3DNews-ի  բաժանորդագրություն
Երկուշաբթի, 29 April 2024
Գլխավոր » 2011 » Հոկտեմբեր » 21 » ՏՏ Լրատվական, Տեղեկատվական Տեխնոլոգիաներ
Հայաստանում 6.5 հազար ընկերություն օգտվում է էլեկտրոնային ստորագրությունից
Ներկա դրությամբ, 6.5 հազար մարդ Հայաստանում ունի էլեկտրոնային ստորագրություն: Այդ մասին լրագրողների հետ զրույցում ասաց ՀՀ արդարադատության նախարարի տեղակալ Արամ Օրբելյանը: Նրա տեղեկացմամբ` էլեկտրոնային ստորագրությունը տրվում է ֆիզիկական անձանց` ընկերության հիմնադրին կամ տնօրենին:

Ներկա պահին քննարկվում է այն հարցը, որ էլեկտրոնային ստորագրությունները տրամադրվեն ոչ թե ՀՀ կառավարությանն առընթեր պետեկամուտների կոմիտեի, այլ արդարադատության նախարարության պետռեգիստրի գործակալության միջոցով: Դա հատկապես օգտակար կլինի մարզերի գործարարների համար, որոնք ստիպված չեն լինի Երեւան, Վանաձոր կամ Գյումրի գնալ էլեկտրոնային ստորագրություն ձեռք բերելու նպատակով:

«Եթե հնարավոր լինի` պետռեգիստրի բոլոր 42 բաժանմունքներում կտրամադրվեն էլեկտրոնային ստորագրություններ, որը հնարավորություն կտա ստորագրությունը ստանալուց հետո այլեւս ռեգիստր չայցելել ու բոլոր գործողություններն իրականացնել առցանց»,- ասաց Ա. Օրբելյանը:
Հավանել նորությունը
«+10» - հավանությունների քանակ
Դիտումներ: 600 | Ավելացրել է: 3DNewscomm | Հայտնի տեգեր: Signature, էլեկտրոնային ստորագրություն, Հայաստան | Գնահատական: 1.8/10 | Ավելացվել է: 21 October 2011, 11:14
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]