Գլխավոր » 2011 » Հոկտեմբեր » 13 » ՏՏ Լրատվական, Տեղեկատվական Տեխնոլոգիաներ
Samsung-ը փոխում է իր սմարթֆոնները, որպեսզի շրջանցի դատական արգելքը |
Հարավկորեական Samsung ընկերությունը շուտով կթողարկի Galaxy շարքի երեք նորացված մոդելներ, որոնց վաճառքը Եվրոպայում արգելվել է Հոլանդիայի դատարանի որոշմամբ: Galaxy S, SII և Ace նորացված մոդելները վաճառքի դուրս կգան մոտակա ժամանակում, հայտարարել է Samsung-ի ներկայացուցիչ Ջեյմս Չանգը: Մոդելները փոխելու շնորհիվ ընկերությունը կկարողանա շրջանցել դատարանի արգելքը, որը հիմնված է եղել Apple-ի պահանջի վրա: «Խնձորային» ընկերությունը հայտարարել է, որ Galaxy-սմարթֆոնները խախտում են Apple-ի արտոնագրային իրավունքները: Խոսքը վերաբերում է նկարների դիտման ու թերթելու ֆունկցիաներին: Ավելի վաղ Ավստրալիայի դատարանի որոշմամբ ժամանակավորապես արգելվել էր Galaxy Tab 10.1.-ի վաճառքը: Դատական լսումները կարող են ձգվել ամիսներ, այնպես որ Samsung-ն, ամենայն հավանականությամբ, բաց կթողնի ամենաեկամտաբեր շրջանը՝ ամանորյա տոները: Դատարանի կարծիքով՝ Samsung-ը խախտել է Apple iPad-ի սենսորային էկրանի տեխնոլոգիայի արտոնագրային իրավունքը: Արդյոք Samsung-ը կփոխի նաև իր պլանշետը, թե ոչ, դեռևս հայտնի չէ: |
Հավանել նորությունը
«+10» - հավանությունների քանակ
Դիտումներ: 578 | Ավելացրել է: 3DNewscomm | Հայտնի տեգեր: |
Ընդհանուր Մեկնաբանությունները: 0 | |