-ի «Your World» հավելվածի միջոցով հայտնի է դարձել այն մարդը, ով ավելի շատ կոնտակտներ ունի աշխարհի ամենահայտնի Facebook սոցիալական ցանցում:
Ինչպես փոխանցում է NEWSru.com-ը, նա 26- ամյա պորտուգալացի Ուգո Պերեյրան է (Hugo Pereira): Նա 5000 ընկերներ ունի աշխարհի 124 երկրներից:
«ՌԻԱ Նովոստին» տեղեկացնում է, որ «Your World»–ը տվյալներ է հավաքում օգտագործողի կոնտակների մասին սոցիալական ցանցի անդամների հետ: Արդյունքում Պերեյրան հավաքել է մոտ 500 հազ. միավոր: |
|
