Գլխավոր » 2011 » Հոկտեմբեր » 13 » ՏՏ Լրատվական, Տեղեկատվական Տեխնոլոգիաներ
Առաջիկա 3-4 տարիներին Հայաստանում ինտերնետի օգտագործման ծավալներն ամեն տարի կրկնապատկվելու են. հարցազրույց |
NEWS.am-ի հարցազրույցը «Ջի Էն Սի-Ալֆա» ընկերության գլխավոր տնօրեն Հայկ Ֆարամազյանի հետ. Պրն Ֆարամազյան, Դուք ինտերնետի մեծածախ ներկրող եք, եթե չեմ սխալվում` 4 կապուղի ունեք: Լրացուցիչ կապուղի բերելու ծրագիր ունե՞ք: Մենք հանդիսանում ենք Հայաստանում մայրուղային ամենամեծ օպերատորը, որն ունի միջազգային կապուղիներ Վրաստանի միջոցով եւ Իրանի օպերատորի հետ համակցված: Հայաստանի 33 քաղաքներում 20 գիգաբիթանոց IP/MPLS ցանց ունենք, որն ընդլայնվելու է հաջորդ տարվա ընթացքում: Մեր օպտիկամանրաթելային ցանցը փոխկապակցված է բոլոր հնարավոր մայրուղային մալուխային ցանցերին, որոնք գոյություն ունեն Վրաստանում եւ Իրանում: Այդ երկրներում այլ հնարավոր կապուղի, որին համակցված չենք` չկա: Վերջերս ինտերնետի արագությունը Հայաստանում բարելավվել է, գներն էլ իջել են, այստեղ ձեր ներդրումն ունե՞ք: Միանշանակ: Մոտ 2 տարի է` գործում ենք շուկայում, այս 2 տարվա ընթացքում Հայաստանում տասնյակ անգամներ ավելացել են ինտերնետի սպառման ծավալները: Եւ իհարկե` սակագները մի քանի անգամ ընկել են: Ռեսուրսը, որ թույլ կտա ավելացնել սպառումը` անսահմա՞ն է, թե… Սահման չկա, դեռեւս Հայաստանում ներթափանցելիությունը, կամ բնակչության կողմից ինտերնետի օգտագործումը (բնակչությունը հիմնական սպառողն է) դեռեւս բավականին ցածր է համեմատած այլ երկրների` զարգացող կամ զարգացած: Այդ պատճառով գնահատում ենք, որ առաջիկա 3-4 տարիներին, գուցե նույնիսկ ավելի, Հայաստանում ինտերնետի օգտագործման ծավալներն ամեն տարի կրկնապատկվելու են: Իսկ դա գնի վրա կազդի՞: Կազդի եւ գնի, եւ որակի ու արագության վրա: Ցանկություն ունե՞ք նաեւ մանրածախ ծառայություն մատուցելու: Այս պահին ունենք կորպորատիվ հաճախորդներ, որոնց տրամադրում ենք ինտերնետ հասանելիություն, որ ըստ էության մանրածախ ծառայություն է: Բացի օպերատորներից ու ինտերնետ պրովայդերներից, մեր հաճախորդներն են նաեւ բանկերը, պետական մարմինները, ենթակառուցվածքային ընկերությունները եւ այլն: Հնարավո՞ր է բնակչությանը ինտերնետ մատակարարեք: Մենք տարբեր բիզնես ծրագրեր ենք մշակել: Ընկերությունը շարունակելու է ընդլայնել իր ցանցը, իր ծառայությունների տեսականին, եւ չի բացառվում, որ բնակչությանը նույնպես մատուցենք ծառայություն: Հաճախ բաժանորդները զրկվում են ինտերնետից, երբ Վրաստանում ինչ-որ վթար է տեղի ունենում: Ի՞նչ մակարդակի վրա է ինտերնետ անվտանգությունը: Մեր բաժանորդները երբեք չեն զրկվել ինտերնետից: Հնարավոր են կարճաժամկետ վթարներ, երբ մոտ 5-6 ժամվա ընթացքում ինտերնետի հոսքերը կկրճատվեն, բայց չեն ընդհատվի: Վերջին աղետալի սողանցքը Բագրատաշեն-Այրում հատվածում վնասեց մեր 3 գծերից երկուսը: Բայց երրորդ գծով կարողացանք ապահովել 80 տոկոս հասանելիություն, իսկ 100 տոկոս ծավալը վերակագնեցինք այդ նույն գիշեր: Մեր հիմնական մատակարարներից մեկը` «Ռոստելեկոմ» ընկերությունը, որին շատ շնորհակալ ենք, շատ օպերատիվ անմիջապես ավելացրեց կապուղիները, որպեսզի այն կորուստը, որ ունեցանք սողանքի հատվածում, անմիջապես վերականգնենք: Հիմա արդեն կապուղին աշխատում է, տրված է ժամանակավոր լուծում` սողանքի գոտին շրջանցված է: Զրուցեց`Սամվել Ավագյան |
Հավանել նորությունը
«+15» - հավանությունների քանակ
Դիտումներ: 672 | Ավելացրել է: 3DNewscomm | Հայտնի տեգեր: |
Ընդհանուր Մեկնաբանությունները: 0 | |