Գլխավոր » 2011 » Հոկտեմբեր » 13 » ՏՏ Լրատվական, Տեղեկատվական Տեխնոլոգիաներ
Երևանում կանցկացվի Հեքըթոն[ՅԱՆ] մրցույթ-փառատոնը |
Հեքըթոն[ՅԱՆ] Երևան 2011-ը նորարար գաղափարների և նախագծերի մրցույթ-փառատոն է՝ ուղղված Երևան քաղաքի խնդիրների լուծմանը` նոր տեխնոլոգիաների կիրառմամբ մարդկանց մասնակցությունը խթանող նախագծերի (կայքեր, հեռախոսային հավելվածներ և այլն) միջոցով: Մրցույթի արդյունքում ակնկալվում է ունենալ տարբեր բնագավառներում (տրասնպորտային համակարգ, աղբահանություն, զբոսաշրջություն, նշանների տեղադրում, քաղաք-քաղաքացի կապի բարելավում, լրագրողական համայնքի համար քաղաքային խնդիրների գրագետ լուսաբանման համար ռեսուրսների մշակում և այլն) մի շարք պատրաստի ծրագրերի նախատիպեր, որոնք կարող են կյանքի կոչվել ինչպես քաղաքապետարանի, այնպես էլ քաղաքի խնդիրներով մտահոգ կառույցների և շրջանակների կողմից: Ծրագրավորողներից և տաբեր ոլորտներ ներկայացնող փորձագետներից կազմված թիմերը, 2011 թ. դեկտեմբերի 10-ին 24 ժամ տեւողությամբ ծրագրավորման աշխատանքների արդյունքում ժյուրիին պետք է ներկայացնեն որոշակի խնդրի` պատրաստի տեխնոլոգիական լուծումը կամ նախատեսված ծրագրի նախատիպային (դեմո) տարբերակը: Մրցույթը նախաձեռնել են Հայաստանի Մայքրոսոֆթի ինովացիոն կենտրոնը և Հանրային լրագրության ակումբ հկ-ն՝ որպես ԱՄՆ-ում գործող Հեքս/Հեքըրս (Hacks/Hackers) կազմակերպության մասնաճյուղ: Մասնակցությանը հայտերը պետք է ուղարկել apply@mic.am էլ. հասցեով մինչև 2011 թ-ի հոկտեմբերի 30-ը: Հայտերը բեռնելու համար այցելեք այստեղ՝ http://www.micarmenia.am/arm: 2-5 անդամ ունեցող թիմերում պարտադիր պետք է ներգրավված լինեն ծրագրավորողներ և այլ մասնագետներ, օրինակ՝ փորձագետներ, լրագրողներ, բլոգերներ, հասարակական կազմակերպությունների ներկայացուցիչներ, այն ոլորտի մասնագետները, որի վերաբերյալ առաջարկվում է իրականացնել նախագիծը: Մասնակիցների տարիքային սահմանափակում չկա: Լավագույն թիմերը կստանան իրենց ծրագիրը կյանքի կոչելու և կիրառելու հնարավորություն, բազմաթիվ մրցանակներ, համագործակցության, ֆինանսավորման և ներդրումների հնարավորություններ: Նշենք, որ անգլախոս երկրներում լրագրողներն իրենց երբեմն անվանում են «hacks»` տերմին, որ բնութագրում է ցանկացած իրավիճակում մեծ քանակությամբ բառեր արտադրելու ունակություն ունեցող անձնավորությանը: Hacker նաեւ անվանում են համակարգչահեններին, սակայն Սիլիկոնե hարթավայրում Hacker-ը միայն բացասական իմաստ չունի: Այն բնութագրում է տեխնոլոգիաներին տիրապետողներին` ծրագրավորողներին, ինժեներներին: |
Հավանել նորությունը
«+10» - հավանությունների քանակ
Դիտումներ: 605 | Ավելացրել է: 3DNewscomm | Հայտնի տեգեր: | Գնահատական: 1.0/10 | Ավելացվել է: 13 October 2011, 20:18 |
| Ընդհանուր Մեկնաբանությունները: 0 | |
3DNews-ի ժամը
Քվեարկե՛ք
Բաժանորդագրվել
Կարդացեք նաև
Մեր Հարցումը
3DNews-ի Twitter-ը
Եղանակ
Թեգերի ամպ
Վիճակագրություն
Կայքում գտնվում են: 1
Հյուրեր: 1
Օգտվողներ: 0
