3DNews-ի  բաժանորդագրություն
Հինգշաբթի, 09 May 2024
Գլխավոր » 2012 » Փետրվար » 27 » ՏՏ Լրատվական, Տեղեկատվական Տեխնոլոգիաներ
Facebook-ը հերքել է այն փաստը, թե սոցցանցը կարդում է մարդկանց sms-ները
3DNews ՏՏ Լրատվական - Facebook սոցիալական ցանցի ներկայացուցիչները հերքել են այն մեղադրանքները, թե ցանցը «հետևում է» սոցիալական ցանցերի հավելվածներ ներբեռնած անձանց sms -հաղորդագրություններին: Այս մասին հաղորդում է ամերիկյան Business Insider ինտերնետ հրատարակությունը` վկայակոչելով Facebook սոցիալական ցանցի ներկայացուցիչներին:

Ինչպես ավելի վաղ հայտնել էինք, կիրակի բրիտանական The Sunday Times պարբերականը հրապարակել էր, թե Facebook-ը հնարավորություն ունի կարդալու սոցիալական ցանցերի հավելվածներ ներբեռնած՝ սմարթֆոն օգտագործողների տեքստային հաղորդագրությունները (SMS-ները):

«Sunday Times-ը ճիշտ չէ, երբ գրում է, որ Facebook-ը կարդում է sms -հաղորդագրությունները: Պարբերականը սխալվում է ինչպես տերմինաբանության, այնպես էլ այն ենթադրությունների հարցում, թե այդ հնարավորությունը մենք կյանքի ենք կոչել»,-ասված է հաղորդագրության մեջ:

Ռուսական Vesti.ru կայքը հաղորդում է, որ Facebook-ի ներկայացուցիչները, այդուհանդերձ, խոստովանել են, որ իրենց` Android գործառնական համակարգով սմարթֆոնների համար նախատեսված համակարգչային ծրագիրն օգտատերերից sms-հաղորդագրություններ ստեղծելու և կարդալու համար թույլտվություն է հարցնում, ինչն էլ կատարվում է նոր գործառույթների փորձարկման համար: Թե ինչ նորույթների մասին է խոսքը, ներկայացուցիչները չեն հստակեցրել:
Հավանել նորությունը
«+10» - հավանությունների քանակ
Դիտումներ: 464 | Ավելացրել է: 3DNewscomm | Հայտնի տեգեր: sms, android, Business Insider, սոցիալական ցանց, The Sunday Times, Facebook, հաղորդագրություններ, ինտերնետ հրատարակություն | Գնահատական: 0.7/10 | Ավելացվել է: 27 February 2012, 20:48
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]